Kamanya a ningwa omunashipundi gwelelo lyaNdonga
Omukwaniilwa gwaNdonga Fillemon Shuumbwa Nangolo okwa ulike ngoloneya nale gwoshitopolwa shaShikoto, Vilho Kamanya, a ninge omunashipundi omupe gwelelo lyoshitunda shaNdonga, nokuya pehala lyaangoka a longa ethimbo onga omunashipundi, nakusa Peter Kauluma.
Elelo lyopamuthigululwakalo lyOndonga Traditional Authority (OTA) inali lundululwa olya kala ngaashi lya kala pethimbo lyelelo lyomukwaniilwa Immanuel Kauluma Elifas, kakele kuFillemon Shuumbwa Kauluma, ngoka a ningwa elenga lyoshikandjo shaNgulayanetanga, a yi miipundi yahe Peter Shimweefeleni, ngoka a hulitha nuumvo.
Nangolo okwa ningi omukwaniilwa gwaNdonga omuti 19 a landula omukwaniilwa Immanuel Kauluma Elifas, ngoka a hulitha muMaalitsa nuumvo.
Moonkundathana ndhoka a ningwa naye koNamibian Sun, Kamanya okwa popi kutya inaku ningwa omalunduluko melelo lyaNdonga kakele kiikandjo yimwe mbyoka ya kala melelo lyaakokele nenge aaleli mbyoka ye na uunkundi.
“Nomukwaniilwa omupe elelo lyaNdonga inali lunduluka. Kape na omalunduluko mookansela aashona naamboka aakuluntu. Omauliko omape oganingwa owala miikandjo mbyoka yi na aaleli ya huluko.
Otwa ulike woo aaleli aape ya yambidhidhe aakokele nenge aaleli mboka ya nika uunkundi na itaya vulu okugandja omakwatho agehe koshigwana,” Kamanya a popi.
Kamanya okwa tsikile kutya omukwaniilwa okwa ulike Ismael Shailemo a yambidhidhe Secilia Namene mOshuushe omanga Gerrard Kambonde takwatele komeho okomitiye ndjoka tayi yambidhidha Uukwanambwa.
Kauluma okwa pewa Kanana Hishoono e mu yambidhidhe mOngulayanetanga. Omukwaniilwa okwa ulike Martin Nashandi mOniimwandi tayi pehala lyaJeremia Nashandi ngoka a hulitha omanga mOndangwa Lot Kasamane uulikwa a yambidhidhe Tomas Nakanyala.
Ookansela aakuluntu melelo lyaNdonga oya tumbulwa kutya Wibard Lindker mUukwanambwa, Aili Kazimo Petrus oshowo Josef Akawa mOmulondo, Josef Asino mOniiwe, Naemani Amalwa mOniimwandi, Anneli Sakaria Mbumba oshowo Kamati Mushaandja mEpale, Secilia Namene oshowo Shailemo mOshuushe, John Walenga mOndangwa, Johannes Shondili Amutenya mOnalusheshete, Kamanya moAmuteya oshowo Kauluma mOngulayanetanga.
Ookansela aashona melelo ndyoka oya tumbulwa komadhina kutya Fillemon Nambili mUukwanambwa, Kwedhi Armas Amoomo mOmulondo, Kleopas Iindongo mOniiwe, Nashandi mOniimwandi, Tonata Ngulu mEpale, Neema Iindongo mOshuushe, Tomas Nakanyala mOndangwa, Kashona Malulu mOnalusheshete, Esra Naikaku moAmuteya oshowo Petrina Armas, Nikodemus Nangolo naHishoono oyomOngulayanetanga.
ILENI NANDJATO
Nangolo okwa ningi omukwaniilwa gwaNdonga omuti 19 a landula omukwaniilwa Immanuel Kauluma Elifas, ngoka a hulitha muMaalitsa nuumvo.
Moonkundathana ndhoka a ningwa naye koNamibian Sun, Kamanya okwa popi kutya inaku ningwa omalunduluko melelo lyaNdonga kakele kiikandjo yimwe mbyoka ya kala melelo lyaakokele nenge aaleli mbyoka ye na uunkundi.
“Nomukwaniilwa omupe elelo lyaNdonga inali lunduluka. Kape na omalunduluko mookansela aashona naamboka aakuluntu. Omauliko omape oganingwa owala miikandjo mbyoka yi na aaleli ya huluko.
Otwa ulike woo aaleli aape ya yambidhidhe aakokele nenge aaleli mboka ya nika uunkundi na itaya vulu okugandja omakwatho agehe koshigwana,” Kamanya a popi.
Kamanya okwa tsikile kutya omukwaniilwa okwa ulike Ismael Shailemo a yambidhidhe Secilia Namene mOshuushe omanga Gerrard Kambonde takwatele komeho okomitiye ndjoka tayi yambidhidha Uukwanambwa.
Kauluma okwa pewa Kanana Hishoono e mu yambidhidhe mOngulayanetanga. Omukwaniilwa okwa ulike Martin Nashandi mOniimwandi tayi pehala lyaJeremia Nashandi ngoka a hulitha omanga mOndangwa Lot Kasamane uulikwa a yambidhidhe Tomas Nakanyala.
Ookansela aakuluntu melelo lyaNdonga oya tumbulwa kutya Wibard Lindker mUukwanambwa, Aili Kazimo Petrus oshowo Josef Akawa mOmulondo, Josef Asino mOniiwe, Naemani Amalwa mOniimwandi, Anneli Sakaria Mbumba oshowo Kamati Mushaandja mEpale, Secilia Namene oshowo Shailemo mOshuushe, John Walenga mOndangwa, Johannes Shondili Amutenya mOnalusheshete, Kamanya moAmuteya oshowo Kauluma mOngulayanetanga.
Ookansela aashona melelo ndyoka oya tumbulwa komadhina kutya Fillemon Nambili mUukwanambwa, Kwedhi Armas Amoomo mOmulondo, Kleopas Iindongo mOniiwe, Nashandi mOniimwandi, Tonata Ngulu mEpale, Neema Iindongo mOshuushe, Tomas Nakanyala mOndangwa, Kashona Malulu mOnalusheshete, Esra Naikaku moAmuteya oshowo Petrina Armas, Nikodemus Nangolo naHishoono oyomOngulayanetanga.
ILENI NANDJATO
Comments
Namibian Sun
No comments have been left on this article