Minista a yamukula Tjivikua
Ominista yElongo lyoPombanda, Itah Kandjii-Murangi oya yamukula komapopyo geidhopo mo lyopolotika ngoka ga ningwa kOmukomeho nale gwoshiputudhilo shoUniversity of Science and Technology (Nust), Tjama Tjivikua.
Kandjii-Murangi okwa pula kutya omolwashike Tjivikua ta popi owala ngashiingeyi, na okwa popi kutya omapopyo ge agehe ngoka a ningi kage na uukwashili.
Momukanda ngoka gwa shangelwa omunashipundi gwelelo lyaNust Esi Schimming-Chase mesiku lyotango lyaMaalitsa nuumvo, Tjivikua, ngoka a thigi po oshiputudhilo shoka momasiku 31 gaMaalitsa okwa popi kombinga yiikumungu yontumba.
Momalundilo ngoka ga ningwa kuTjivikua, omwa kwatelwa kutya omaihumbato gaKandjii-Murangi oga kutha po einekelo muyamwe po yomaadhaninkandangala moshiputudhilo shoka omanga natango ga nkondopeke aaniilonga yamwe po moshiputudhio nokukala taya ihumbata ngaashi yahala.
Tjivikua okwa popi natango kutya aaniilonga yamwe mboka itaya gwanitha po iilonga yawo oyiitungilapo uungundu nokutyapula eyambidhidho lyaminista na otaya pangele yeli ompinge naye naamboka ya gama kombinga ye, sho a li omukomeho opo andola ye mu pingenepo.
Tjivikua okwa popi kutya oshiputudhilo shaNust otashi gwile muupyakadhi kaapena ngoka a pyakudhukwa oku shi hupitha omolwa omaihumbato gaKandjii-Murangi oshowo iilyo yimwe yelelo lyoshiputudhilo.
Kandjii-Murangi okwa yamukula komapopyo gaTjivukua sha landula oshinyola shoNamibian Sun, nokupopya kutya ngoka omalundilo gowala.
“Konima yoomvula ne nda longele pamwe nawa nomukomeho nale gwaNust, otandi ti ngoka omalundilo gowala kage na uukwashili. Omolwashike te ga ningi ngashiingeyi sho tayi?” minista pula.
Mokati kiinima mbyoka ya popiwa kuTjivikua omwa kwatelwa kutya aaniilonga yamwe moshiputudhilo otaya gama ombinga nelelo lyoshiputudhilo omolwa omauwanawa gawo gopaumwene.
Pahapu dhe ekwatathano lyiilonga lyuukilila pokati kaaniilonga nelelo otali tula moshiponga oshiputudhilo.
Tjivikua okwa lundile woo iilyo yelelo lyoshiputudhilo kutya otaya ningi kehe shimwe shoka tashi popiwa kuKandjii-Murangi.
Miinima mbyoka omwa kwatelwa woo ekutho lyoonkondo omutumba gweutho gwali tagu ningilwa omupopiliko gwoshiputudhilo shoka, Kaitira Kandjii, ngoka Tjivikua a popi kutya ogwa kuthwa oonkondo kuminista yemwene.
Onzo yimwe oya lombwele oNamibian Sun kutya Kandjii omukwanezimo gwopopepi gwaminista, naashoka osho shemu thiminike a kuthe omutumba ngoka oonkondo.
Schimming-Chase oshiwike sha piti okwa popi kutya omanyenyeto gwaTjivikua otaga ka talika.
“Kehe omanyenyeto taga ningwa komuniilonga shi na sha nehala lye lyiilonga nale otaga ka talika komukomeho gwe, mompito ndjika omunashipundi gwelelo, neyambidhidho okuza kuuministeli womondjila.”
“Kashi shi oshinakugwanothwa shelelo lyaNust li ungaunge nomanyenyeto gomuniilonga nale. Oshilonga shoka oshi li momake goshikondo shoonzo dhopauntu nomunambelewa gwoshikondo shoka otaka ya mekwatathano nOmuprofessa Tjama Tjivikua pethimbo ewanawa opo ya kundathane omaupyakadhi ngoka e na konima sho a thigi po oshiputudhilo shoka muMaalitsa gwo 2019,” Schimming-Chase a popi.
