Ka tu li muupyakadhi - Ya Ndakolo
Ominista yegameno, Penda Ya Ndakolo, okwa tindi okuzimina kutya uuministeli we owa taalela uupyakadhi wopashimaliwa, sho a tseyithile okabinete kutya etumo lyaakwiita komagumbo oshinima hashi ningwa muuyuni.
Penda Ya Ndakolo okwa gunu woo aakondjithi ye, mboka taya longitha ompito opo ya mone iitsa yopolotika kutya oshilongo kashi li momukundu gwa sha ngele tashi ya kegameno.
Minista okwa popi ngaaka ta lombwele omutumba gwopaliamende kombinga yoshikumungu shetumo mefudho lyaakwiita yeli 1 000 okuza mookamba dhaakwiita moshilongo, nomatompelo kutya kape na iikulya niimaliwa yokufuta iifuta yomeya nolusheno.
Ya Ndakolo okwa ekelehi oolopota kutya oshikondo shegameno itashi vulu okupalutha aakwiita, ta popi kutya oopresenda 30 dhaakwiita mboka ya tumwa komagumbo oye li oshitopolwa shoompangela tadhi ningwa kuuministeli mboka opo ku yandwe elongitho lyiimaliwa oyindji, sho oshilongo sha taalela ompumbwe yiimaliwa ngashiingeyi.
Aakwiita oya tumwa mefudho lyuule womassiku o 30 okutameka mesiku lyotango lyaFebruali.
Ya Ndakolo okwa popi kutya oohapu tadhi popiwa kutya aakwiita mboka oya tumwa mefudho molwaashoka uuministeli itawu vulu okuyapalutha nokuya sila oshisho kadhi na uukwashili wa sha.
Okwa popi kutya etumo lyaakwiita komagumbo oshi li oshitopolwa sheshunitho pevi lyelongitho lyiimaliwa, nuuministeli natango owa tokola okukwata nawa iimaliwa paku kaleka eningo lyomadhelo omanene ngoka taga pula elongitho lyiimaliwa oyindji okutothamo omilandu dhilwe dhoka dha tulwa miilonga kuuministeli.
Minista okwa popi kutya onkalo muuministeli otayi ka shuna konkalo hoka ya kala nale, ngele onkalo yopaliko ya ti nawa moshilongo.
Ya Ndakolo okwa popi kutya iilyo yetanga lyegameno oya fa owala aaniilonga yakwawo yepangelo, na oye na uuthemba okuya mefudho, ngaashi aaniilonga ayehe noshigwana inashi pumbwa okukala momalimbililo kombinga yegameno lyoshilongo molwaashoka oopresenda 70 dhaakwiita otadhi kala miilonga.
Okwa tsikile kutya iinaakugwanithwa ayihe nomilandu dhuuministeli otadhi pula komeho ngaashi shito nonando ope na aakwiita mboka ye li mefudho. Minista okwa dhenge omuthindo kutya omukalo ngoka kagu shi oshinima oshipe , ihe ohashi ningwa woo nokiilongo yimwe.
Okwa popi kutya omikalo ndhoka tadhi longithwa okushunitha pevi elongitho lyiimaliwa omikalo dhopakathimbo, ano itadhi kalele, naayihe otayi ka shuna pomahala ngele onkalo ya hwepopala.
ELLANIE SMIT
Minista okwa popi ngaaka ta lombwele omutumba gwopaliamende kombinga yoshikumungu shetumo mefudho lyaakwiita yeli 1 000 okuza mookamba dhaakwiita moshilongo, nomatompelo kutya kape na iikulya niimaliwa yokufuta iifuta yomeya nolusheno.
Ya Ndakolo okwa ekelehi oolopota kutya oshikondo shegameno itashi vulu okupalutha aakwiita, ta popi kutya oopresenda 30 dhaakwiita mboka ya tumwa komagumbo oye li oshitopolwa shoompangela tadhi ningwa kuuministeli mboka opo ku yandwe elongitho lyiimaliwa oyindji, sho oshilongo sha taalela ompumbwe yiimaliwa ngashiingeyi.
Aakwiita oya tumwa mefudho lyuule womassiku o 30 okutameka mesiku lyotango lyaFebruali.
Ya Ndakolo okwa popi kutya oohapu tadhi popiwa kutya aakwiita mboka oya tumwa mefudho molwaashoka uuministeli itawu vulu okuyapalutha nokuya sila oshisho kadhi na uukwashili wa sha.
Okwa popi kutya etumo lyaakwiita komagumbo oshi li oshitopolwa sheshunitho pevi lyelongitho lyiimaliwa, nuuministeli natango owa tokola okukwata nawa iimaliwa paku kaleka eningo lyomadhelo omanene ngoka taga pula elongitho lyiimaliwa oyindji okutothamo omilandu dhilwe dhoka dha tulwa miilonga kuuministeli.
Minista okwa popi kutya onkalo muuministeli otayi ka shuna konkalo hoka ya kala nale, ngele onkalo yopaliko ya ti nawa moshilongo.
Ya Ndakolo okwa popi kutya iilyo yetanga lyegameno oya fa owala aaniilonga yakwawo yepangelo, na oye na uuthemba okuya mefudho, ngaashi aaniilonga ayehe noshigwana inashi pumbwa okukala momalimbililo kombinga yegameno lyoshilongo molwaashoka oopresenda 70 dhaakwiita otadhi kala miilonga.
Okwa tsikile kutya iinaakugwanithwa ayihe nomilandu dhuuministeli otadhi pula komeho ngaashi shito nonando ope na aakwiita mboka ye li mefudho. Minista okwa dhenge omuthindo kutya omukalo ngoka kagu shi oshinima oshipe , ihe ohashi ningwa woo nokiilongo yimwe.
Okwa popi kutya omikalo ndhoka tadhi longithwa okushunitha pevi elongitho lyiimaliwa omikalo dhopakathimbo, ano itadhi kalele, naayihe otayi ka shuna pomahala ngele onkalo ya hwepopala.
ELLANIE SMIT
Comments
Namibian Sun
No comments have been left on this article