Laerskool Brandberg sit pret terug in skoolgaan
‘n Laerskool op Uis is vir baie leerlinge ‘n tuiste weg van die huis.
Evany van Wyk
Laerskool Brandberg is geleë in Uis, ‘n baie klein dorpie in die Erongostreek.
Die skool is vernoem na die hoogste berg in Namibië wat sowat 12 km buite Uis geleë is.
32 onderwysers is tans verantwoordelik vir die 321 leerlinge by die skool.
Die skoolhoof, me. Lourencia Ganinas, vertel dat die skool daarop uit is om hul gemeenskap te dien. Brandberg se doel is dus om gehalte-onderrig te bied en sodoende produktiewe, verantwoordelike en gedissiplineerde individue in die land uit te stuur. “Ons by Brandberg streef met ons hele harte daarna om ‘n ferm basis vir kinders se onderrig te skep waarop hulle hul lewens kan bou,” het Ganinas gesê.
Volgens Ganinas is die skool uniek in die sin dat hulle ‘n tuiste weg van die huis is vir baie leerlinge wat dikwels uit moeilike omstandighede kom. “Daar is baie liefde en omgee by ons skool,” het Ganinas gesê. Die skool is nie net ‘n tuiste vir die kinders nie, maar ook vir die onderwysers. Me. Magdelena Afrikaaner is al vir meer as 30 jaar werksaam by die skool. Afrikaaner, wat op Uis gebore en getoë is, sê dat sy die gemeenskap se belange op die hart dra, vandaar haar besluit om so lank by die skool en in die dorpie aan te bly.
Soos by enige goeie skool, is daar by Laerskool Brandberg streng disiplinêre strukture in plek. Een so ‘n struktuur is die reflektiewe benadering waar leerlinge moet dink oor hul verkeerde dade. “Die leerling wat oortree het, moet dan ‘n plegtige belofte aflê om die oortreding te probeer regstel en ook om dit nie weer te doen nie,” verduidelik Ganinas.
Laerskool Brandberg het hierdie jaar twee interne leeskompetisies op hul skoolkalender. Die eerste kompetisie, vir graad 1 tot graad 3, het op 13 Junie plaasgevind en die tweede een is geskeduleer vir 25 Junie. Met die oog op holistiese ontwikkeling is daar ook kulturele aktiwiteite op die kalender soos hul kultuurdag op 21 Junie en ‘n koorkompetisie op 28 Junie. Mnr en Mej. Laerskool Brandberg gaan plaasvind op 26 Julie.
Urikhos Gladest, die hoofmeisie, het ‘n unieke siening van haar skool. Sy sê dat haar skool bewus is van hul diversiteit en ten spyte daarvan steeds een doelwit in sig het en dit is om die Namibiese kind se opvoeding te verseker. “Ek sien hierdie jaar uit daarna dat die kinders goeie punte sal behaal aan die einde van die jaar. Al wat ons moet doen, is hard werk en kophou,” meen Gladest. Die hoofseun, Tjiveze Santiago, beoog om hierdie jaar sy deel te doen om sy nalatenskap by die skool is verseker. “Hierdie jaar wil ek graag ‘n groentetuin vir die skool begin, in samewerking met die skool se voedingskema,” vertel Santiago trots. Die gedugte span van die leerlingraad wil ook meer doen vir die skool in terme van die omgewing en ‘n boomplanting-veldtog.
Volgens Clarentia Kharuchas, een van die Lewensvaardighede-onderwysers by die skool, is dwelmisbruik een van die grootse probleme wat hulle ervaar. “Ons probeer so veel as moontlik om die kinders te leer hoe om groepsdruk te weerstaan,” verduidelik Kharuchas. Dit blyk dat almal by die skool toegewy daaraan is om Laerskool Brandberg se naam hoog te hou, deur hard te werk en uitnemendheid op al die vlakke van onderrig toe te pas.
Laerskool Brandberg is geleë in Uis, ‘n baie klein dorpie in die Erongostreek.
Die skool is vernoem na die hoogste berg in Namibië wat sowat 12 km buite Uis geleë is.
32 onderwysers is tans verantwoordelik vir die 321 leerlinge by die skool.
Die skoolhoof, me. Lourencia Ganinas, vertel dat die skool daarop uit is om hul gemeenskap te dien. Brandberg se doel is dus om gehalte-onderrig te bied en sodoende produktiewe, verantwoordelike en gedissiplineerde individue in die land uit te stuur. “Ons by Brandberg streef met ons hele harte daarna om ‘n ferm basis vir kinders se onderrig te skep waarop hulle hul lewens kan bou,” het Ganinas gesê.
Volgens Ganinas is die skool uniek in die sin dat hulle ‘n tuiste weg van die huis is vir baie leerlinge wat dikwels uit moeilike omstandighede kom. “Daar is baie liefde en omgee by ons skool,” het Ganinas gesê. Die skool is nie net ‘n tuiste vir die kinders nie, maar ook vir die onderwysers. Me. Magdelena Afrikaaner is al vir meer as 30 jaar werksaam by die skool. Afrikaaner, wat op Uis gebore en getoë is, sê dat sy die gemeenskap se belange op die hart dra, vandaar haar besluit om so lank by die skool en in die dorpie aan te bly.
Soos by enige goeie skool, is daar by Laerskool Brandberg streng disiplinêre strukture in plek. Een so ‘n struktuur is die reflektiewe benadering waar leerlinge moet dink oor hul verkeerde dade. “Die leerling wat oortree het, moet dan ‘n plegtige belofte aflê om die oortreding te probeer regstel en ook om dit nie weer te doen nie,” verduidelik Ganinas.
Laerskool Brandberg het hierdie jaar twee interne leeskompetisies op hul skoolkalender. Die eerste kompetisie, vir graad 1 tot graad 3, het op 13 Junie plaasgevind en die tweede een is geskeduleer vir 25 Junie. Met die oog op holistiese ontwikkeling is daar ook kulturele aktiwiteite op die kalender soos hul kultuurdag op 21 Junie en ‘n koorkompetisie op 28 Junie. Mnr en Mej. Laerskool Brandberg gaan plaasvind op 26 Julie.
Urikhos Gladest, die hoofmeisie, het ‘n unieke siening van haar skool. Sy sê dat haar skool bewus is van hul diversiteit en ten spyte daarvan steeds een doelwit in sig het en dit is om die Namibiese kind se opvoeding te verseker. “Ek sien hierdie jaar uit daarna dat die kinders goeie punte sal behaal aan die einde van die jaar. Al wat ons moet doen, is hard werk en kophou,” meen Gladest. Die hoofseun, Tjiveze Santiago, beoog om hierdie jaar sy deel te doen om sy nalatenskap by die skool is verseker. “Hierdie jaar wil ek graag ‘n groentetuin vir die skool begin, in samewerking met die skool se voedingskema,” vertel Santiago trots. Die gedugte span van die leerlingraad wil ook meer doen vir die skool in terme van die omgewing en ‘n boomplanting-veldtog.
Volgens Clarentia Kharuchas, een van die Lewensvaardighede-onderwysers by die skool, is dwelmisbruik een van die grootse probleme wat hulle ervaar. “Ons probeer so veel as moontlik om die kinders te leer hoe om groepsdruk te weerstaan,” verduidelik Kharuchas. Dit blyk dat almal by die skool toegewy daaraan is om Laerskool Brandberg se naam hoog te hou, deur hard te werk en uitnemendheid op al die vlakke van onderrig toe te pas.
Comments
Namibian Sun
No comments have been left on this article