Nangolo a yamukula komapopyo ga Mushelenga
Gumwe gwomwaamboka ye li moshikumungu shoontamanana meleo lyaNdonga okwa yamukula komapopyo gominista yEyambulepo lyIitopolwa nOondoolopa Peya Mushelenga.
Mushelenga okwa li a popi kutya etokolo okulundululila oombelewa dhelelo lyoshilongo shoka mOniipa, kali li paveta.
Momasiku 20 gaMaalitsa, Nangolo okwa shangele Mushelenga omukanda, onga ominista ndjoka yi na oshinakugwanithwa shomalelo gopamuthigululwakalo, opo e mu tseyithile oompangela dhawo dhokulundulula oombelewa dhelelo lyaNdonga okuza mOluno okuya mOniipa.
Mushelenga, okwa yamukula kutya shoka kashi li paveta, momukanda ngoka a shanga momasiku 23 gaMaalisa.
Nangolo okwa yamukula kutya etokolo okulundulula oombelewa ndhoka oli li oshiyetwapo netokolo lya ningwa kaakwashigwana.
“Aakwashigwana yaNdonga ngaaashi ye na uuthemba okushininga oya pula elundululo lyoombelewa ndhoka opo ya vule okukala taya mono omayakulo. Oshe ya onga ehaluko kaakwashigwana yaNdonga sho minista a popi kutya etokolo ndyoka lyaakwashigwana kali li paveta. Aakwashigwana oya ningi etokolo ndyoka opo oombelewa dhi lundululwe ngaashi tashi uthwa kontopolwa onti 3(1), konima sho ya kongo omayele gopaveta,” Nangolo a popi.
Nangolo okwa popi kutya ombaapila ye yotango kaya li tayi kongo epitiko okuza kuMushelenga ihe okumu tseyithila owala shoka sha tokolwa kaakwashigwana, na okwe mu tseyithile pankatu ye onga omupeha gwomukwaniilwa, Elifas, sho a li uuliwa komukwaniilwa mo 2002, onga omulanduli gwe.
Nangolo okwa tsikile kutya ota ndopa okugwanitha po iilonga ye ngele nena okwa ndopa okutseyithila minista shoka sha tokolwa kaalelwa yoshilongo shoka.
Nangolo ina nyanyukilwa woo oohapu dhaMushelenga kutya eindilo lyompangu ndyoka lya tulwa mo kookansela mboka olya kuthwa mo momusholondondo gwiipotha mbyoka tayi pulakenwa mompangu, momasiku 19 gaMaalitsa.
Nangolo okwa tseyithile Mushelenga kutya ye keli oshitopowa shaamboka ya tulamo endilo ndyoka, ta popi wo kutya eindilo olya undulilwa komasiku 14 gaMei.
Mushelenga, ngoka e li mwene gwomukunda Oshigambo melelo lyaNdonga, okwa lombwele oNamibian Sun kutya Ominista yUuyuuki Sacky Shanghala okwa tsakanena nale noongundu ndhoka mbali tadhi nanathana, na okwa ukitha olopota ye kokabinete.
Nangolo, ngoka uulikwa onga omulanduli gwomukwaniilwa mo 2002, ota yambidhidhwa kongundu yimwe melelo lyoshilongo shoka.
Aayambidhidhi ye unene ookansela mboka ya li ya tidhwa miilonga komukwaniilwa Elifas omvula ya piti.
Momasiku 20 gaMaalitsa, Nangolo okwa shangele Mushelenga omukanda, onga ominista ndjoka yi na oshinakugwanithwa shomalelo gopamuthigululwakalo, opo e mu tseyithile oompangela dhawo dhokulundulula oombelewa dhelelo lyaNdonga okuza mOluno okuya mOniipa.
Mushelenga, okwa yamukula kutya shoka kashi li paveta, momukanda ngoka a shanga momasiku 23 gaMaalisa.
Nangolo okwa yamukula kutya etokolo okulundulula oombelewa ndhoka oli li oshiyetwapo netokolo lya ningwa kaakwashigwana.
“Aakwashigwana yaNdonga ngaaashi ye na uuthemba okushininga oya pula elundululo lyoombelewa ndhoka opo ya vule okukala taya mono omayakulo. Oshe ya onga ehaluko kaakwashigwana yaNdonga sho minista a popi kutya etokolo ndyoka lyaakwashigwana kali li paveta. Aakwashigwana oya ningi etokolo ndyoka opo oombelewa dhi lundululwe ngaashi tashi uthwa kontopolwa onti 3(1), konima sho ya kongo omayele gopaveta,” Nangolo a popi.
Nangolo okwa popi kutya ombaapila ye yotango kaya li tayi kongo epitiko okuza kuMushelenga ihe okumu tseyithila owala shoka sha tokolwa kaakwashigwana, na okwe mu tseyithile pankatu ye onga omupeha gwomukwaniilwa, Elifas, sho a li uuliwa komukwaniilwa mo 2002, onga omulanduli gwe.
Nangolo okwa tsikile kutya ota ndopa okugwanitha po iilonga ye ngele nena okwa ndopa okutseyithila minista shoka sha tokolwa kaalelwa yoshilongo shoka.
Nangolo ina nyanyukilwa woo oohapu dhaMushelenga kutya eindilo lyompangu ndyoka lya tulwa mo kookansela mboka olya kuthwa mo momusholondondo gwiipotha mbyoka tayi pulakenwa mompangu, momasiku 19 gaMaalitsa.
Nangolo okwa tseyithile Mushelenga kutya ye keli oshitopowa shaamboka ya tulamo endilo ndyoka, ta popi wo kutya eindilo olya undulilwa komasiku 14 gaMei.
Mushelenga, ngoka e li mwene gwomukunda Oshigambo melelo lyaNdonga, okwa lombwele oNamibian Sun kutya Ominista yUuyuuki Sacky Shanghala okwa tsakanena nale noongundu ndhoka mbali tadhi nanathana, na okwa ukitha olopota ye kokabinete.
Nangolo, ngoka uulikwa onga omulanduli gwomukwaniilwa mo 2002, ota yambidhidhwa kongundu yimwe melelo lyoshilongo shoka.
Aayambidhidhi ye unene ookansela mboka ya li ya tidhwa miilonga komukwaniilwa Elifas omvula ya piti.
Comments
Namibian Sun
No comments have been left on this article