Geingob a yamukula Shanghala
Omupresidende gwongundu yoSwapo okwa lombwele ominista nale yUuyuki opo yuungaunge nonkalo ndjoka yiiyadha muyo omanga inayi lombwela ongundu yoSwapo kutya oyi na okuninga shike.
JEMIMA BEUKES
OVENDUKA
Presidende Hage Geingob mOlyomakaya okwa popi kutya ominista nale yUuyuki, Sacky Shanghala, ngoka a tegelela epangulo moshipotha shoFishrot shoka tashi tameke oshiwike twa taalela kutya ke li ponkatu yokugandja omayele kongundu yoSwapo.
Omwedhi gwapiti, Shanghala okwa shanga ondokumende tayi ithanwa 'A Modern Economic, Social and Political Programme - Namibian Socialism' okuzilila mondjeedhililo. Momukanda ngoka okwa kunkilile ongundu yoSwapo yi lundulile nenge yi tekepo muule woomvula twa taalela.
Onzo yimwe oya holola kutya elelo lyoSwapo inali nyanyukilwa ekunkililo ndyoka lya gandjwa kuShanghala unene sho e li melyenge lyaamboka taya tamanekelwa iilonga yuulingiingi neiyambapaleko lyoonzo dhoshigwana moshipotha tashi ithanwa Fishrot.
Omauyelele ga monika noolopota dhoka dha pitithwa miikundaneki otadhi ulike kutya Swapo okwa mono iimaliwa tayi kwatakanithwa noFishrot niimaliwa mbyoka oya longithwa okulanda omawi gaahogololi pethimbo lyomutumba gwomahogololo gaaleli yongundu ndjoka momvula yo 2017.
Oombumbo odha futwa mepingakanitho nookota dhokukwata oohi kehangano lyaIceland lyedhina Samherji, niifuta mbyoka oya futwa momahangano taga kwatathanithwa naShanghala oshowo yakwawo mboka taya tamanekwa naye moshipotha shoka.
Oshiwike sha piti, Shanghala oshowo Bernhardt Esau oya kuthwamo manga melelo lyoSwapo sha landula omutumba ngoka gwa ningwa.
Etokolo oku ya kuthamo pehala lyoku ya tidhwamo olya halutha oyendji molwaashoka ekotampango lyongundu otali popi kutya ngele oshilyo shelelo ndyoka osha faula komitumba ndatu pwaahena omatompelo gongushu nena otashi kuthwamo melelo ndyoka. Shanghala naEsau oya kala modholongo okutamkea Novemba gwomvula yo 2019, na inaya kutha ombinga momitumba adhihe dha ningwa konima nkene ya tulwa miipandeko.
Mondokumende ndjoka a shanga, Shanghala okwa popi kutya omulandu gwopolotika gwongundu yawo ogwa za mopula.
Mehuliloshiwike ongundu oya ningi omutumba gwawo gwoompata koshi yoshipalanylo ‘Socialism with Namibian Characteristics’, ngoka gwa ningwa evalo lyepopyo lyoshili.
Geingob okwa popi kutya omutumba ngoka inagu hwahwamekwa komayele gaShanghala ihe oya ningi shoka ya pumbwa okuninga.
“Niisile manga oshipwiyu yemwene. Nasile oshipwiyu onkalo ye yomodholongo. Tse otatu ningi shoka twa pumbwa okuninga nena mpaka, ye naninge shoka e na okuninga,” Geingob a popi.
Geingob okwa holola okuuva nayi kwe olwa omaihumbato mokati kaanyasha yongundu, ta popi kutya uukwamuhoko kawu li mondjila.
Okwa gwedha po kutya Nambia okwa yambidhidhwa kiilongo ngaashi Soviet Union oshowo Cuba ihe aanyasha kaye na uukumwe niilongo mbyoka yiinekelwa kuNamibia.
[email protected]
OVENDUKA
Presidende Hage Geingob mOlyomakaya okwa popi kutya ominista nale yUuyuki, Sacky Shanghala, ngoka a tegelela epangulo moshipotha shoFishrot shoka tashi tameke oshiwike twa taalela kutya ke li ponkatu yokugandja omayele kongundu yoSwapo.
Omwedhi gwapiti, Shanghala okwa shanga ondokumende tayi ithanwa 'A Modern Economic, Social and Political Programme - Namibian Socialism' okuzilila mondjeedhililo. Momukanda ngoka okwa kunkilile ongundu yoSwapo yi lundulile nenge yi tekepo muule woomvula twa taalela.
Onzo yimwe oya holola kutya elelo lyoSwapo inali nyanyukilwa ekunkililo ndyoka lya gandjwa kuShanghala unene sho e li melyenge lyaamboka taya tamanekelwa iilonga yuulingiingi neiyambapaleko lyoonzo dhoshigwana moshipotha tashi ithanwa Fishrot.
Omauyelele ga monika noolopota dhoka dha pitithwa miikundaneki otadhi ulike kutya Swapo okwa mono iimaliwa tayi kwatakanithwa noFishrot niimaliwa mbyoka oya longithwa okulanda omawi gaahogololi pethimbo lyomutumba gwomahogololo gaaleli yongundu ndjoka momvula yo 2017.
Oombumbo odha futwa mepingakanitho nookota dhokukwata oohi kehangano lyaIceland lyedhina Samherji, niifuta mbyoka oya futwa momahangano taga kwatathanithwa naShanghala oshowo yakwawo mboka taya tamanekwa naye moshipotha shoka.
Oshiwike sha piti, Shanghala oshowo Bernhardt Esau oya kuthwamo manga melelo lyoSwapo sha landula omutumba ngoka gwa ningwa.
Etokolo oku ya kuthamo pehala lyoku ya tidhwamo olya halutha oyendji molwaashoka ekotampango lyongundu otali popi kutya ngele oshilyo shelelo ndyoka osha faula komitumba ndatu pwaahena omatompelo gongushu nena otashi kuthwamo melelo ndyoka. Shanghala naEsau oya kala modholongo okutamkea Novemba gwomvula yo 2019, na inaya kutha ombinga momitumba adhihe dha ningwa konima nkene ya tulwa miipandeko.
Mondokumende ndjoka a shanga, Shanghala okwa popi kutya omulandu gwopolotika gwongundu yawo ogwa za mopula.
Mehuliloshiwike ongundu oya ningi omutumba gwawo gwoompata koshi yoshipalanylo ‘Socialism with Namibian Characteristics’, ngoka gwa ningwa evalo lyepopyo lyoshili.
Geingob okwa popi kutya omutumba ngoka inagu hwahwamekwa komayele gaShanghala ihe oya ningi shoka ya pumbwa okuninga.
“Niisile manga oshipwiyu yemwene. Nasile oshipwiyu onkalo ye yomodholongo. Tse otatu ningi shoka twa pumbwa okuninga nena mpaka, ye naninge shoka e na okuninga,” Geingob a popi.
Geingob okwa holola okuuva nayi kwe olwa omaihumbato mokati kaanyasha yongundu, ta popi kutya uukwamuhoko kawu li mondjila.
Okwa gwedha po kutya Nambia okwa yambidhidhwa kiilongo ngaashi Soviet Union oshowo Cuba ihe aanyasha kaye na uukumwe niilongo mbyoka yiinekelwa kuNamibia.
[email protected]
Comments
Namibian Sun
No comments have been left on this article