‘Meme gwandje okwa kambadhala okudhipagandje’
Wilka Shikongo a kuutumba anika oluhodhi okwa popi kutya omukiintu ngoka iithana yina uule woomvula 45 okwe mu dhenge noonkondo nokweetitha okwaako kwe ku tetweko.
TUYEIMO HAIDULA
ONANDJOKWE
Shikongo okuli ta ti po hwepo moshipangelo shaNandjokwe moka a kala ta mono epango konima yoshingwanima shoka sha ningwa momasiku gahamano gaAguste nuumvo, momukunda Omulondo moshitopolwa shaShikoto.
Oshipotha shedhengo neehameko osha patululwa.
Yina omunammvo 72 palopota yopolisi okwa tulwa miipandeko mEtitano lya piti. Omupeha komufala gwOpolisi yaShikoto,
Petrus Shigwedha okwa popi kutya omukokele ngoka okwa tegelelwa a holoke mompangulilo yaNdangwa mOmaandaha.
Okwaako kwaShikongo okwali kwa tulwa mosamende ihe inashi pondola sha, sha etitha opo oondohotola dhi tokole dhi teteko okwaako hoka.
Shikongo okwa lombwele oNamibian Sun kutya yina okwa li tiigidha pethimbo temu dhenge kutya oye e mu vala na ote mu dhipaga.
Okwa popi kutya oshimbuluma shoka a longo, okwa longitha po okatowalekithi kaantu komweelelo hoka yina ha longitha okutula konyama.
Okwa popi kutya ina vula woo okwiigamena molwaashoka kali e shi tegelela, na osha ningwa meendelelo.
Okwa popi kutya kashi shi oshikando shotango yina te mu dhenge ihe shito ihe mu ehameke a ye moshipangelo.
Okwa popi kutya yina ohe ya tuku woo pamwe naanegumbo yalwe.
“Onda kanitha oshindji. Okwaako kwandje. Ngashiingeyi otandi ilongo okulonga ndaana okwaako kwandje kumwe. Edhilaadhilo ndyoka otali dhipagandje shi vulithe onkalo yoyene. Otandi ti we shike? Oye a valandje,” Shikongo a popi.
Shikongo kena iilonga na okwa li ha yogele aantu yopomudhingoloko gwawo.
Okwa tsikile kutya okuhole na okwa simaneka yina, nonando oya kala ye na ekwatatthano lya nika iipa yombwa, ine mu tuka nenge e mu dhenge nando olyo esiku limwe.
Okwa tsikile kutya okwa kala ha longo iilonga yomegumbo na okwa pulula nuumvo epya lyaandjawo oye awike mekwathelo lyaamwayina uuna yatalelepo.
Shikongo okwa popi kutya ota pandula sho a hupu meponokelo ndyoka, na oku na natango ompito yokumona aanona ye yaali yoomvula 10 no 12 sho taya koko.
He okwa hulitha momvula yo 2004.
ONANDJOKWE
Shikongo okuli ta ti po hwepo moshipangelo shaNandjokwe moka a kala ta mono epango konima yoshingwanima shoka sha ningwa momasiku gahamano gaAguste nuumvo, momukunda Omulondo moshitopolwa shaShikoto.
Oshipotha shedhengo neehameko osha patululwa.
Yina omunammvo 72 palopota yopolisi okwa tulwa miipandeko mEtitano lya piti. Omupeha komufala gwOpolisi yaShikoto,
Petrus Shigwedha okwa popi kutya omukokele ngoka okwa tegelelwa a holoke mompangulilo yaNdangwa mOmaandaha.
Okwaako kwaShikongo okwali kwa tulwa mosamende ihe inashi pondola sha, sha etitha opo oondohotola dhi tokole dhi teteko okwaako hoka.
Shikongo okwa lombwele oNamibian Sun kutya yina okwa li tiigidha pethimbo temu dhenge kutya oye e mu vala na ote mu dhipaga.
Okwa popi kutya oshimbuluma shoka a longo, okwa longitha po okatowalekithi kaantu komweelelo hoka yina ha longitha okutula konyama.
Okwa popi kutya ina vula woo okwiigamena molwaashoka kali e shi tegelela, na osha ningwa meendelelo.
Okwa popi kutya kashi shi oshikando shotango yina te mu dhenge ihe shito ihe mu ehameke a ye moshipangelo.
Okwa popi kutya yina ohe ya tuku woo pamwe naanegumbo yalwe.
“Onda kanitha oshindji. Okwaako kwandje. Ngashiingeyi otandi ilongo okulonga ndaana okwaako kwandje kumwe. Edhilaadhilo ndyoka otali dhipagandje shi vulithe onkalo yoyene. Otandi ti we shike? Oye a valandje,” Shikongo a popi.
Shikongo kena iilonga na okwa li ha yogele aantu yopomudhingoloko gwawo.
Okwa tsikile kutya okuhole na okwa simaneka yina, nonando oya kala ye na ekwatatthano lya nika iipa yombwa, ine mu tuka nenge e mu dhenge nando olyo esiku limwe.
Okwa tsikile kutya okwa kala ha longo iilonga yomegumbo na okwa pulula nuumvo epya lyaandjawo oye awike mekwathelo lyaamwayina uuna yatalelepo.
Shikongo okwa popi kutya ota pandula sho a hupu meponokelo ndyoka, na oku na natango ompito yokumona aanona ye yaali yoomvula 10 no 12 sho taya koko.
He okwa hulitha momvula yo 2004.
Comments
Namibian Sun
No comments have been left on this article