Itula ota tamekitha omahwahwameko ge muKotomba
Omundohotola Panduleni Itula okwa popi kutya otaka tamekitha omahwahwameko ge gekuthombinga methigathano yuupresidende momasiku 26 gaKotomba.
Itula onkene a ndjika oonyala mevi nonando ota ningilwa omatilitho kongundu yoSwapo gokumuutha, sho aniwa ina hulitha po uukwashilyo we nongundu ndjoka. “Omahwahwameko gomahogololo oshowo omusindalandu gomahgololo guupresidende giithikamena otagu gandjwa maantu yetu momasiku 26 gaKotomba omvula 2019,” Omundohotola Itula a popi.
Nonando okuli oshilyo shoSwapo, okwa popi kutya kape na oveta yongundu ndjoka tayi indika iilyo yikuthe ombinga momathigathano gomahogololo yiithikamena.
Amushanga gwomauyelele mongundu yoSwapo, Hilma Nikanor okwa pula iiyo yongundu yi thigepo ongundu tango ngele oya hala okukutha ombinga momathigathano onga aahogololwa yiithikamena.
“Omadhilaadhilo goohandimwe taya pula aayambididhi yoSwapo opo ya yambidhidhe iiyetwapo yawo yaahogololwa yiithikamena omanga ye na natango uukwashilyo woSwapo, oshi li e yo pondje lyoompango dhomahogololo nomilandu dhongundu,” Nikanor a li a popi muMaalitsa.
Itula okwa tsu omukumo aakwashigwana yiishangithe opo ya kuthe ombinga momahogololo.
Pahapu dhaItula, okunyenyeta komapandja gomakwatathano gopamalungula inashi gwana.
“Owa hala okutsikila nokunyenyeta koWhatsApp ngoye ino pyakudhukwa okwiishangitha nokuhogolola?” Itula a pula. Itula, oku li oshilyo shoSwapo shi na uukwashilyo okuza omvula yo1971, na okwa popi kutya uuna a hogololwa otaka hanganitha Namibia na itaka kwatathana nongundu yontumba yopolotika na otaka kala owala naanapaliamende yahetatu.
Omahogololo guupresidende oshowo Omutumba gwoPashigwana otaga ningwa muNovemba nuumvo.
AakwaSwapo ya kunkililwa
Oshiwike sha piti, elelo lyongundu yoSwapo moshitopolwa shaKhomas olya ningi omutumba moka lya kunkilile iilyo yongundu opo kayi wayimine Itula.
Pethimbo a popitha iikundaneki Omukwatakanithi gwongudu yoSwapo moKhomas, Elliot Mbako okwa popi kutya okomitiye yokuungaunga nomautho otayi longo yiitulamo nethimbo owala eshona li li ko omanga iilyo mbyoka tayi ihumbata nayi ina yi katukilwe oonkatu.
Pahapu dhaMbako iilyo yongundu otayi pukithwa sho tayi hiwa okukala momitumba ndhoka kayi shi kutya odha shike.
MuMaalitsa ongundu oya kondema etokolo lyaItula okukutha ombinga methigathano lyomahogololo guupresidende onga omuhogololwa iithikamena omanga natango e li oshilyo shongundu. Swapo Party School nayo oyiikaleke kokule naItula.
Oshinima shimwe sha popiwa osho Itula a zala omwaala gongundu okulongitha omaimbilo goNdilimani, ethimbo ta ningi omahwahwameko ge.
Itula oshiwike sha piti okwa popi kutya ongundu yoSwapo, oye mu indike okulongitha ongalo yaJackson Kaujeua yedhina 'The winds of change' opo a ninge omahwahwameko ge gomauyelele goshigwana.
Mombaapila ya shangwa kuamushanga gwoSwapo, Sophia Shaningwa, Itula okwa popi kutya momasiku gatatu gaJuli lwopotundi onti 14:30, omunambelewa gwaNBC okwe mu lombwele kutya Swapo ota popi kutya ndyoka eimbilo lye. Pahapu dhaItula, okwa popi kutya omuniilonga ngoka gwaNBC okwe mu lombwele kutya Shaningwa okwa nyenyeta sho ta ningi omatseyitho ge ta longitha eimbilo yanakusa Kaujeua, ta popi kutya ngaaka otayi pondje uuthemba wuumwene weimbilo ndyoka.
