Inamu tu topola - Shaningwa
Amushanga gwongundu yoSwapo okwa pula iilyo yongundu yi hulithepo omaihumbato gutondwe netopoko mongundu, pethimbo ndyoka ongundu ya taalela omahogololo gopashigwana momvula twa taalela.
CATHERINE SASMAN
Ongundu yoSwapo otayi ka ninga omutumba gwokongressa pokati komasiku 30 gaNovemba sigo esiku lyotango yaDecemba moRamatex mOvenduka, onga etsikilo lyomutumba gomahogololo omutihamano gwongundu ngoka gwa ningwa muNovemba gwomvula ya piti.
Amushanga gwongundu Sophia Shaningwa okwa ningi etseyitho ndyoka mEtiyali na okwa popi kutya eningo lyomutumba ngoka olya simana noonkondo molwaashoka ope na iinima yilwe mongundu inayi manitha pethimbo lyokongresa ndjoka ya li ya ningwa omolwa omaupyakadhi gontumba niinima mbyoka oya pumbwa okumanithwa ngashiingeyi.
Shaningwa okwa tsu omudhindo kutya uukumwe nawu kalekwe po osha landula omutumba gwokongresa ngoka gwa ningwa omvula ya piti, moka ongundu ya li ya topoka moongundu mbali oTeam Swapo oshowo Team Harambee.
“Otwa manitha owala okongresa yetu ontihamano moka ookomrade yamwe ya kanitha ombili nenyanyu,” Shaningwa a popi.
Amushanga okwa popi kutya osha simana noonkondo opo iilyo yongundu yi yambidhidhe aaleli mboka ya hogololwa.
Shaningwa okwa popi kutya uukumwe owa simana noonkondo mongundu unene pethimbo ndyoka kwa tegelelwa omahogololo gaayehe momvula yo 2019.
Iikumungu yimwe mboka tayi ka kundathanwa pethimbo lyokongresa ndjoka omwa kwatelwa omalunduluko omatitatu ngoka taga ningwa mekotampango lyongundu, oshowo olopota nuutokolitho okuza mookongresa ndhoka dha ningwa nale.
Omalundululo gotango mekotampango lyoSwapo oga li ga ningwa muDesemba gwomvula yo1991 omanga omatiyali ga ningwa mo 1996.
Shaningwa okwa popi kutya iikundathanwa ayihe mokongresa ndjoka inayi manithwa natango na otayi talululwa kehe ethimbo opo ku kwashilipalekwe kutya ongundu oya a dha omalalakano nomauvaneko gawo ngoka ya ningile aahogololi.
Okwa tsikile kutya ongundu oya pumbwa okuhomatekwa opo yi vule okukondjitha oluhepo, nomaupyakadhi ogendji ngoka ga taalela oshilongo mwakwatelwa uupyakadhi wopaliko.
Shaningwa okwa popi kutya aakuthimbinga mboka ya kutha ombinga momutumba gwokongresa ngoka gwa ningwa omvula ya piti, oyo natango taya ka kutha ombinga na kape na omalunduluko gasha taga kaningwa.
Omupresidende Hage Geingob oye ta ka ninga omunashipundi gwonational preparatory committee.
Sho a popile oohapu ndhoka dha li dha popiwa kOmuprima Sara Kuugongelwa-Amadhila kutya iilyo yoSwapo momutumba goPaliamende mbyoka yi na oshinakugwanithwa shokutula miilonga omilandu dha simana otayi ka ungaungiwa nayo ngele itayi gwanithwa po iilonga, Shaningwa okwa popi kutya Swapo oku na oonkondo dhokukutha miilonga iilyo yawo mbyoka itayi uhumbata nawa.
Nonando ongaaka okwa popi kutya omuleli nale Nahas Angula, ngoka omathimbo ga piti a shanga omaiyuvo ge kombinga yepangelo, oku na uuthemba okuholola omaiyuvo ge, ta gwedhwa po kutya mboka ye na uupyakadhi nomukalo moka iinima tayi ningwa naya holole omaiyuvo gawo kokomitiye yelelo nenge kopolitburo.
