Iho kotha mongeshefa- Shuudifonya
Omupanguli Shafimana Ueitele, oshiwike sha piti okwa pula gumwe gwomaatamanekwa moshipotha shoFishrot, ngele oha kotha ngaa, ngene okwe shi ende ngiini a kale omupeha omukomeho, ye ota hiti ootundi nokulonga iilonga yopomunkulo, ihe omutamanekwa okwa yamukula kutya ngele owuli mongeshefa iho kotha.
JEMIMA BEUKES
OVENDUKA
Ueitele okwa li a hala okuuva kutya Otneel Shuudifonya oha gwanithapo ngiini iilonga ye, nenge okwa kala ha faula kiilonga opo a gwanithwepo iinakugwanithwe ye yilwe mbyoka e na.
Shuudifonya okwa popi kutya iilonga mbyoka itayi pula ethimbo lyuudha okukala miilonga ta gwedhapo kutya okwa longitha aailongi oshowo aaningi mapekaapeko pailongo opo ya gwanithwpeo iilonga ye yimwe mbyoka.
“Ahowe Omuwa gwandje, iho kotha ngele owuli mongeshefa. Ndjoka ompito wa mono, na osho hashi longo ngaaka”.
Shuudifonya okwa lombwele ompangu kutya oku na ontseyo kombinga yiipotha mbyoka ta tamanekelwa kutya iinene ihe ngele okwa tala kuumbangi mboka wa gandjwa kepangelo, osha yela kutya
okali na oshipotha oshinene kuye.
Okwa tindi woo eholeko lyoonzo dhiimaliwa lya ningwa nenano lyiimaliwa oyindji oshowo iifuta yiimaliwa okuza koombanga dhehangano lyedhina Ndjako Investments okuya komayalulo gombaanga goongeshefa dhaatamanekwa pamwe naye.
Okwa popi kutya iifuta mbyoka oya ningwa okugwanithapo iifuta ye kaantu mboka e na oondjo dhawo mwakwatelwa ehangano lyedhina Otwafika Investments lyaJames Hatuikulipi.
Iifuta mbyoka oya kwatela mo oshimaliwa shomwaalu gwoN$900 000 sha futwa kehangano Gwanyemba Investment Trust (GIT), shoka a popi kutya osha li oshitopolwa shiifuta ye momapungulo miikwamina moAngola.
Okwa popi kutya iimaliwa mbyoka oya longithwa mokulanda iilongitho yomomina, mbyoka ya landwa koshimaliwa shoomiliyona 7.4.
Omupanguli okwe mu pula opo a ndjandjakunune onzo yiimaliwa mbyoka ihe okwa yamukula kutya ita vulu okushi ninga molwaashoka ke na omusholondondo gwomayalulo ge gombaanga.
Ope na woo iifuta ya zi koNdjako okuya koJTH Investments, ehangano lyaTamson Hatuikulpi, onga iifuta yomayakulo ga gandjwa.
“Ondi shi Tamson Hatuikulipi onga omunangeshefa – Mr Tamson oku li woo omulandithi gwoohi nomathimbo nomathimbo onda longitha eloli lye mokundalaspota oohi dhandje.”
Osha monika kutya omathimbo gamwe, Shuudifonya okwa shanga uumbaapila womafutilo womayakulo ngoka ina gandja shili, nomupanguli okwe mu dhimbulukitha kutya ngele okwa ningi ngaaka nena otashi etitha a kale e na oongunga dhiishoshela yepangelo.
Epangelo olye mu tseyithile kutya okwa taalela iipotha iinene ngaashi uulunga, ekengelelo, eholeko lyoonzo dhiimaliwa oshowo elongelokumwe pamwe naatamanekwa naye melyenge lyoshipotha shoFishrot.
Shuudifonya okwa tseyithilwa woo kutya natango okuli ta tamanekelwa oshitopowa shelyenge lyoongangala omolwa ekano lyoshimaliwa shoomiliyona 317.
Okwa tindi woo kutya okwa li a kana uule woshiwike sho kwali kwagandjwa komoangu omukanda gwetulo miipandeko, ta popi kutya okwe li e li mefudho lyuuvu na okwali kegumbo ta tipo hwepo.