Omunambelewa omukuluntu gwomalanditho moNBC, Umbi Karuaihe-Upi, okwa yelitha kutya NBC ina tinda okutseyitha omatumwalaka gaItula ihe okwe mu lombwele owala kombinga yaashoka sha holoka po.
Nonando okuli oshilyo shoSwapo, okwa popi kutya kape na oveta yongundu ndjoka tayi indika iilyo yikuthe ombinga momathigathano gomahogololo yiithikamena.
Amushanga gwomauyelele mongundu yoSwapo, Hilma Nikanor okwa pula iiyo yongundu yi thigepo ongundu tango ngele oya hala okukutha ombinga momathigathano onga aahogololwa yiithikamena.
“Omadhilaadhilo goohandimwe taya pula aayambididhi yoSwapo opo ya yambidhidhe iiyetwapo yawo yaahogololwa yiithikamena omanga ye na natango uukwashilyo woSwapo, oshi li e yo pondje lyoompango dhomahogololo nomilandu dhongundu,” Nikanor a li a popi muMaalitsa.
Itula okwa tsu omukumo aakwashigwana yiishangithe opo ya kuthe ombinga momahogololo.
Pahapu dhaItula, okunyenyeta komapandja gomakwatathano gopamalungula inashi gwana.
“Owa hala okutsikila nokunyenyeta koWhatsApp ngoye ino pyakudhukwa okwiishangitha nokuhogolola?” Itula a pula. Itula, oku li oshilyo shoSwapo shi na uukwashilyo okuza omvula yo1971, na okwa popi kutya uuna a hogololwa otaka hanganitha Namibia na itaka kwatathana nongundu yontumba yopolotika na otaka kala owala naanapaliamende yahetatu.
Omahogololo guupresidende oshowo Omutumba gwoPashigwana otaga ningwa muNovemba nuumvo.
AakwaSwapo ya kunkililwa
Oshiwike sha piti, elelo lyongundu yoSwapo moshitopolwa shaKhomas olya ningi omutumba moka lya kunkilile iilyo yongundu opo kayi wayimine Itula.
Pethimbo a popitha iikundaneki Omukwatakanithi gwongudu yoSwapo moKhomas, Elliot Mbako okwa popi kutya okomitiye yokuungaunga nomautho otayi longo yiitulamo nethimbo owala eshona li li ko omanga iilyo mbyoka tayi ihumbata nayi ina yi katukilwe oonkatu.
Pahapu dhaMbako iilyo yongundu otayi pukithwa sho tayi hiwa okukala momitumba ndhoka kayi shi kutya odha shike.
MuMaalitsa ongundu oya kondema etokolo lyaItula okukutha ombinga methigathano lyomahogololo guupresidende onga omuhogololwa iithikamena omanga natango e li oshilyo shongundu. Swapo Party School nayo oyiikaleke kokule naItula.
Oshinima shimwe sha popiwa osho Itula a zala omwaala gongundu okulongitha omaimbilo goNdilimani, ethimbo ta ningi omahwahwameko ge.
Itula oshiwike sha piti okwa popi kutya ongundu yoSwapo, oye mu indike okulongitha ongalo yaJackson Kaujeua yedhina 'The winds of change' opo a ninge omahwahwameko ge gomauyelele goshigwana.
Mombaapila ya shangwa kuamushanga gwoSwapo, Sophia Shaningwa, Itula okwa popi kutya momasiku gatatu gaJuli lwopotundi onti 14:30, omunambelewa gwaNBC okwe mu lombwele kutya Swapo ota popi kutya ndyoka eimbilo lye. Pahapu dhaItula, okwa popi kutya omuniilonga ngoka gwaNBC okwe mu lombwele kutya Shaningwa okwa nyenyeta sho ta ningi omatseyitho ge ta longitha eimbilo yanakusa Kaujeua, ta popi kutya ngaaka otayi pondje uuthemba wuumwene weimbilo ndyoka.
Omunambelewa omukuluntu gwomalanditho moNBC, Umbi Karuaihe-Upi, okwa yelitha kutya NBC ina tinda okutseyitha omatumwalaka gaItula ihe okwe mu lombwele owala kombinga yaashoka sha holoka po.
Comments
Namibian Sun
No comments have been left on this article