Namibia lyambangolota - Smit
Namibia okwa thika ponkatu mpoka ita pumbwa we okukala ta futu omwaalu omunene gwiimaliwa iilyo yomalelo giiputudhilo niikondo yepangelo, mbyoka itayi gandja iizemo ya sha iiwanawa nokuyambidhidha kekoko lyeliko lyoshilongo.
ELLANIE SMIT
Ngoka omaiyuvo goshilyo shongundu yoPopular Democratic Movement (PDM) Nico Smit, ngoka a holola pethimbo a gandja oshipopiwa she kombinga yomutengenekwathaneko gwoshilongo gwopokati komvula, mOmutumba gwoPashigwana.
Smit okwa popi kutya eliko lyoshilongo olya taaalela ondjila ya nayipala, nepangelo olyo tali pewa uusama.
Okwa popi kutya eliko otali shunithwa pevi komwaalu ogundji gwaaniilonga yepangelo mboka itaya gandja eyambidhidho kongushu yoshikondo shopaumwene.
Okwa tsikile kutya pahapu dhaminista Calle Schlettwein pethimbo a gandja omutengenekwa ngoka, otashi ulike kutya epangelo olya hala owala okukaleka po iiyemo yalyo pakuhehela, sho elongitho lyiiyemo moshilongo tali tsikile okukala pombanda okuyeleka niiyemo mbyoka oshilongo hashi mono. Opo kuthitikwe omwaka ngoka gu li monena, sho elongitho lyiiyemo li li pombanda okuyeka niiyemo mbyoka tayi monika koshilongo, oshilongo otashi hehela oongunga.
Pahapu dhaSmit, shoka sha pumbwa okuningwa ngashiingeyi okulongitha uumaliwa mboka wu li po miinima mbyoka yi na oshilonga.
Smit okwa popi kutya pethimbo a tseyitha omutengenekwathaneko petameko lyomvula, Schlettwein okwa popi kutya omutengenkwa gwomayambulepo ogwa gwedhelwa noopresenda 12 ihe ina popya kutya pokati komvula yo 2017 okwa Ii e gu shunitha pevi sigo ope longitho lyiimaliwa nopoopresenda 8.
Okwa popi kutya ongundu yawo yoPDM oya hala okuuva nokutseya kutya omwaalu gwoopresenda ngapi gwa tengenekelwa elongitho lyiimaliwa momayambulepo.
Smit natango okwa popi kutya okuya pokati koshikako shomutengenekwathaneko iikondo yathika puiyali oya longitha etata lyiiyemo yawo momutengenekwa ngaashi shi na okukala.
Iikondo owala itatu ya pitililitha elongitho lyawo, niikondo mbyoka oya tumbulwa kutya omalweendo, iipindi nomauyelele.
Momutengenekwa natango gwomayambulepo iikondo iyali oya holola omiyalu dhili nawa niikondo ndyoka oya tumbulwa kutya opolisi ndjoka ya holola oopresenda 44, oshowo egameno ndyoka lya holola oopresenda 67.
Smit okwa popi kutya otashi ulike kutya aluhe open omaipopilo ngele tashi ya kokukala aantu inaya gwanitha po iilonga yawo ngaashi sha li sha tegelelwa nenge ngele oya longitha iimaliwa oyindji sha pitilila omutengenekwathaneko ngoka ya pewa.
Omunapaliamende ngoka okwa tsikile kutya kape na omatompelo kutya oshikondo shegameno nashi pewe oshitopolwa oshinene shomutengenekwathaneko.
“Kape na omatompelo kutya omolwashike oshikondo shegameno shi na okupewa oshimaliwa sha thika poobiliyona 6. Katu na iita nomuntu na kape na omakwatho gopaulummhumbwe taga pumbwa eidhopo mo lyoshikondo shoka ngaashi onkalo yomananathano gopapolotika, kakele koshikukuta shoka twa kala twa taalela oomvula dhika.”
Smit natango okwa popi kombinga yokomisi yomahogololo moshilongo ano Electoral Commission of Namibia (ECN).
Okwa popi kutya kashi li mondjila okomisi ndjoka yi kale tayi pewa oshimaliwa oshindji noonkondo, sha thika poomiliyona 10 kehe omvula nomoomvula dhoka kape na omahogololo taga ningwa, ta pula kutya iimaliwa mbyoka ohayi longithwa shike, sho tayi gandjwa moomvula moka okakomisi itaka longekidha omahogololo.
Okwa popi kutya otaya pula iimaliwa oyindji opo ya vule okulanda omashina andola gokulongitha momahogololo, ihe oya longitha owala oopresenda 35 dhiimaliwa mbyoka ya pewa muApilili sigo omomwedhi Sepetemba.
Okwa tsikile kutya omutengenekwathaneko gwawo otagu ulike kutya inaya landa omashina ihe natango okomisi ndjoka oya pula oshimaliwa sha gwedhwa po shoomiliyona 6 okugwedha koomiliyona 4 dhomayakulo galwe ndhoka ya pewa nale okomisi ndjoka.
“Omvula ndjika kaku na omahogololo. Iikwaniipangitho mbyoka ye na iipe molwaashoka oya li ya longithwa owala lumwe momahogololo ngoka ga piti, otashi ende ngiini opo ya pule oomiliyona 6 dhokulongitha iikwaniipangitho mbyoka?” Smit a pula.