Ongundu yoSwapo otayi ka ninga omutumba gwokongressa pokati komasiku 30 gaNovemba sigo esiku lyotango yaDecemba moRamatex mOvenduka, onga etsikilo lyomutumba gomahogololo omutihamano gwongundu ngoka gwa ningwa muNovemba gwomvula ya piti.
Amushanga gwongundu Sophia Shaningwa okwa ningi etseyitho ndyoka mEtiyali na okwa popi kutya eningo lyomutumba ngoka olya simana noonkondo molwaashoka ope na iinima yilwe mongundu inayi manitha pethimbo lyokongresa ndjoka ya li ya ningwa omolwa omaupyakadhi gontumba niinima mbyoka oya pumbwa okumanithwa ngashiingeyi.
Shaningwa okwa tsu omudhindo kutya uukumwe nawu kalekwe po osha landula omutumba gwokongresa ngoka gwa ningwa omvula ya piti, moka ongundu ya li ya topoka moongundu mbali oTeam Swapo oshowo Team Harambee.
“Otwa manitha owala okongresa yetu ontihamano moka ookomrade yamwe ya kanitha ombili nenyanyu,” Shaningwa a popi.
Amushanga okwa popi kutya osha simana noonkondo opo iilyo yongundu yi yambidhidhe aaleli mboka ya hogololwa.
Shaningwa okwa popi kutya uukumwe owa simana noonkondo mongundu unene pethimbo ndyoka kwa tegelelwa omahogololo gaayehe momvula yo 2019.
Iikumungu yimwe mboka tayi ka kundathanwa pethimbo lyokongresa ndjoka omwa kwatelwa omalunduluko omatitatu ngoka taga ningwa mekotampango lyongundu, oshowo olopota nuutokolitho okuza mookongresa ndhoka dha ningwa nale.
Omalundululo gotango mekotampango lyoSwapo oga li ga ningwa muDesemba gwomvula yo1991 omanga omatiyali ga ningwa mo 1996.
Shaningwa okwa popi kutya iikundathanwa ayihe mokongresa ndjoka inayi manithwa natango na otayi talululwa kehe ethimbo opo ku kwashilipalekwe kutya ongundu oya a dha omalalakano nomauvaneko gawo ngoka ya ningile aahogololi.
Okwa tsikile kutya ongundu oya pumbwa okuhomatekwa opo yi vule okukondjitha oluhepo, nomaupyakadhi ogendji ngoka ga taalela oshilongo mwakwatelwa uupyakadhi wopaliko.
Shaningwa okwa popi kutya aakuthimbinga mboka ya kutha ombinga momutumba gwokongresa ngoka gwa ningwa omvula ya piti, oyo natango taya ka kutha ombinga na kape na omalunduluko gasha taga kaningwa.
Omupresidende Hage Geingob oye ta ka ninga omunashipundi gwonational preparatory committee.
Sho a popile oohapu ndhoka dha li dha popiwa kOmuprima Sara Kuugongelwa-Amadhila kutya iilyo yoSwapo momutumba goPaliamende mbyoka yi na oshinakugwanithwa shokutula miilonga omilandu dha simana otayi ka ungaungiwa nayo ngele itayi gwanithwa po iilonga, Shaningwa okwa popi kutya Swapo oku na oonkondo dhokukutha miilonga iilyo yawo mbyoka itayi uhumbata nawa.
Nonando ongaaka okwa popi kutya omuleli nale Nahas Angula, ngoka omathimbo ga piti a shanga omaiyuvo ge kombinga yepangelo, oku na uuthemba okuholola omaiyuvo ge, ta gwedhwa po kutya mboka ye na uupyakadhi nomukalo moka iinima tayi ningwa naya holole omaiyuvo gawo kokomitiye yelelo nenge kopolitburo.
Comments
Namibian Sun
No comments have been left on this article