NamWater a yamukula onkugo yaanafaalama yomOshana nOmusati
Ehangano lyoNamWater olya yamukula keindilo ndyoka lya ningwa kaaniimuna yomoshitopolwa shaMusati oshowo Oshana opo a pombele omeya okuza mondama yaLushandja moshitopolwa shaMusati okuya mUuvudhiya, opo ku vule okuhupithwa iimuna mbyoka ya taalela enota.
NamWater ota longitha oshimaliwa sha thika poomiliyona 2 opo a pombele omeya momulonga gwaPonona mUuvudhiya okuza kOndama yaLushandja.
Aanafaalama oya popi kutya shoka osha simana noonkondo molwaashoka otaku ka hupithwa iimuna omayovi mUuvudhiya mbyoka yi li ya taalela ompumbwe yomeya. Uuvudhiya ehala ewananawa lyuulithilo na oli li egumbo komwaalu omunene gwohambo dhaanafaalama okuza moshitopolwa ngaashi Ohangwena, Oshikoto, Omusati oshowo Oshana, ihe ehala ndyoka olya taalela uupyakadhi womukundu gwomeya.
NamWater okwa tameke okupombela omeya mondama ndjoka uule wiiwike ya piti, ta longitha okanala koshinano shookilometa 130. Metitano lya piti, omeya ngoka oga piti ondjila yaShakati –Okahao na oga enda etata lyoshinano.
Kwiikwatelelwa komunambelewa omupopiliko gwehangano lyaNamWater, Johannes Shigwedha, konima yomitumba ndhoka ya li ya ningi naakuthimbinga ayehe mOshakati oshowo mOutapi, momwedhi Mei, oya tameke taya longekidha iiyemo, oonzo dhopauntu oshowo iilongitho.
“Dhimbuluka kutya otwa li tu na okanala ka teka na otwa li twa pata oopomba dhomeya mOndama yaCalueque moAngola na otwa tameke tatu longitha omeya okuza mOndama yaLushandja mokutopolela omeya momandiki gwewapaleko netopolo lyomeya mOutapi, Ogongo oshowo Oshakati. Ngashiingeyi otwali tatu udha manga omeya mOndama yaLushandja ndjoka yi li oompungululo dhetu dhopaulumomhumbwe omanga inatu tameka okupombela omeya mUuvudhiya,” Shigwedha a popi.
Shigwedha okwa popi kutya oyali manga taya wapaleke okanala na omeya otaga ende kashona netompelo kutya evi olya kukuta nomeya otaga udha manga moondama dhomevi ndhoka dhi li pooha nokanala hoka omanga omeya inaga tsikila okuya hoka guuka. Shigwedha okwa lombwele aakwashigwana yopooha nokanala ya longithe omeya ngoka ihe okwe ya kunkilile opo kaya yonagule okanala.
Omulonga gwaPonona ohagu mono omeya okuza mUumbugantu waAngola okupitila miishana mbyoka ya pita mekango lyomongwa mEtosha, ihe omolwa omuloka gwankundipala nuumvo, omeya inaga thika ko komulonga ngoka nuumvo.
Momvula yo 2016, NamWater okwa tameke ta pombo omeya okuza mOlushandja Dam, ta longitha okanala hoka, okupombela omeya mUuvudhiya, ihe sigo omwedhi Januari gwo 2017, omeya ngoka inaga thika ko.
Shigwedha okwa popi kutya oye na omukumo kutya omeya otaga ka thika mUuudhiya okuya pehulilo lyomwedhi nguka, nenge pokati komwedhi twa taalela.
ILENI NANDJATO
Aanafaalama oya popi kutya shoka osha simana noonkondo molwaashoka otaku ka hupithwa iimuna omayovi mUuvudhiya mbyoka yi li ya taalela ompumbwe yomeya. Uuvudhiya ehala ewananawa lyuulithilo na oli li egumbo komwaalu omunene gwohambo dhaanafaalama okuza moshitopolwa ngaashi Ohangwena, Oshikoto, Omusati oshowo Oshana, ihe ehala ndyoka olya taalela uupyakadhi womukundu gwomeya.
NamWater okwa tameke okupombela omeya mondama ndjoka uule wiiwike ya piti, ta longitha okanala koshinano shookilometa 130. Metitano lya piti, omeya ngoka oga piti ondjila yaShakati –Okahao na oga enda etata lyoshinano.
Kwiikwatelelwa komunambelewa omupopiliko gwehangano lyaNamWater, Johannes Shigwedha, konima yomitumba ndhoka ya li ya ningi naakuthimbinga ayehe mOshakati oshowo mOutapi, momwedhi Mei, oya tameke taya longekidha iiyemo, oonzo dhopauntu oshowo iilongitho.
“Dhimbuluka kutya otwa li tu na okanala ka teka na otwa li twa pata oopomba dhomeya mOndama yaCalueque moAngola na otwa tameke tatu longitha omeya okuza mOndama yaLushandja mokutopolela omeya momandiki gwewapaleko netopolo lyomeya mOutapi, Ogongo oshowo Oshakati. Ngashiingeyi otwali tatu udha manga omeya mOndama yaLushandja ndjoka yi li oompungululo dhetu dhopaulumomhumbwe omanga inatu tameka okupombela omeya mUuvudhiya,” Shigwedha a popi.
Shigwedha okwa popi kutya oyali manga taya wapaleke okanala na omeya otaga ende kashona netompelo kutya evi olya kukuta nomeya otaga udha manga moondama dhomevi ndhoka dhi li pooha nokanala hoka omanga omeya inaga tsikila okuya hoka guuka. Shigwedha okwa lombwele aakwashigwana yopooha nokanala ya longithe omeya ngoka ihe okwe ya kunkilile opo kaya yonagule okanala.
Omulonga gwaPonona ohagu mono omeya okuza mUumbugantu waAngola okupitila miishana mbyoka ya pita mekango lyomongwa mEtosha, ihe omolwa omuloka gwankundipala nuumvo, omeya inaga thika ko komulonga ngoka nuumvo.
Momvula yo 2016, NamWater okwa tameke ta pombo omeya okuza mOlushandja Dam, ta longitha okanala hoka, okupombela omeya mUuvudhiya, ihe sigo omwedhi Januari gwo 2017, omeya ngoka inaga thika ko.
Shigwedha okwa popi kutya oye na omukumo kutya omeya otaga ka thika mUuudhiya okuya pehulilo lyomwedhi nguka, nenge pokati komwedhi twa taalela.
ILENI NANDJATO
Comments
Namibian Sun
No comments have been left on this article