Kandi tonde Geingob – Swartbooi
Omupeha minista nale gwOmavi, nangashiingeyi okuli omukomeho gwoLandless People’s Movement (LPM), Bernadus Swartbooi, okwa popi kutya ina kwatela iikonene Omupresidende Hage Geingob.
Swartbooi okwa popi ngaaka konyala omvula yimwe sho a tidhwa miilonga kuGeingob, sho a ndopa okugandja ombili komukomeho gwe miilonga, Utoni Nujoma.
Okwa lombwele oNampa kutya Geingob okwe mu kwathele iikando yontumba nonkene ke na uutondwe naye.
Swartbooi okwa nyana Geingob iikando yontumba naGeingob okwa yamukula komanyano ngoka taga ningwa komuleli gwoLPM kutya otaga ningwa komuntu a geya.
Swartbooi okwa popi kutya iha nyana omuntu omolwa ekwatathano lyawo ewinayi nenge uutondwe pokati kayo ihe oha popi owala oshili nongele oshinima osha puka na kashi li mondjila, oteshi popi owala kutya osha puka.
Omunapolotika ngoka okwa nyana woo ooprograma dhokukondjitha oluhepo dhepangelo, kutya kadhi na shoka tashi longo moshilongo.
Okwa popi woo kombinga yomauthemba gokukwata oohi ngoka a popi kutya oge na ondilo na na itaga vulika kaathigona moshilongo. Natango okwa tsikile kutya evi lyuunamapya moshilongo oli na ondilo na itali vulika kaathigona, ta pula kutya ooprograma dhokukondjitha oluhepo otadhi longo shike na oha nuninwa oolye.
Ngoloneya nale gwoshitopolwa sha //Karas, okwa popi kutya oprograma dha nuninwa okuyambapaleka oohandimwe odha pukithwa nooprograma shokukondjitha oluhepo.
Omapopyo ngoka, Swartbooi okwe ga ningi sha landula iiwike iishona ya piti, sho Ominista yUuyuki moshilongo, Sacky Shanghala a popi kutya omikanda shuuthemba wokukwata oohi moshilongo kashi shi dhaayehe.
Ongundu yoSwanu of Namibia oya pula woo opo uuthemba mboka wu pewe iitopolwa naakwashigwana pehala lyokupewa oohandimwe, tayi popi kutya momukalo ngoka otaku hupitha okuza moluhepo AaNamibia.
Kombinga yongushu yawo, Swartbooi okwa popi kutya oyi na aayambidhidhi oyendji miitopolwa 11 , na ina tumbula iitopolwa mbyoka omolwa egameno.
LPM inayi shangithwa natango onga ongundu yopolotika noElectoral Commission of Namibia.
NAMPA
Swartbooi okwa popi ngaaka konyala omvula yimwe sho a tidhwa miilonga kuGeingob, sho a ndopa okugandja ombili komukomeho gwe miilonga, Utoni Nujoma.
Okwa lombwele oNampa kutya Geingob okwe mu kwathele iikando yontumba nonkene ke na uutondwe naye.
Swartbooi okwa nyana Geingob iikando yontumba naGeingob okwa yamukula komanyano ngoka taga ningwa komuleli gwoLPM kutya otaga ningwa komuntu a geya.
Swartbooi okwa popi kutya iha nyana omuntu omolwa ekwatathano lyawo ewinayi nenge uutondwe pokati kayo ihe oha popi owala oshili nongele oshinima osha puka na kashi li mondjila, oteshi popi owala kutya osha puka.
Omunapolotika ngoka okwa nyana woo ooprograma dhokukondjitha oluhepo dhepangelo, kutya kadhi na shoka tashi longo moshilongo.
Okwa popi woo kombinga yomauthemba gokukwata oohi ngoka a popi kutya oge na ondilo na na itaga vulika kaathigona moshilongo. Natango okwa tsikile kutya evi lyuunamapya moshilongo oli na ondilo na itali vulika kaathigona, ta pula kutya ooprograma dhokukondjitha oluhepo otadhi longo shike na oha nuninwa oolye.
Ngoloneya nale gwoshitopolwa sha //Karas, okwa popi kutya oprograma dha nuninwa okuyambapaleka oohandimwe odha pukithwa nooprograma shokukondjitha oluhepo.
Omapopyo ngoka, Swartbooi okwe ga ningi sha landula iiwike iishona ya piti, sho Ominista yUuyuki moshilongo, Sacky Shanghala a popi kutya omikanda shuuthemba wokukwata oohi moshilongo kashi shi dhaayehe.
Ongundu yoSwanu of Namibia oya pula woo opo uuthemba mboka wu pewe iitopolwa naakwashigwana pehala lyokupewa oohandimwe, tayi popi kutya momukalo ngoka otaku hupitha okuza moluhepo AaNamibia.
Kombinga yongushu yawo, Swartbooi okwa popi kutya oyi na aayambidhidhi oyendji miitopolwa 11 , na ina tumbula iitopolwa mbyoka omolwa egameno.
LPM inayi shangithwa natango onga ongundu yopolotika noElectoral Commission of Namibia.
NAMPA
Comments
Namibian Sun
No comments have been left on this article