Geingob ina hala okupopya ongeshefa ye
Omupresidende Hage Geingo okwa lombwele aatoolinkundana kutya itaka yamukula omapulo ge na sha nonkalamwenyo ye yopaumwene kombinga yongeshefa ye, na ina hala woo okuholola kutya okwa mono ingapi sho a landithapo iipambuliko ye mongeshefa yokutunga okandoolopa ke hoka kali ka ziminwa kElelo lyaVenduka, na otaka tungwa moKlein Windhoek.
Etungo lyomagumbo ga thika po 400 oshowo oomahala gokuhiila gongushu yobiliyona yimwe, olya kwatela mo omunashimaliwa gwaChina, Jack Huang. Omunangeshefa ngoka oku li ta tamanekelwa oshipotha shuulingilingi, eyando lyokufuta iishohela yepangelo oshowo okuholeka oonzo dhiimaliwa moNamibia.
Omupresidende okwa li gumwe gwomwaamboka taya mono uuwanawa okuza moDr Hage Geingob Family Trust, ndjoka yi na mo iipambuliko yoopresenda 20 moAfrican Sunrise Investment. Omukulukadhi nale gwaGeingob, Loini naye oku na mo oopresenda 20 moAfrican Sunrise Investment, omanga oopresenda 60 dha hupako dhaHuang.
“Ongeshefa yandje yopaumwene na kayi shi iilonga yeni,” Geingob a yamukula komapulo ngoka a ningilwa kaatoolinkundana.
Geingo okwa li a yelitha kuyele kutya keli we oshitopolwa shongeshefa ndjoka, naatoolinkundana mboka ya kala yahala okuuva ombinga yetokolo lye alihe oya yamukulwa nayi.
“Onde yi landitha po na itandi kala oshitopolwa shawo. Inandi indikwa okuninga iimaliwa, onda kala tandi ningi iimaliwa omanga inamu valwa. Iimaliwa kayi shi iipe kungame.”
Elelo lyoshilando shaVenduka olya zimine etungo lyokandoolopa hoka komalukalwa poplota tayi adhika mondjila ya kwatakanitha Ovenduka nOkapale kOodhila kaHosea Kutako International Airport.
Elelo lyaVenduka olya zimine etungo lyopoloyeka ndjoka pakugandja omalombwelo opo ku ningwe omakonaakono ga kwata miiti
go (geohydrology) ngoka taga ka longithwa kelelo lyondoolopa mokugandja ezimino nepulo komeho lyiilonga, molwaashoka ehala mpomatapu pangelwa okutungwa ehala ndyoka lyomalukalwa, otapu adhika oonzo dhomeya gomevi mOvenduka.
Eindilo ndoka li na nkene ehala ndyoka tali ka kala, oshowo omaludhi agehe gomagumbo ngoka taga tungwa mopoloyeka ndjoka olya gandjwa omvula ya piti kehangano lyoUrban Dynamics Town and Regional Planners, pehala lyehangano lyoAfrican Sunrise Investment Group.
Papangela yankene opoloyeka ndjoka tayi tungwa, ooplota dhili 67 otadhi ka tungwa omagumbo goludhi lyoduplex geli 134, omanga ooplota 29 tadhi ka tungwa omagumbo gondilo geli 29.
Omagumbo goludhi lwoterrace otaga ka tungwa pooplota 25 na otaga ka kala geli 121, omanga ooplota 10 tadhi ka tungwa ooflat 150, okutumbulapo owala yimwe po mbyoka tayi ka kala mokandoolopa hoka taka ka kala nomatungo ga thika 438.
FESTUS NAKATANA
Etungo lyomagumbo ga thika po 400 oshowo oomahala gokuhiila gongushu yobiliyona yimwe, olya kwatela mo omunashimaliwa gwaChina, Jack Huang. Omunangeshefa ngoka oku li ta tamanekelwa oshipotha shuulingilingi, eyando lyokufuta iishohela yepangelo oshowo okuholeka oonzo dhiimaliwa moNamibia.
Omupresidende okwa li gumwe gwomwaamboka taya mono uuwanawa okuza moDr Hage Geingob Family Trust, ndjoka yi na mo iipambuliko yoopresenda 20 moAfrican Sunrise Investment. Omukulukadhi nale gwaGeingob, Loini naye oku na mo oopresenda 20 moAfrican Sunrise Investment, omanga oopresenda 60 dha hupako dhaHuang.
“Ongeshefa yandje yopaumwene na kayi shi iilonga yeni,” Geingob a yamukula komapulo ngoka a ningilwa kaatoolinkundana.
Geingo okwa li a yelitha kuyele kutya keli we oshitopolwa shongeshefa ndjoka, naatoolinkundana mboka ya kala yahala okuuva ombinga yetokolo lye alihe oya yamukulwa nayi.
“Onde yi landitha po na itandi kala oshitopolwa shawo. Inandi indikwa okuninga iimaliwa, onda kala tandi ningi iimaliwa omanga inamu valwa. Iimaliwa kayi shi iipe kungame.”
Elelo lyoshilando shaVenduka olya zimine etungo lyokandoolopa hoka komalukalwa poplota tayi adhika mondjila ya kwatakanitha Ovenduka nOkapale kOodhila kaHosea Kutako International Airport.
Elelo lyaVenduka olya zimine etungo lyopoloyeka ndjoka pakugandja omalombwelo opo ku ningwe omakonaakono ga kwata miiti
go (geohydrology) ngoka taga ka longithwa kelelo lyondoolopa mokugandja ezimino nepulo komeho lyiilonga, molwaashoka ehala mpomatapu pangelwa okutungwa ehala ndyoka lyomalukalwa, otapu adhika oonzo dhomeya gomevi mOvenduka.
Eindilo ndoka li na nkene ehala ndyoka tali ka kala, oshowo omaludhi agehe gomagumbo ngoka taga tungwa mopoloyeka ndjoka olya gandjwa omvula ya piti kehangano lyoUrban Dynamics Town and Regional Planners, pehala lyehangano lyoAfrican Sunrise Investment Group.
Papangela yankene opoloyeka ndjoka tayi tungwa, ooplota dhili 67 otadhi ka tungwa omagumbo goludhi lyoduplex geli 134, omanga ooplota 29 tadhi ka tungwa omagumbo gondilo geli 29.
Omagumbo goludhi lwoterrace otaga ka tungwa pooplota 25 na otaga ka kala geli 121, omanga ooplota 10 tadhi ka tungwa ooflat 150, okutumbulapo owala yimwe po mbyoka tayi ka kala mokandoolopa hoka taka ka kala nomatungo ga thika 438.
FESTUS NAKATANA
Comments
Namibian Sun
No comments have been left on this article