Mayola gwaMbaye a yamukula komapopyo gomagwedhelo
Mayola gwondoolopa yaMbaye, Immanuel Wilfred, okwa yamukula koonkundathana dha pitithwa miifokundaneki omasiku ga piti, kombinga yegwedhelo lyoondjambi nomauwanawa gookansela melelo lyondoolopa ndjoka.
Oshifokundaneki shomoshilongo osha lopota kombinga yonkundathana ndjoka yi na omusholondondo gwiikundanathanwa yomutumba gwelelo lyondoolopa ndjoka, molwa elelo lya zimine omagwedhelo gookansela oshowo omauwanawa noopresenda dhili pombanda.
Mayola okwa popi kutya omagwedhelo ngoka kageli ngaashi sha kundanekwa na okwa popi kutya omunambelewa omukuluntuwiliki gwondoolopa okwa pewa elombwelo komunashipundi gwelelo opo a ninge omatalululo komauwanawa ngoka omolwa omatompelo gontumba..
“Ookansela melelo oya li owala ya mono omagwedhelo mesiku lyotango lyaJuli mo-2013, na kape na we omagwedhelo galwe ga ningwa uule woomvula ndatu dha piti. Ookasnela inaya kutha omafudho itaaga futwa na ohaya longitha iiyenditho yawo yene okuya kiilongadhala yiilonga.”
Omunambelewa ngoka okwa tsikile kutya, iifuta mbyoka kayi li momulandu gwomalelo goondoolopa gwoSchedule 1, Part 1 local authority.
Okwa popi kutya iifuta mbyoka taya popiwa oyi li pevi noonkondo okuyelela naambyoka ya uthwa kompango yomalelo gooondoolopa.
Okwa ti omolwa omatompelo ngoka okwa gandjwa omagwedhelepo ngoka naatango inaga tulwa miilonga opo ku gwedhelwe oondjambi dhaaniilonga mboka.
Omagwedhelepo gamwe ongaashi okugandja uuwanawa giifuta yoongodhi pehala lyokulandela ookasnela oongodhi nokukala taya futilwa omadhengo agehe gokomwedhi ya ningi. Kwiikwatelelwa komukanda ngoka gwa pitithwa, mayola otaka mona iimaliwa yi vulithe pooN$500 000 komvula. Omauwanawa ge galwe ga gwedha po ogeli pooN$31 327 inamu kwatelwa iifuta yooN$1 500 kehe komwedhi onga omauwanawa goongodhi oshowo ooN$6 833 onga omauwananwa gomalweendo. Omupeha mayola Hilka Erastus otaka mona ondjambi yooN$25 834, komwedhi iifuta yomauwanawa gongodhi N$1 500 iifuta oshowo omauwanawa gomalweendo N$5 694. Ookansela otaya ka mona iifuta yi thike pamwe komitumba dhiigongi kehe taya ka yala.
Omunashipundi gwOkomitiye yElelo, Tobias Nambala otaka mona oshimaliwa shoondjambi yooN$26 000 komwedhi, iifuta yomauwanawa ge gomalweendo oyi li N$6 264 kehe omwedhi.
Iilyo yelelo, Paulus Kauhondamwa naNdishoshili Nghilumbwa otayi mono oondjambi dhooN$23 088 komwedhi. Iilyo yilwe Saara Shailemo ota mono N$20 779 komwedhi. Ookansela yalwe yatano otaya mono ondjambi yooN$18 700 omauwanawa gomalweendo gooN$4 555 oshowo iifuta yoongodhi yoN$1 500.
OTIS FINCK
Oshifokundaneki shomoshilongo osha lopota kombinga yonkundathana ndjoka yi na omusholondondo gwiikundanathanwa yomutumba gwelelo lyondoolopa ndjoka, molwa elelo lya zimine omagwedhelo gookansela oshowo omauwanawa noopresenda dhili pombanda.
Mayola okwa popi kutya omagwedhelo ngoka kageli ngaashi sha kundanekwa na okwa popi kutya omunambelewa omukuluntuwiliki gwondoolopa okwa pewa elombwelo komunashipundi gwelelo opo a ninge omatalululo komauwanawa ngoka omolwa omatompelo gontumba..
“Ookansela melelo oya li owala ya mono omagwedhelo mesiku lyotango lyaJuli mo-2013, na kape na we omagwedhelo galwe ga ningwa uule woomvula ndatu dha piti. Ookasnela inaya kutha omafudho itaaga futwa na ohaya longitha iiyenditho yawo yene okuya kiilongadhala yiilonga.”
Omunambelewa ngoka okwa tsikile kutya, iifuta mbyoka kayi li momulandu gwomalelo goondoolopa gwoSchedule 1, Part 1 local authority.
Okwa popi kutya iifuta mbyoka taya popiwa oyi li pevi noonkondo okuyelela naambyoka ya uthwa kompango yomalelo gooondoolopa.
Okwa ti omolwa omatompelo ngoka okwa gandjwa omagwedhelepo ngoka naatango inaga tulwa miilonga opo ku gwedhelwe oondjambi dhaaniilonga mboka.
Omagwedhelepo gamwe ongaashi okugandja uuwanawa giifuta yoongodhi pehala lyokulandela ookasnela oongodhi nokukala taya futilwa omadhengo agehe gokomwedhi ya ningi. Kwiikwatelelwa komukanda ngoka gwa pitithwa, mayola otaka mona iimaliwa yi vulithe pooN$500 000 komvula. Omauwanawa ge galwe ga gwedha po ogeli pooN$31 327 inamu kwatelwa iifuta yooN$1 500 kehe komwedhi onga omauwanawa goongodhi oshowo ooN$6 833 onga omauwananwa gomalweendo. Omupeha mayola Hilka Erastus otaka mona ondjambi yooN$25 834, komwedhi iifuta yomauwanawa gongodhi N$1 500 iifuta oshowo omauwanawa gomalweendo N$5 694. Ookansela otaya ka mona iifuta yi thike pamwe komitumba dhiigongi kehe taya ka yala.
Omunashipundi gwOkomitiye yElelo, Tobias Nambala otaka mona oshimaliwa shoondjambi yooN$26 000 komwedhi, iifuta yomauwanawa ge gomalweendo oyi li N$6 264 kehe omwedhi.
Iilyo yelelo, Paulus Kauhondamwa naNdishoshili Nghilumbwa otayi mono oondjambi dhooN$23 088 komwedhi. Iilyo yilwe Saara Shailemo ota mono N$20 779 komwedhi. Ookansela yalwe yatano otaya mono ondjambi yooN$18 700 omauwanawa gomalweendo gooN$4 555 oshowo iifuta yoongodhi yoN$1 500.
OTIS FINCK
Comments
Namibian Sun
No comments have been left on this article