Itula tulilemo Mbako oshipotha
JEMIMA BEUKES
Omukwatakanithi gwongundu yoSwapo, Elliot Mbako okwiiyadha momeya omapyu konima sho a tulilwa mo oshipotha kutya okwa dhenga omuyambidhidhi gwoTeam Swapo Dr Panduleni Itula.
Dr Itula okwa tula mo oshipotha mehuliloshiwike lyaPaasa.
Omupeha Komufala, Abner Agas, okwa ngoka e li omunambelewa omukwatakanithi gwiimbuluma moshitopolwa shaKhomas okwa koleke oshipotha shoka koNamibian Sun.
Mbako, ngoka e li omuyambidhidhi gwoHarambee, okwa lombwele oNamibian Sun kutya ye okwa kwata owala omakende gokomeho gaItula, sho e mu pula eidhopo lye miikumungu yoSwapo.
Pahapu dhe, Itula okwa kala nokukonga uupyakadhi sho ta popi iifundja kombinga yomikundu dha taalela iitayi yoSwapo moKatutura East oshowo Windhoek Rural.
“Ka pwa li olugodhi, oshinima osha hwahwamekwa owala kopolitika.Oshinima ashihe osha zilila pomutumba gwomahogololo gwoSwapo ngoka gwa ningwa omvula ya piti. Inaya hala okuzimina kutya oya sindika. Kaya uviteko kutyaTeam Harambee oshowo Team Swapo kayi po we, otwa li twa pumbwa okuhangana,” Mbako a popi.
Mbako ngoka e li oshilyo shelelo lyoSwapo, okwa popi kutya otashi ulike kutya iilyo yimwe yelelo otayi notheleko Itula shoka hashi kundathana momitumba dhelelo dhokomwedhi.
“Konima kehe yomutumba gwelelo lyiitopolwa, oha shanga oombaapila ta nyenyeta kombinga yomaupyakadhi. Onda yi owala ndi ke mu pule na okwa popi kutya kandi na uumbangi,” Mbako a tsikile.
Mbako okwa popi kutya okwa nongele kutya okwa tulilwamo oshipotha okuza kongundu yepandja lyoWhatsapp tayi ithanwa ‘Breaking News’.
“Ondi na owino yoshipotha. Onda yi ndi ke mupe ombili molwaashoka ye omukokele gwandje ihe inatu kondja, onda kwata owala omakende ge.”
Okwa gwedha po kutya okomitiye yiithikamena oya totwapo opo yi konaakone omanyenyeto ngoka ga shangwa kuItula. Mbako okwa gwedha po kutya Amushanga-ndjai gwoSwapo, Sofia Shaningwa okwa tegelelwa a ka tsakanene nelelo lyaKhomas.
Shaningwa okwa koleke omutumba ngoka ihe okwa popi kutya inagu hwahwamekwa koshikumungu shaMbako naItula.
Oonkambadhala okumona Itula odha hulile muunyengwi.
Omukwatakanithi gwongundu yoSwapo, Elliot Mbako okwiiyadha momeya omapyu konima sho a tulilwa mo oshipotha kutya okwa dhenga omuyambidhidhi gwoTeam Swapo Dr Panduleni Itula.
Dr Itula okwa tula mo oshipotha mehuliloshiwike lyaPaasa.
Omupeha Komufala, Abner Agas, okwa ngoka e li omunambelewa omukwatakanithi gwiimbuluma moshitopolwa shaKhomas okwa koleke oshipotha shoka koNamibian Sun.
Mbako, ngoka e li omuyambidhidhi gwoHarambee, okwa lombwele oNamibian Sun kutya ye okwa kwata owala omakende gokomeho gaItula, sho e mu pula eidhopo lye miikumungu yoSwapo.
Pahapu dhe, Itula okwa kala nokukonga uupyakadhi sho ta popi iifundja kombinga yomikundu dha taalela iitayi yoSwapo moKatutura East oshowo Windhoek Rural.
“Ka pwa li olugodhi, oshinima osha hwahwamekwa owala kopolitika.Oshinima ashihe osha zilila pomutumba gwomahogololo gwoSwapo ngoka gwa ningwa omvula ya piti. Inaya hala okuzimina kutya oya sindika. Kaya uviteko kutyaTeam Harambee oshowo Team Swapo kayi po we, otwa li twa pumbwa okuhangana,” Mbako a popi.
Mbako ngoka e li oshilyo shelelo lyoSwapo, okwa popi kutya otashi ulike kutya iilyo yimwe yelelo otayi notheleko Itula shoka hashi kundathana momitumba dhelelo dhokomwedhi.
“Konima kehe yomutumba gwelelo lyiitopolwa, oha shanga oombaapila ta nyenyeta kombinga yomaupyakadhi. Onda yi owala ndi ke mu pule na okwa popi kutya kandi na uumbangi,” Mbako a tsikile.
Mbako okwa popi kutya okwa nongele kutya okwa tulilwamo oshipotha okuza kongundu yepandja lyoWhatsapp tayi ithanwa ‘Breaking News’.
“Ondi na owino yoshipotha. Onda yi ndi ke mupe ombili molwaashoka ye omukokele gwandje ihe inatu kondja, onda kwata owala omakende ge.”
Okwa gwedha po kutya okomitiye yiithikamena oya totwapo opo yi konaakone omanyenyeto ngoka ga shangwa kuItula. Mbako okwa gwedha po kutya Amushanga-ndjai gwoSwapo, Sofia Shaningwa okwa tegelelwa a ka tsakanene nelelo lyaKhomas.
Shaningwa okwa koleke omutumba ngoka ihe okwa popi kutya inagu hwahwamekwa koshikumungu shaMbako naItula.
Oonkambadhala okumona Itula odha hulile muunyengwi.
Comments
Namibian Sun
No comments have been left on this article