Iilonga yetungo lyoskola yaNgwediva ya tameke ishewe
Ope na omukumo ishewe kaanaskola mboka haya hiti oskola moskola yi li monkalo ya nika oshiponga noonkondo mondoolopa yaNgwediva, sho kwa ulikwa omutungi omupe opo a manithe etungo epe lyoskola ndjoka.
Elelo lyoshitopolwa shaShana olya ulike ehangano lyomatungo ndyoka tali manitha opoloyeka yetungo lyoskola yaNgwediva ndjoka lya kala inali manithwa okutungwa uule woomvula odhindji monena.
Opoloyeka yongushu yomiliyona 39 yetungo lyoskola yOngwediva Junior Secondary School olya li ya tamekithwa lyotango koombelewa onene dhelongo mOvenduka mo 2014.
Iilonga oyindji yopoloyeka ndjoka oya li ya manithwa kehangano lyoWDL and Uukumwe Construction, ihe opoloyeka ndjoka oya thigwapo inayi manithwa.
Iilonga yaatungi mbyoka oya li ya kalekwa mo 2016, omolwa iikumuntu yontumba.
Oskola yOngwediva Junior Secondary School monena otayi hiila momatungo gongeleka yaELCIN, ngoka geli woo monkalo ya nayipala oshinano shoometa 500 okuza poskola ompe ndjoka tayi tungwa tayi adhika mondjila onene mondoolopa ndjoka.
Omatungo ngoka taga longithwa monena oge na omakende ga tatuka, oombuli tadhi monika dha kulupa noonkondona ohadhi lokelwa pethimbo lyomvula, kayi na woo olusheno.
Omukumo ogwa holoka ishewe sho opoloyeka ndjoka ya tulwa momake gelelo lyoshitopolwa shaShana.
Iilonga mbyoka yaahupako oya tothwamo na okwa ningwa etseyitho lyotendela yiilonga mbyoka.
Momasiku 24 gaFebruali, ehala ndyoka olya gandjwa momake gehangano lyomatungo lyoJames and Young Construction, ndyoka tali manitha iilonga mbyoka, melongelokumwe nehangano lyomatungo lyoVindu CC.
Pahapu dhaangoka ta longo pehala lyomukomeho gwelongo moshitopolwa shaShana, Bernadette Mukulu-Mojekwu, iilonga mbyoka otayi ka manithwa miitopolwa iyali.
Mukulu-Mojekwu okwa popi kutya aatungi otaya ka manitha tango oshitopolwa shoongulu dhoskola, oshowo iilonga yominino dhomeya gonyata, okuya muJuni gwonuumvo omanga iilonga yilwe mbyoka tayi hupuko tayi kamanithwa muKotomba.
“Otwiinekela kutya oongulu oshowo omunino gwiiyekelwahi otagu manithwa muJuni, e ta tu pewa ooshapi, opo oskola yi vule okutembukila momatungo ngoka omape.”
Okwa tsikile kutya oshinyanga shokugongalela inashi simana unene okuyeleka noongulu dhoskola, onkene oshinyanga otashi ka manithwa ngele iinima mbyoka ya talika ko kutya oya simana noonkondo ya manithw.
Oskola ompe oyi na omatungo goongulu dhoskola ge li gane, oorabola mbali, ongulu yiilonga yoshilongwa shohome economics, etungo lyoombelewa, oshowo egumbo lyomukuluntuskola nomagumbo gaali gaalongiskola.
KENYA KAMBOWE
Elelo lyoshitopolwa shaShana olya ulike ehangano lyomatungo ndyoka tali manitha opoloyeka yetungo lyoskola yaNgwediva ndjoka lya kala inali manithwa okutungwa uule woomvula odhindji monena.
Opoloyeka yongushu yomiliyona 39 yetungo lyoskola yOngwediva Junior Secondary School olya li ya tamekithwa lyotango koombelewa onene dhelongo mOvenduka mo 2014.
Iilonga oyindji yopoloyeka ndjoka oya li ya manithwa kehangano lyoWDL and Uukumwe Construction, ihe opoloyeka ndjoka oya thigwapo inayi manithwa.
Iilonga yaatungi mbyoka oya li ya kalekwa mo 2016, omolwa iikumuntu yontumba.
Oskola yOngwediva Junior Secondary School monena otayi hiila momatungo gongeleka yaELCIN, ngoka geli woo monkalo ya nayipala oshinano shoometa 500 okuza poskola ompe ndjoka tayi tungwa tayi adhika mondjila onene mondoolopa ndjoka.
Omatungo ngoka taga longithwa monena oge na omakende ga tatuka, oombuli tadhi monika dha kulupa noonkondona ohadhi lokelwa pethimbo lyomvula, kayi na woo olusheno.
Omukumo ogwa holoka ishewe sho opoloyeka ndjoka ya tulwa momake gelelo lyoshitopolwa shaShana.
Iilonga mbyoka yaahupako oya tothwamo na okwa ningwa etseyitho lyotendela yiilonga mbyoka.
Momasiku 24 gaFebruali, ehala ndyoka olya gandjwa momake gehangano lyomatungo lyoJames and Young Construction, ndyoka tali manitha iilonga mbyoka, melongelokumwe nehangano lyomatungo lyoVindu CC.
Pahapu dhaangoka ta longo pehala lyomukomeho gwelongo moshitopolwa shaShana, Bernadette Mukulu-Mojekwu, iilonga mbyoka otayi ka manithwa miitopolwa iyali.
Mukulu-Mojekwu okwa popi kutya aatungi otaya ka manitha tango oshitopolwa shoongulu dhoskola, oshowo iilonga yominino dhomeya gonyata, okuya muJuni gwonuumvo omanga iilonga yilwe mbyoka tayi hupuko tayi kamanithwa muKotomba.
“Otwiinekela kutya oongulu oshowo omunino gwiiyekelwahi otagu manithwa muJuni, e ta tu pewa ooshapi, opo oskola yi vule okutembukila momatungo ngoka omape.”
Okwa tsikile kutya oshinyanga shokugongalela inashi simana unene okuyeleka noongulu dhoskola, onkene oshinyanga otashi ka manithwa ngele iinima mbyoka ya talika ko kutya oya simana noonkondo ya manithw.
Oskola ompe oyi na omatungo goongulu dhoskola ge li gane, oorabola mbali, ongulu yiilonga yoshilongwa shohome economics, etungo lyoombelewa, oshowo egumbo lyomukuluntuskola nomagumbo gaali gaalongiskola.
KENYA KAMBOWE
Comments
Namibian Sun
No comments have been left on this article