Geingob a yamukula
Omunambelewa omupopiliko gwomuleli gwaNamibia okwa popi kutya kape na shoka sha puka sho omuleli a patulula pambelewa oombelewa dhiikwaveta dhahahende gwe gwopaumwene Sisa Namandje.
Omupresidende Hage Geingob okwa ya mukula komanyano ngoka a ningilwa sha landula sho a patulula pambelewa ombelewa ompe yohahende gwe gwopaumwene Sisa Namandje mOshilandopangelo.
Namandje ngoka a kalelapo epangelo miipotha oyindji okwa li woo a kalelepo omukwashigwana gwaRussia, Rashid Sardarov sho a pewa omulilo omuzizi kepangelo opo ahiile oofaalama ne moNamibia uule woomvula 99, noofaaalama ndhoka okwe dhi landele epangelo lyaNamibia.
Namandje okwa li woo a kwatele komeho eyalulo lyomawi pethimbo lyomahogololo gaaleli yoSwapo, pethimbo lyokongresa yoSwapo ndjoka ya ningwa omvula ya piti.
Iizemo yokongresa ndjoka otayi patanekwa kiilyo yimwe mbyoka yi wete kutya aniwa okwa longwauulingilingi pethimbo lyomahogololo ngoka.
Mirjam Shituula naSelma Namboga, oshowo ngoka e li pehala lyaakomeho yoSwapo Nambata Angula naSeth Boois, oya ka konga ekwatho lyompangu taya popi kutya okongresa ndjoka ya hogolola Geingob onga omupresidende gwongundu, Netumbo Nandi-Ndaitwah onga omupeha presidende oshowo Sophia Shaningwa onga amushanga-ndjai gwongundu naMarco Hausiku onga omupeha amushanga-ndjai, oya ningwa ya kwatelwa komeho kuulingilingi na oya hala iizemo yokongresa yomvula ya piti ndjoka ya ningwa kongundu ndjoka yi kuthwe oonkondo. Mboka oya ndopa okuya moshipala okongresa yongundu ndjoka ya tsikile momwedhi nguka.
Momusholondondo gwomanyenyeto gawo kombinga yokongresa ndjoka ya ningwa mo 2017, mboka oya popi kutya omwa kwatelwa oongoloneya yahetatu yiitopowa mboka ya kutha ombinga mokongresa ndjoka shaaheli paveta oshowo iilyo ine yelelo lyaanyasha yoSwapo, mboka ya pitikwa okukutha ombinga momahogololo gokomitiye yelelo nonando kaya li yeli poomvula dhokukala iilyo yewawa lyaanyasha, molwaashoka oye li pombanda yoomvula 35.
Mboka oya tsikile kutya okwa longwa uulingilingi pethimbo lyomitumba dhiitopolwa ndhoka dha ningwa omanga inaku ningwa okongresa.
Oya popi kutya omisholondondo dhaakuthimbinga mboka ya li ya hogolololwa odha lundululwa nopomahala gaakuthimbinga yamwe opwa tulwa aantu yamwe ye ya pingenepo.
Omupopiliko gwomupresidende Alfredo Hengari, okwa yamukula komanyano nomanyenyeto ngoka ga ningilwa Geingob sho a patulula pambelewa oombelewa shaNamandje kutya, omanyano ngoka oga kala taga ningilwa omupresidende konima nkene a sindana po omahogololo guupresidende momvula yo 2014.
Okwa tsikile kutya osha li sha pumbwa okukala enyanyu enene okutyapula epondolo lyomunambelewa gwiikwaveta ngoka a longo nuudhiginini nonando okwa kala nale ina talika.
Okwa tsikile kutya Namandje ngoka e li mwene gwehangano lyoohahende lyoSisa Namandje & Co. Incorporated, oku na ondjokonona tayi shambula na ombwaanawa nokukumika aanyasha kutya otaya vulu okupondola kehe shimwe shoka taya dhilaadhila okuninga.
Okwa popi kutya mboka yahala owala okunyana kehe shimwe shoka tashi ningwa komupresidende oya dhimbwa kutya uukoloni owa li wa thigile oshilongo momake gaatiligane mboka unene oyo owala ya kalataya dhana onkandangala moshikondo shiikwavetanokupatela aaludhe pondje.
Okwa ekelehi woo omapopyo kutya ekalo lyaGeingob poshituthi shokupatulula oombelewa dhaNamandje kashi li mondjila sho haku longithwa Namandje miikumungu yopashigwana moshilongo, ta gandja oshiholelwa shehangano lyiikwaveta lyaAmerica ndyoka lya kala tali kwathele aaleli yoshilongo shoka mwa kwatelwa Jimmy Carter, Bill Clinton oshowo George Bush Snr.
