Kasuto ta kondjele oshipundi she
Omupresidende gwoNational Union of Namibian Workers (NUNW)Ismael Kasuto ngoka a kuthwa miilonga omasiku ga piti kelelo lyehangano ndyoka, okwa popi kutya ye otaka kondjela ehala lye ndyoka nonando ehangano olye mu kutha miilonga.
Ongundu ndjoka ya kutha Kasuto koshipundi oya ningi omatilitho gopaveta na oya ka konga ekwatho kuhahende Sisa Namandje molugodhi ndoka. Metiyali, Namandje okwa shangele Kasuto ombaapila ta pula opo a ze koshipundi onga omupresidende gwehangano ndyoka sha landula sho kwa ningwa omahogololo moka iilyo yehangano ya hogolola opo a ze koshipundi.
“Ngame natango ondili omupresidende gwoNUNW ngaashi nda hogololwa mokongressa yopashigwana ndjoka ya ningwa mesiku lyotango lyaMei mo-2015. Onda nyanyukwa okulongela aaniilonga nuuna ye wete kutya inaya pumba ndje we nena otandi thigipo oshipundi nesimaneko.”
Kasuto okwa tsu woo omukumo mboka inaye mu hala ya longithe omulandu gwopaveta, na okwa popi kutya sigo uuna shoka sha ningwa, oye omupresidende gwoNUNW.
“Owa kuthwa miilonga poondondo adhihe dhehangano lyoNUNW ndyoka wali tokalele po. Owa kuthwa oonkondo onga omushaini gwomayalulo gombaanga yehangano. Etokolo ndika olya ningwa pamahogololo ngoka ga ningwa kelelo lyopombanda,” ngoka ta longo pehala lyomupresidende gwoNUNW, Albert Liswaniso a shangele Kasuto mOmaandaha.
Ombaapila ndjoka ya shangwa kuNamandje oya pula opo Kasuto iikuthe koshipundi shuuleli wehangano ndyoka mEtitatu andola. Ombaapila oya tseyithile Kauto kutya ke na uuthemba washa opo a kalelepo ehangano ndyoka onga omupresidende gwehangano.
Kasuto okwa lombwelwa kutya okwa manguluka okukondjitha paveta ekutho lye koshipundi.
Kasuto okwa pula woo amushanga gwoSwapo, Nangolo Mbumba opo iidhidhimike molwaashoa elelo lyehangano ndyoka natango okwa tegelelwa opo li tume omushlondondo gwaakalelipo yehangano ndyoka mokongressa yongundu yoSwapo, ndjoka tayi ningwa muNovemba.
Ehangano ndyoka otali ka tuma aakalelipo yeli 15.
Mbumba ngoka a popi kutya kemo moshilongo pethimbo ndika, okwa tindi okupopya sha kombinga yomananathano ngoka e li ngashiingeyi moNUNW.
OGONE TLHAGE
Ongundu ndjoka ya kutha Kasuto koshipundi oya ningi omatilitho gopaveta na oya ka konga ekwatho kuhahende Sisa Namandje molugodhi ndoka. Metiyali, Namandje okwa shangele Kasuto ombaapila ta pula opo a ze koshipundi onga omupresidende gwehangano ndyoka sha landula sho kwa ningwa omahogololo moka iilyo yehangano ya hogolola opo a ze koshipundi.
“Ngame natango ondili omupresidende gwoNUNW ngaashi nda hogololwa mokongressa yopashigwana ndjoka ya ningwa mesiku lyotango lyaMei mo-2015. Onda nyanyukwa okulongela aaniilonga nuuna ye wete kutya inaya pumba ndje we nena otandi thigipo oshipundi nesimaneko.”
Kasuto okwa tsu woo omukumo mboka inaye mu hala ya longithe omulandu gwopaveta, na okwa popi kutya sigo uuna shoka sha ningwa, oye omupresidende gwoNUNW.
“Owa kuthwa miilonga poondondo adhihe dhehangano lyoNUNW ndyoka wali tokalele po. Owa kuthwa oonkondo onga omushaini gwomayalulo gombaanga yehangano. Etokolo ndika olya ningwa pamahogololo ngoka ga ningwa kelelo lyopombanda,” ngoka ta longo pehala lyomupresidende gwoNUNW, Albert Liswaniso a shangele Kasuto mOmaandaha.
Ombaapila ndjoka ya shangwa kuNamandje oya pula opo Kasuto iikuthe koshipundi shuuleli wehangano ndyoka mEtitatu andola. Ombaapila oya tseyithile Kauto kutya ke na uuthemba washa opo a kalelepo ehangano ndyoka onga omupresidende gwehangano.
Kasuto okwa lombwelwa kutya okwa manguluka okukondjitha paveta ekutho lye koshipundi.
Kasuto okwa pula woo amushanga gwoSwapo, Nangolo Mbumba opo iidhidhimike molwaashoa elelo lyehangano ndyoka natango okwa tegelelwa opo li tume omushlondondo gwaakalelipo yehangano ndyoka mokongressa yongundu yoSwapo, ndjoka tayi ningwa muNovemba.
Ehangano ndyoka otali ka tuma aakalelipo yeli 15.
Mbumba ngoka a popi kutya kemo moshilongo pethimbo ndika, okwa tindi okupopya sha kombinga yomananathano ngoka e li ngashiingeyi moNUNW.
OGONE TLHAGE
Comments
Namibian Sun
No comments have been left on this article