OGONE TLHAGE
Momukanda ngoka gwa shangelwa omunashipundi gwelelo lyaNust Esi Schimming-Chase mesiku lyotango lyaMaalitsa nuumvo, Tjivikua, ngoka a thigi po oshiputudhilo shoka momasiku 31 gaMaalitsa okwa popi kombinga yiikumungu yontumba.
Momalundilo ngoka ga ningwa kuTjivikua, omwa kwatelwa kutya omaihumbato gaKandjii-Murangi oga kutha po einekelo muyamwe po yomaadhaninkandangala moshiputudhilo shoka omanga natango ga nkondopeke aaniilonga yamwe po moshiputudhio nokukala taya ihumbata ngaashi yahala.
Tjivikua okwa popi natango kutya aaniilonga yamwe mboka itaya gwanitha po iilonga yawo oyiitungilapo uungundu nokutyapula eyambidhidho lyaminista na otaya pangele yeli ompinge naye naamboka ya gama kombinga ye, sho a li omukomeho opo andola ye mu pingenepo.
Tjivikua okwa popi kutya oshiputudhilo shaNust otashi gwile muupyakadhi kaapena ngoka a pyakudhukwa oku shi hupitha omolwa omaihumbato gaKandjii-Murangi oshowo iilyo yimwe yelelo lyoshiputudhilo.
Kandjii-Murangi okwa yamukula komapopyo gaTjivukua sha landula oshinyola shoNamibian Sun, nokupopya kutya ngoka omalundilo gowala.
“Konima yoomvula ne nda longele pamwe nawa nomukomeho nale gwaNust, otandi ti ngoka omalundilo gowala kage na uukwashili. Omolwashike te ga ningi ngashiingeyi sho tayi?” minista pula.
Mokati kiinima mbyoka ya popiwa kuTjivikua omwa kwatelwa kutya aaniilonga yamwe moshiputudhilo otaya gama ombinga nelelo lyoshiputudhilo omolwa omauwanawa gawo gopaumwene.
Pahapu dhe ekwatathano lyiilonga lyuukilila pokati kaaniilonga nelelo otali tula moshiponga oshiputudhilo.
Tjivikua okwa lundile woo iilyo yelelo lyoshiputudhilo kutya otaya ningi kehe shimwe shoka tashi popiwa kuKandjii-Murangi.
Miinima mbyoka omwa kwatelwa woo ekutho lyoonkondo omutumba gweutho gwali tagu ningilwa omupopiliko gwoshiputudhilo shoka, Kaitira Kandjii, ngoka Tjivikua a popi kutya ogwa kuthwa oonkondo kuminista yemwene.
Onzo yimwe oya lombwele oNamibian Sun kutya Kandjii omukwanezimo gwopopepi gwaminista, naashoka osho shemu thiminike a kuthe omutumba ngoka oonkondo.
Schimming-Chase oshiwike sha piti okwa popi kutya omanyenyeto gwaTjivikua otaga ka talika.
“Kehe omanyenyeto taga ningwa komuniilonga shi na sha nehala lye lyiilonga nale otaga ka talika komukomeho gwe, mompito ndjika omunashipundi gwelelo, neyambidhidho okuza kuuministeli womondjila.”
“Kashi shi oshinakugwanothwa shelelo lyaNust li ungaunge nomanyenyeto gomuniilonga nale. Oshilonga shoka oshi li momake goshikondo shoonzo dhopauntu nomunambelewa gwoshikondo shoka otaka ya mekwatathano nOmuprofessa Tjama Tjivikua pethimbo ewanawa opo ya kundathane omaupyakadhi ngoka e na konima sho a thigi po oshiputudhilo shoka muMaalitsa gwo 2019,” Schimming-Chase a popi.
OGONE TLHAGE
Comments
Namibian Sun
No comments have been left on this article