OMUTOOLINKUNDANA GWOMENI
Namandje ngoka a kalelapo epangelo miipotha oyindji okwa li woo a kalelepo omukwashigwana gwaRussia, Rashid Sardarov sho a pewa omulilo omuzizi kepangelo opo ahiile oofaalama ne moNamibia uule woomvula 99, noofaaalama ndhoka okwe dhi landele epangelo lyaNamibia.
Namandje okwa li woo a kwatele komeho eyalulo lyomawi pethimbo lyomahogololo gaaleli yoSwapo, pethimbo lyokongresa yoSwapo ndjoka ya ningwa omvula ya piti.
Iizemo yokongresa ndjoka otayi patanekwa kiilyo yimwe mbyoka yi wete kutya aniwa okwa longwauulingilingi pethimbo lyomahogololo ngoka.
Mirjam Shituula naSelma Namboga, oshowo ngoka e li pehala lyaakomeho yoSwapo Nambata Angula naSeth Boois, oya ka konga ekwatho lyompangu taya popi kutya okongresa ndjoka ya hogolola Geingob onga omupresidende gwongundu, Netumbo Nandi-Ndaitwah onga omupeha presidende oshowo Sophia Shaningwa onga amushanga-ndjai gwongundu naMarco Hausiku onga omupeha amushanga-ndjai, oya ningwa ya kwatelwa komeho kuulingilingi na oya hala iizemo yokongresa yomvula ya piti ndjoka ya ningwa kongundu ndjoka yi kuthwe oonkondo. Mboka oya ndopa okuya moshipala okongresa yongundu ndjoka ya tsikile momwedhi nguka.
Momusholondondo gwomanyenyeto gawo kombinga yokongresa ndjoka ya ningwa mo 2017, mboka oya popi kutya omwa kwatelwa oongoloneya yahetatu yiitopowa mboka ya kutha ombinga mokongresa ndjoka shaaheli paveta oshowo iilyo ine yelelo lyaanyasha yoSwapo, mboka ya pitikwa okukutha ombinga momahogololo gokomitiye yelelo nonando kaya li yeli poomvula dhokukala iilyo yewawa lyaanyasha, molwaashoka oye li pombanda yoomvula 35.
Mboka oya tsikile kutya okwa longwa uulingilingi pethimbo lyomitumba dhiitopolwa ndhoka dha ningwa omanga inaku ningwa okongresa.
Oya popi kutya omisholondondo dhaakuthimbinga mboka ya li ya hogolololwa odha lundululwa nopomahala gaakuthimbinga yamwe opwa tulwa aantu yamwe ye ya pingenepo.
Omupopiliko gwomupresidende Alfredo Hengari, okwa yamukula komanyano nomanyenyeto ngoka ga ningilwa Geingob sho a patulula pambelewa oombelewa shaNamandje kutya, omanyano ngoka oga kala taga ningilwa omupresidende konima nkene a sindana po omahogololo guupresidende momvula yo 2014.
Okwa tsikile kutya osha li sha pumbwa okukala enyanyu enene okutyapula epondolo lyomunambelewa gwiikwaveta ngoka a longo nuudhiginini nonando okwa kala nale ina talika.
Okwa tsikile kutya Namandje ngoka e li mwene gwehangano lyoohahende lyoSisa Namandje & Co. Incorporated, oku na ondjokonona tayi shambula na ombwaanawa nokukumika aanyasha kutya otaya vulu okupondola kehe shimwe shoka taya dhilaadhila okuninga.
Okwa popi kutya mboka yahala owala okunyana kehe shimwe shoka tashi ningwa komupresidende oya dhimbwa kutya uukoloni owa li wa thigile oshilongo momake gaatiligane mboka unene oyo owala ya kalataya dhana onkandangala moshikondo shiikwavetanokupatela aaludhe pondje.
Okwa ekelehi woo omapopyo kutya ekalo lyaGeingob poshituthi shokupatulula oombelewa dhaNamandje kashi li mondjila sho haku longithwa Namandje miikumungu yopashigwana moshilongo, ta gandja oshiholelwa shehangano lyiikwaveta lyaAmerica ndyoka lya kala tali kwathele aaleli yoshilongo shoka mwa kwatelwa Jimmy Carter, Bill Clinton oshowo George Bush Snr.
OMUTOOLINKUNDANA GWOMENI
Comments
Namibian Sun
No comments have been left on this article