Hulithenipo okukutha aaniilonga pondje yoshilongo - Kandjoze
Ominista yOompangela dhoPaliko oshowo omukomeho gwOkakomisi kOpashigwana kOompangela, Obeth Kandjoze, okwa indile epangelo lyaChina opo li shunithe pevi elongitho lyaaniilonga yaChina moopoloyeka dhaNamibia.
Okwa popi kutya shoka otashi kagandja ompito opo AaNamibia oyendji ya vule okukutwa miilonga.
Kandjoze okwa popi kutya pethimbo ndika AaNamibia otashi ulike yeli pevi lyokumona omauwanawa ngele tashi ya koshikondo shomatungo oshowo oopoloyeka dhomatungo.
Okwa popi kutya Namibia okwa hala okumona esindano li thike pamwe mekwatathano pokati kiilongo mbyoka iyali, tayi longele kumwe.
Kandjoze okwa li ta popi pethimbo lyoonkundatha dhiikundaneki dha longekidhwa komukalelipo gwachina, kombinga yoshiyetwapo tashi ithanwa Belt and Road Initiative (BRI).
Omatumbulo ngoka oga popiwa nokukolekwa kuDietrich Remmert, gwoInstitute for Public Policy Research (IPPR), ngoka a tsu omuthindo kutya oshikondo shopaumwene moNamibia nashi kuthe ombinga moopoloyeka ndhoka dhili kohi yoBRI.
BRI oshiyetwapo shomupresidende gwaChina, Xi Jinping ngoka a gandja omadhilaadhilo ngoka momvula yo 2013 opo ya tunge ondjila yopaliko ndjoka tayi piti moAsia, Europe, Middle East, Africa oshowo America.
Namibia okwa shaina opo a vule okukala oshitopolwa shoshiyetwapo shoka omvula ya piti muSepetamba, pethimbo lyomutumba ngoka gwa ningilwa moBeijing, niilongo ya Africa ya thika po 40 oya shaina ngashiiingeyi oshiyetwapo shoka.
Muuyuni iilongo ya thika pe 150 oya shaina etsokumwe lyoBRI naChina, pauyelele mboka wa gandjwa komukalelilipo gwaChina moNAmibia, Zhang Yiming.
MoNamibia inashi yela natango kutya oondjila dhini po oshowo oopoloyeka ndhoka tadhi ka longwa kohi yompangela ndjoka nenge kutya iiyemo otayi kala yi thike peni.
Sho kaku na natango uuyelele mboka, omunongononi gwopolotika, Dr Henning Melber okwa popi kutya oBRI, emangelokumwe lyiilongo lyaChina molukongo lwomakwatathano giipindi.
Zhang, okwa popi kutya BRI ondjila tayi fala kombili na oya nuninwa omatsokumwe gesindano shi thike pamwe moondjila dhomayambulepo.
Okwa popi kutya China ota longele kumwe naAfrica moBRI oshowo African Continental Free Trade Area (AfCFTA), nokugandja omakwatho ogendji kuAfrica a yambulepo omakwatathano ge, omidhingoloko dhopangeshefa oshowo ongushu yiipindi.
CATHERINE SASMAN
Kandjoze okwa popi kutya pethimbo ndika AaNamibia otashi ulike yeli pevi lyokumona omauwanawa ngele tashi ya koshikondo shomatungo oshowo oopoloyeka dhomatungo.
Okwa popi kutya Namibia okwa hala okumona esindano li thike pamwe mekwatathano pokati kiilongo mbyoka iyali, tayi longele kumwe.
Kandjoze okwa li ta popi pethimbo lyoonkundatha dhiikundaneki dha longekidhwa komukalelipo gwachina, kombinga yoshiyetwapo tashi ithanwa Belt and Road Initiative (BRI).
Omatumbulo ngoka oga popiwa nokukolekwa kuDietrich Remmert, gwoInstitute for Public Policy Research (IPPR), ngoka a tsu omuthindo kutya oshikondo shopaumwene moNamibia nashi kuthe ombinga moopoloyeka ndhoka dhili kohi yoBRI.
BRI oshiyetwapo shomupresidende gwaChina, Xi Jinping ngoka a gandja omadhilaadhilo ngoka momvula yo 2013 opo ya tunge ondjila yopaliko ndjoka tayi piti moAsia, Europe, Middle East, Africa oshowo America.
Namibia okwa shaina opo a vule okukala oshitopolwa shoshiyetwapo shoka omvula ya piti muSepetamba, pethimbo lyomutumba ngoka gwa ningilwa moBeijing, niilongo ya Africa ya thika po 40 oya shaina ngashiiingeyi oshiyetwapo shoka.
Muuyuni iilongo ya thika pe 150 oya shaina etsokumwe lyoBRI naChina, pauyelele mboka wa gandjwa komukalelilipo gwaChina moNAmibia, Zhang Yiming.
MoNamibia inashi yela natango kutya oondjila dhini po oshowo oopoloyeka ndhoka tadhi ka longwa kohi yompangela ndjoka nenge kutya iiyemo otayi kala yi thike peni.
Sho kaku na natango uuyelele mboka, omunongononi gwopolotika, Dr Henning Melber okwa popi kutya oBRI, emangelokumwe lyiilongo lyaChina molukongo lwomakwatathano giipindi.
Zhang, okwa popi kutya BRI ondjila tayi fala kombili na oya nuninwa omatsokumwe gesindano shi thike pamwe moondjila dhomayambulepo.
Okwa popi kutya China ota longele kumwe naAfrica moBRI oshowo African Continental Free Trade Area (AfCFTA), nokugandja omakwatho ogendji kuAfrica a yambulepo omakwatathano ge, omidhingoloko dhopangeshefa oshowo ongushu yiipindi.
CATHERINE SASMAN
Comments
Namibian Sun
No comments have been left on this article