Ngoloneya nale e Ii monkalo ombwiinayi
Aafekelwa yatatu oya dhitikwa nale
Omunamimvo 92 Leonard Nangolo Mukwiilongo, okwa ponokelwa nokumonithwa iihuna koongangala hamano ndhoka dhe mu ponokele pegumbo lye nokupula iipatululo yoshiketha shokupungula iimaliwa.
Pahapu dhomonamati , Tshatipamba, aalumentu mbaka oya ponokele Mukwiilongo ongula yomasiku 11 gaApilili lyopotundi onti-11 na oya adha Mukwiilongo a kuutumba pondje pamwe nomuniilonga gwomegumbo.
Oongangala ndhika odhe ya thiminike opo ya ye megumbo no ku pula opo dhi pewe iimaliwa.
“Oya manga tate pamwe nomuniilonga gwomegumbo komeho na oya tameke taya pula iipatululo yoshiketha shiimaliwa. Tate okwa tindi okugandja iipatululo kookalyamupombo. Oya tema oonayilona na oya tameke taye mu nyenyepaleke nayo nelalakano opo a popye. Nokonima oye mu dhenge nondjembo yombistoli momutse.”
Okwa tsikileko ta ti oongangala ndhika odha patele he pamwe nomuniilonga gwe mondunda na odha kambadhala okuya ontuku noshiketha shiimaliwa ihe oshiketha osha li oshidhigu nomuniilonga okwe shi pondola okwiimangulula nokumangulula omukokele, nokumona ompito yo ku pitamo mondunda a pitile pekende no kumatuka opo a ka konge ekwatho. Sho aayugi ya mono omuniilonga tamatuka nayo oye gatanga no kuthiga po oshiketha. Omupopiliko gwopolisi yaMusati, Anna Kunga okwa lombwele oNamibian Sun kutya aafekelwa yatatu oya tulwa miipandeko na oya holoka mompangu yamangestrata gwaShakati. Aalumentu mbaka oya tindilwa omboloha na oya tumbulwa kutya omunamimvo 41 Wilhelm Nakale, Stefanus Namupala (35) na Abraham Ashipena (26). Oshipotha shawo osha undulilwa komasiku 31 gaMei nuumvo. “Omakonaakono gopolisi otaga tsikile na otatu kongo natango aafekelwa yakwawo yatatu,”Kunga ta ti. Omonagona gwaMukwiilongo, Epafras Mukwiilongo, okwa popi kutya hekulu okwa pumbwa egameno lyopapangelo ethimbo kehe. “Mboka aantu ya simana moshigwana na oya pumbwa egameno ethimbo alihe. Shoka osha holoka omolwaashoka epangelo olye ya ekelahi,” Epafras ta ti.
ILENI NANDJATO
Pahapu dhomonamati , Tshatipamba, aalumentu mbaka oya ponokele Mukwiilongo ongula yomasiku 11 gaApilili lyopotundi onti-11 na oya adha Mukwiilongo a kuutumba pondje pamwe nomuniilonga gwomegumbo.
Oongangala ndhika odhe ya thiminike opo ya ye megumbo no ku pula opo dhi pewe iimaliwa.
“Oya manga tate pamwe nomuniilonga gwomegumbo komeho na oya tameke taya pula iipatululo yoshiketha shiimaliwa. Tate okwa tindi okugandja iipatululo kookalyamupombo. Oya tema oonayilona na oya tameke taye mu nyenyepaleke nayo nelalakano opo a popye. Nokonima oye mu dhenge nondjembo yombistoli momutse.”
Okwa tsikileko ta ti oongangala ndhika odha patele he pamwe nomuniilonga gwe mondunda na odha kambadhala okuya ontuku noshiketha shiimaliwa ihe oshiketha osha li oshidhigu nomuniilonga okwe shi pondola okwiimangulula nokumangulula omukokele, nokumona ompito yo ku pitamo mondunda a pitile pekende no kumatuka opo a ka konge ekwatho. Sho aayugi ya mono omuniilonga tamatuka nayo oye gatanga no kuthiga po oshiketha. Omupopiliko gwopolisi yaMusati, Anna Kunga okwa lombwele oNamibian Sun kutya aafekelwa yatatu oya tulwa miipandeko na oya holoka mompangu yamangestrata gwaShakati. Aalumentu mbaka oya tindilwa omboloha na oya tumbulwa kutya omunamimvo 41 Wilhelm Nakale, Stefanus Namupala (35) na Abraham Ashipena (26). Oshipotha shawo osha undulilwa komasiku 31 gaMei nuumvo. “Omakonaakono gopolisi otaga tsikile na otatu kongo natango aafekelwa yakwawo yatatu,”Kunga ta ti. Omonagona gwaMukwiilongo, Epafras Mukwiilongo, okwa popi kutya hekulu okwa pumbwa egameno lyopapangelo ethimbo kehe. “Mboka aantu ya simana moshigwana na oya pumbwa egameno ethimbo alihe. Shoka osha holoka omolwaashoka epangelo olye ya ekelahi,” Epafras ta ti.
ILENI NANDJATO
Comments
Namibian Sun
No comments have been left on this article