NCCI a pula epangelo li katukile AaChina oonkatu
Omunashipundi gwoNamibia Chamber of Commerce and Industry (NCCI) moshitayi shomonooli, Tomas Iindji okwa popi kutya epangelo olya pumbwa okukatuka oonkatu dhomeendelelo omolwa aazaizai unene aakwashigwana yaChina mboka taya ningi oongeshefa dhaaheli pampango moshilongo.
Iindji okwa popi kutya ngele oongeshefa dhopetameko itadhi gamenwa okuza kaazaizai mboka, nena eliko lyoshilongo kali na esiku li koke, nompangela dhoshilongo kadhi na esiku dhi kaadhe omalalakano.
Iindji okwa popi ngaaka, sha landula omapulo ngoka a ningilwa koshifokundnaeki shoNamibian Sun, kutya ehangano lyaanangeshefa ota li ningi po shike mokugamena oongeshefa dhomoshilongo ndhoka dhi li methigathano enene noostola dhAaChina.
Omapulo ngoka oge ya po, sho ngashiingeyi oostola dhAaChina ndhoka dha kala nokulanditha iinima ngaashi uudhanitho waanona ngashiingeyi tadhi landitha iinima yilwe ngaashi iiwapeki yomomagumbo, niilongithomwa yomomagumbo mbyoka tayi landitha kaanangeshefa yomoshilongo.
Aanangeshefa oye wete kutya epangelo, pamwe nomahangano gaanangeshefa ngaashi NCCI oshowo okomisi tayi ithanwa competition commission, itaya gamene aanangeshefa mboka, na oya hala okuya tidha mo mongeshefa nokupata omiyelo dhoongeshefa dhawo, pethimbo mpoka oshilongo sha taalela onkalo yeliko ya nkundipala.
Iindji okwa popi kutya ondando hayo uupyakadhi sho aanangeshefa mboka ohaya landitha iinima yawo kondando yi li pevi, ihe oye wete kutya ihaya gwanitha po omilandu dhoshilongo ngaashi aanangeshefa yomoshilongo haya ningi. Okwa popi kutya oya lopota onkalo ndjoka kuuministeli wiipindi nomayambulepo gaanangeshefa mboka yopetameko, Namibian Competition Commission oshowo oNamibia trade forum.
KENYA KAMBOWE
Iindji okwa popi kutya ngele oongeshefa dhopetameko itadhi gamenwa okuza kaazaizai mboka, nena eliko lyoshilongo kali na esiku li koke, nompangela dhoshilongo kadhi na esiku dhi kaadhe omalalakano.
Iindji okwa popi ngaaka, sha landula omapulo ngoka a ningilwa koshifokundnaeki shoNamibian Sun, kutya ehangano lyaanangeshefa ota li ningi po shike mokugamena oongeshefa dhomoshilongo ndhoka dhi li methigathano enene noostola dhAaChina.
Omapulo ngoka oge ya po, sho ngashiingeyi oostola dhAaChina ndhoka dha kala nokulanditha iinima ngaashi uudhanitho waanona ngashiingeyi tadhi landitha iinima yilwe ngaashi iiwapeki yomomagumbo, niilongithomwa yomomagumbo mbyoka tayi landitha kaanangeshefa yomoshilongo.
Aanangeshefa oye wete kutya epangelo, pamwe nomahangano gaanangeshefa ngaashi NCCI oshowo okomisi tayi ithanwa competition commission, itaya gamene aanangeshefa mboka, na oya hala okuya tidha mo mongeshefa nokupata omiyelo dhoongeshefa dhawo, pethimbo mpoka oshilongo sha taalela onkalo yeliko ya nkundipala.
Iindji okwa popi kutya ondando hayo uupyakadhi sho aanangeshefa mboka ohaya landitha iinima yawo kondando yi li pevi, ihe oye wete kutya ihaya gwanitha po omilandu dhoshilongo ngaashi aanangeshefa yomoshilongo haya ningi. Okwa popi kutya oya lopota onkalo ndjoka kuuministeli wiipindi nomayambulepo gaanangeshefa mboka yopetameko, Namibian Competition Commission oshowo oNamibia trade forum.
KENYA KAMBOWE
Comments
Namibian Sun
No comments have been left on this article