Okwa popi kutya okwa lombwela hahende gwe opo a lombwele opolisi kayi mu konge molwaashoka ota kiilopota yemwene.
OVENDUKA
Ueitele okwa li a hala okuuva kutya Otneel Shuudifonya oha gwanithapo ngiini iilonga ye, nenge okwa kala ha faula kiilonga opo a gwanithwepo iinakugwanithwe ye yilwe mbyoka e na.
Shuudifonya okwa popi kutya iilonga mbyoka itayi pula ethimbo lyuudha okukala miilonga ta gwedhapo kutya okwa longitha aailongi oshowo aaningi mapekaapeko pailongo opo ya gwanithwpeo iilonga ye yimwe mbyoka.
“Ahowe Omuwa gwandje, iho kotha ngele owuli mongeshefa. Ndjoka ompito wa mono, na osho hashi longo ngaaka”.
Shuudifonya okwa lombwele ompangu kutya oku na ontseyo kombinga yiipotha mbyoka ta tamanekelwa kutya iinene ihe ngele okwa tala kuumbangi mboka wa gandjwa kepangelo, osha yela kutya
okali na oshipotha oshinene kuye.
Okwa tindi woo eholeko lyoonzo dhiimaliwa lya ningwa nenano lyiimaliwa oyindji oshowo iifuta yiimaliwa okuza koombanga dhehangano lyedhina Ndjako Investments okuya komayalulo gombaanga goongeshefa dhaatamanekwa pamwe naye.
Okwa popi kutya iifuta mbyoka oya ningwa okugwanithapo iifuta ye kaantu mboka e na oondjo dhawo mwakwatelwa ehangano lyedhina Otwafika Investments lyaJames Hatuikulipi.
Iifuta mbyoka oya kwatela mo oshimaliwa shomwaalu gwoN$900 000 sha futwa kehangano Gwanyemba Investment Trust (GIT), shoka a popi kutya osha li oshitopolwa shiifuta ye momapungulo miikwamina moAngola.
Okwa popi kutya iimaliwa mbyoka oya longithwa mokulanda iilongitho yomomina, mbyoka ya landwa koshimaliwa shoomiliyona 7.4.
Omupanguli okwe mu pula opo a ndjandjakunune onzo yiimaliwa mbyoka ihe okwa yamukula kutya ita vulu okushi ninga molwaashoka ke na omusholondondo gwomayalulo ge gombaanga.
Ope na woo iifuta ya zi koNdjako okuya koJTH Investments, ehangano lyaTamson Hatuikulpi, onga iifuta yomayakulo ga gandjwa.
“Ondi shi Tamson Hatuikulipi onga omunangeshefa – Mr Tamson oku li woo omulandithi gwoohi nomathimbo nomathimbo onda longitha eloli lye mokundalaspota oohi dhandje.”
Osha monika kutya omathimbo gamwe, Shuudifonya okwa shanga uumbaapila womafutilo womayakulo ngoka ina gandja shili, nomupanguli okwe mu dhimbulukitha kutya ngele okwa ningi ngaaka nena otashi etitha a kale e na oongunga dhiishoshela yepangelo.
Epangelo olye mu tseyithile kutya okwa taalela iipotha iinene ngaashi uulunga, ekengelelo, eholeko lyoonzo dhiimaliwa oshowo elongelokumwe pamwe naatamanekwa naye melyenge lyoshipotha shoFishrot.
Shuudifonya okwa tseyithilwa woo kutya natango okuli ta tamanekelwa oshitopowa shelyenge lyoongangala omolwa ekano lyoshimaliwa shoomiliyona 317.
Okwa tindi woo kutya okwa li a kana uule woshiwike sho kwali kwagandjwa komoangu omukanda gwetulo miipandeko, ta popi kutya okwe li e li mefudho lyuuvu na okwali kegumbo ta tipo hwepo.
Okwa popi kutya okwa lombwela hahende gwe opo a lombwele opolisi kayi mu konge molwaashoka ota kiilopota yemwene.
Comments
Namibian Sun
No comments have been left on this article