Iiponga yoombashu tadhi pi otayi faalele oomwenyo
Katrina Immanuel (9) pamwe nomumwayinamati Thomas (8) oya pi itaya vulu okudhimbululwa sha landula sho ombashu moka ya li ya lala koongulasha dhOsoondaha yayaka omulilo molukanda lwedhina Omdel moHenties Bay.
Pahapu dhaDetective Chief Inspector Daniel Gurirab gwopolisi yomoshitopolwa shErongo, he yuunona mboka okwa dhigi e wu patela mombashu omanga mwa li mu na okalehita ka tema.
“Omulilo ngoka ogwa lopotwa lwopotundi onti 03:20, nomakonaakono otaga tsikile okumona kutya oshike sha etitha omulilo,” Gurirab a popi.
Ookadhimamulilo pamwe nopolisi oya thiki pehala lyoshiponga muule wethimbo efupi ihe inaya vula okuhupitha uunona mboka.
Moshiningwanima shimwe natango, oombashu dhi li hamano odha pi po ongulohi yEtitano, lwopotundi onti 23:00 momukanda Oletweni moSwakopmund.
Inaku lopotwa hewa omuntu eehamekelwa moshiponga shoka ihe omaliko gaakalimo yomoombashu ndhoka oga hanagulwa po.
Pahapu dhaGurirab omulilo ogwa tameke mombashu yimwe na ogwa taandele koombashu dhilwe naashoka sha etitha omulilo ngoka kashi shishiwike natango.
Omutenya gwEtitano, oombashu dhontumba odha pi natango momudhingoloko gwaTutaleni moKuisebmond mOmbaye. Inaku lopotwa eehameko lyomuntu. Natango okwa lopotwa omulilo gwa hanagula po ehala lyooflat lwedhina Union Court mOmbaye.
Omulilo ngoka okwa li dha dhimwa meendelelo omanga inagu taandela. Otaku fekelwa kutya ogwa etithwa kuupyakadhi wiikwamalusheno.
LEANDRA LOUW
Pahapu dhaDetective Chief Inspector Daniel Gurirab gwopolisi yomoshitopolwa shErongo, he yuunona mboka okwa dhigi e wu patela mombashu omanga mwa li mu na okalehita ka tema.
“Omulilo ngoka ogwa lopotwa lwopotundi onti 03:20, nomakonaakono otaga tsikile okumona kutya oshike sha etitha omulilo,” Gurirab a popi.
Ookadhimamulilo pamwe nopolisi oya thiki pehala lyoshiponga muule wethimbo efupi ihe inaya vula okuhupitha uunona mboka.
Moshiningwanima shimwe natango, oombashu dhi li hamano odha pi po ongulohi yEtitano, lwopotundi onti 23:00 momukanda Oletweni moSwakopmund.
Inaku lopotwa hewa omuntu eehamekelwa moshiponga shoka ihe omaliko gaakalimo yomoombashu ndhoka oga hanagulwa po.
Pahapu dhaGurirab omulilo ogwa tameke mombashu yimwe na ogwa taandele koombashu dhilwe naashoka sha etitha omulilo ngoka kashi shishiwike natango.
Omutenya gwEtitano, oombashu dhontumba odha pi natango momudhingoloko gwaTutaleni moKuisebmond mOmbaye. Inaku lopotwa eehameko lyomuntu. Natango okwa lopotwa omulilo gwa hanagula po ehala lyooflat lwedhina Union Court mOmbaye.
Omulilo ngoka okwa li dha dhimwa meendelelo omanga inagu taandela. Otaku fekelwa kutya ogwa etithwa kuupyakadhi wiikwamalusheno.
LEANDRA LOUW
Comments
Namibian Sun
No comments have been left on this article