Okwa popi kutya epangelo olya pumbwa kutameka okulongitha iiyemo yimwe yomoompungulilo dhoshilongo pondje yoshilongo, opo ku yambidhihwe eliko lyoshilongo ndyoka tali shongola na oli li monkalo ya nayipala.
Ngoka omaiyuvo goshilyo shongundu yoPopular Democratic Movement (PDM) Nico Smit, ngoka a holola pethimbo a gandja oshipopiwa she kombinga yomutengenekwathaneko gwoshilongo gwopokati komvula, mOmutumba gwoPashigwana.
Smit okwa popi kutya eliko lyoshilongo olya taaalela ondjila ya nayipala, nepangelo olyo tali pewa uusama.
Okwa popi kutya eliko otali shunithwa pevi komwaalu ogundji gwaaniilonga yepangelo mboka itaya gandja eyambidhidho kongushu yoshikondo shopaumwene.
Okwa tsikile kutya pahapu dhaminista Calle Schlettwein pethimbo a gandja omutengenekwa ngoka, otashi ulike kutya epangelo olya hala owala okukaleka po iiyemo yalyo pakuhehela, sho elongitho lyiiyemo moshilongo tali tsikile okukala pombanda okuyeleka niiyemo mbyoka oshilongo hashi mono. Opo kuthitikwe omwaka ngoka gu li monena, sho elongitho lyiiyemo li li pombanda okuyeka niiyemo mbyoka tayi monika koshilongo, oshilongo otashi hehela oongunga.
Pahapu dhaSmit, shoka sha pumbwa okuningwa ngashiingeyi okulongitha uumaliwa mboka wu li po miinima mbyoka yi na oshilonga.
Smit okwa popi kutya pethimbo a tseyitha omutengenekwathaneko petameko lyomvula, Schlettwein okwa popi kutya omutengenkwa gwomayambulepo ogwa gwedhelwa noopresenda 12 ihe ina popya kutya pokati komvula yo 2017 okwa Ii e gu shunitha pevi sigo ope longitho lyiimaliwa nopoopresenda 8.
Okwa popi kutya ongundu yawo yoPDM oya hala okuuva nokutseya kutya omwaalu gwoopresenda ngapi gwa tengenekelwa elongitho lyiimaliwa momayambulepo.
Smit natango okwa popi kutya okuya pokati koshikako shomutengenekwathaneko iikondo yathika puiyali oya longitha etata lyiiyemo yawo momutengenekwa ngaashi shi na okukala.
Iikondo owala itatu ya pitililitha elongitho lyawo, niikondo mbyoka oya tumbulwa kutya omalweendo, iipindi nomauyelele.
Momutengenekwa natango gwomayambulepo iikondo iyali oya holola omiyalu dhili nawa niikondo ndyoka oya tumbulwa kutya opolisi ndjoka ya holola oopresenda 44, oshowo egameno ndyoka lya holola oopresenda 67.
Smit okwa popi kutya otashi ulike kutya aluhe open omaipopilo ngele tashi ya kokukala aantu inaya gwanitha po iilonga yawo ngaashi sha li sha tegelelwa nenge ngele oya longitha iimaliwa oyindji sha pitilila omutengenekwathaneko ngoka ya pewa.
Omunapaliamende ngoka okwa tsikile kutya kape na omatompelo kutya oshikondo shegameno nashi pewe oshitopolwa oshinene shomutengenekwathaneko.
“Kape na omatompelo kutya omolwashike oshikondo shegameno shi na okupewa oshimaliwa sha thika poobiliyona 6. Katu na iita nomuntu na kape na omakwatho gopaulummhumbwe taga pumbwa eidhopo mo lyoshikondo shoka ngaashi onkalo yomananathano gopapolotika, kakele koshikukuta shoka twa kala twa taalela oomvula dhika.”
Smit natango okwa popi kombinga yokomisi yomahogololo moshilongo ano Electoral Commission of Namibia (ECN).
Okwa popi kutya kashi li mondjila okomisi ndjoka yi kale tayi pewa oshimaliwa oshindji noonkondo, sha thika poomiliyona 10 kehe omvula nomoomvula dhoka kape na omahogololo taga ningwa, ta pula kutya iimaliwa mbyoka ohayi longithwa shike, sho tayi gandjwa moomvula moka okakomisi itaka longekidha omahogololo.
Okwa popi kutya otaya pula iimaliwa oyindji opo ya vule okulanda omashina andola gokulongitha momahogololo, ihe oya longitha owala oopresenda 35 dhiimaliwa mbyoka ya pewa muApilili sigo omomwedhi Sepetemba.
Okwa tsikile kutya omutengenekwathaneko gwawo otagu ulike kutya inaya landa omashina ihe natango okomisi ndjoka oya pula oshimaliwa sha gwedhwa po shoomiliyona 6 okugwedha koomiliyona 4 dhomayakulo galwe ndhoka ya pewa nale okomisi ndjoka.
“Omvula ndjika kaku na omahogololo. Iikwaniipangitho mbyoka ye na iipe molwaashoka oya li ya longithwa owala lumwe momahogololo ngoka ga piti, otashi ende ngiini opo ya pule oomiliyona 6 dhokulongitha iikwaniipangitho mbyoka?” Smit a pula.
Okwa popi kutya epangelo olya pumbwa kutameka okulongitha iiyemo yimwe yomoompungulilo dhoshilongo pondje yoshilongo, opo ku yambidhihwe eliko lyoshilongo ndyoka tali shongola na oli li monkalo ya nayipala.
Comments
Namibian Sun
No comments have been left on this article