Kape na oompangela dha ningwa omolwa efundja - DTA
Omupresidende gwoDTA, McHenry Venaani okwa popi kutya epangelo olya ndopa okuninga oompangela mokukandeka efundja ndyoka tali dhenge onooli yoshilongo nonando okwa ningwa nale omakunkililo kutya oshitopolwa shoka otashi ka adhika kefundja.
“Otashi kumitha okumona kutya natango epangelo otali longitha owala omukalo gwokupula aakwashigwana ya tembukile komitunda omolwa efundja.”
Pahapu dhaVenaani, okwa li kwa pumbwa okuningwa sha opo ku kwashilipalekwe kutya omeya gefundja oga pungulwa.
Okwa popi kutya onkalo ndjoka otayi ulike endopo lyokuninga oompangela.
“Ope na ompito andola onene opo omeya ngoka ga pungulwe go ga vule okulongitha kaanafaalama mokutekela iimeno yawo.”
Venaani oku wete kutya omukalo ngoka otagu vulu okukwathela mokuya moshipala onkalo yeshunitho pevi eliko lyoshilongo oshowo enduluko lyondya moshilongo ndyoka hali yiwa moshipala kefundja.
DTA oya pula epangeo po li tule miilonga meendelelo okomitiye yooindjinia oshowo aanambelewa yetengeneko lyondjele yomeya opo ya vule okukwatela komeho ko ku kale taku pungulwa omeya ngoka gefundja ga vule okulongithwa miikunino.
Venaani okwa popi kutya otaka popya kombinga yoshipopiwa shoka momutumba gwopashigwana, opo ya vule okukundathana kombinga yefundja na nkene omeya ngoka taga vulu okugandja uuwananwa koshigwana.
Onooli natango otayi dhengwa kefundja sho ya mono ekuthikuthi etiyali lyomeya gefundja okuzilila muumbugantu waAngola, mehuliloshiwike lya piti.
ELLANIE SMIT
“Otashi kumitha okumona kutya natango epangelo otali longitha owala omukalo gwokupula aakwashigwana ya tembukile komitunda omolwa efundja.”
Pahapu dhaVenaani, okwa li kwa pumbwa okuningwa sha opo ku kwashilipalekwe kutya omeya gefundja oga pungulwa.
Okwa popi kutya onkalo ndjoka otayi ulike endopo lyokuninga oompangela.
“Ope na ompito andola onene opo omeya ngoka ga pungulwe go ga vule okulongitha kaanafaalama mokutekela iimeno yawo.”
Venaani oku wete kutya omukalo ngoka otagu vulu okukwathela mokuya moshipala onkalo yeshunitho pevi eliko lyoshilongo oshowo enduluko lyondya moshilongo ndyoka hali yiwa moshipala kefundja.
DTA oya pula epangeo po li tule miilonga meendelelo okomitiye yooindjinia oshowo aanambelewa yetengeneko lyondjele yomeya opo ya vule okukwatela komeho ko ku kale taku pungulwa omeya ngoka gefundja ga vule okulongithwa miikunino.
Venaani okwa popi kutya otaka popya kombinga yoshipopiwa shoka momutumba gwopashigwana, opo ya vule okukundathana kombinga yefundja na nkene omeya ngoka taga vulu okugandja uuwananwa koshigwana.
Onooli natango otayi dhengwa kefundja sho ya mono ekuthikuthi etiyali lyomeya gefundja okuzilila muumbugantu waAngola, mehuliloshiwike lya piti.
ELLANIE SMIT
Comments
Namibian Sun
No comments have been left on this article