Geingob a gunu oominista dhe
07 February 2019 | Local News
Omupresidende Hage Geingob mEtiyali okwa ponokele nomalaka aatoolinkundana kutya oye li ompinge nepangelo lye.
Omutse gwoshilongo ogwa popi woo kombinga yaanambelewa aakuluntu mepangelo, mboka a popi kutya ohaya adhika pomahala ga puka ye li kohi yondhungo.
Sho a li ta popi pomutumba gwotango gwokomvula tagu ithanwa 'decision-making cabinet meeting', megumbo lyepangelo mEtiyali, Geingob okwa holoka uuvithwa nayi komanyano ga ningwa sha landula oolopota ndhoka dha pitithwa sho a popi kutya okwa hala okuhulitha po onkalo yomalukanda noombashu.
Geingob okwa yamukula woo kokatumwalaka kamwe hoka ka tuminwa koshifokundaneki kutya omolwashike opo a ahala okuungaunga noombashu ngashiingeyi, ta yamukula kutya ina pumbwa okundungikwa kombinga yoombashu molwaashoka omo a valelwa na ohayi a ka talele po aakwanezimo ye mboka haya zi moombashu, naashoka otashi vulu okukolekwa kaanambelewa ye yegameno.
Okwa popi kutya olundji aatoolinkundana ohaya shanga owala shoka yahala okushanga molwaashoka ihaku yelekwa oshiyetwa po shomuntu, ngaashi a hala okutya uuna taku ningwa oonkundathana niikundaneki.
Geingob okwa nyanwa koyendji moshilongo konima sho a holola kutya okwa hala okweeta pehulilo onkalo yomalukanda moshilongo, naantu oya popi kutya ke na shili ohokwe yokuhulitha po omalukanda ihe ota ningi omahwahwameko gomahogololo.
Geingob okwa popi woo kombinga yoominista dhe oshowo aanambelewa yamwe po mepangelo mboka taya longitha pambambo omaliko gepangelo mwakwatelwa omalweendo gokuya pondje yoshilongo niihauto yepangelo. Okwa gwedha po kutya aanambelewa yamwe otaya adhika ya kolwa pomahala gontumba.
Okwa popi kutya kashi li mondjila aanambelewa mboka yakale pomahala gaayehe omanga yeli kohi yodhungo, nenge taya longitha omalaka omawinayi mokati kaantu, nenge taya longitha iihauto yepangelo okutaaguluka oongamba.
Moomvula dha piti, omunahsipundi gwoNational Council, Margaret Mensah-Williams okwa longitha ohauto ye yiilonga okuya koCape Town. Pethimbo ndyoka Okomisi yoAnti-Corruption Commission (ACC) oya popile, Mensah-Williams sho a longitha ohauto ye okuya molweendo pondje yoshilongo.
natango omupeha minista muundjolowele, Juliet Kavetuna okwa li a popi kutya kape na shoka sha puka okulongitha ohauto ye yiilonga yomashete mokuumbata oosamende dhe.
Geingob okwa popi woo kombinga yoominista ndhoka ihadhi vulu okumonika kiikundaneki nokugandja omauyelele ngoka taga pumbiwa.
“Olundji ohandi uvu taku popiwa kutya minista ina vula okumonika a gandje uuyelele. Moshinima shili ngaaka otwa pumbwa okulunduluka onklao yomudhigululwakalo gwetu ngoka e tatu kala aluhe nokugandja uuyelele.”
JEMIMA BEUKES
Omutse gwoshilongo ogwa popi woo kombinga yaanambelewa aakuluntu mepangelo, mboka a popi kutya ohaya adhika pomahala ga puka ye li kohi yondhungo.
Sho a li ta popi pomutumba gwotango gwokomvula tagu ithanwa 'decision-making cabinet meeting', megumbo lyepangelo mEtiyali, Geingob okwa holoka uuvithwa nayi komanyano ga ningwa sha landula oolopota ndhoka dha pitithwa sho a popi kutya okwa hala okuhulitha po onkalo yomalukanda noombashu.
Geingob okwa yamukula woo kokatumwalaka kamwe hoka ka tuminwa koshifokundaneki kutya omolwashike opo a ahala okuungaunga noombashu ngashiingeyi, ta yamukula kutya ina pumbwa okundungikwa kombinga yoombashu molwaashoka omo a valelwa na ohayi a ka talele po aakwanezimo ye mboka haya zi moombashu, naashoka otashi vulu okukolekwa kaanambelewa ye yegameno.
Okwa popi kutya olundji aatoolinkundana ohaya shanga owala shoka yahala okushanga molwaashoka ihaku yelekwa oshiyetwa po shomuntu, ngaashi a hala okutya uuna taku ningwa oonkundathana niikundaneki.
Geingob okwa nyanwa koyendji moshilongo konima sho a holola kutya okwa hala okweeta pehulilo onkalo yomalukanda moshilongo, naantu oya popi kutya ke na shili ohokwe yokuhulitha po omalukanda ihe ota ningi omahwahwameko gomahogololo.
Geingob okwa popi woo kombinga yoominista dhe oshowo aanambelewa yamwe po mepangelo mboka taya longitha pambambo omaliko gepangelo mwakwatelwa omalweendo gokuya pondje yoshilongo niihauto yepangelo. Okwa gwedha po kutya aanambelewa yamwe otaya adhika ya kolwa pomahala gontumba.
Okwa popi kutya kashi li mondjila aanambelewa mboka yakale pomahala gaayehe omanga yeli kohi yodhungo, nenge taya longitha omalaka omawinayi mokati kaantu, nenge taya longitha iihauto yepangelo okutaaguluka oongamba.
Moomvula dha piti, omunahsipundi gwoNational Council, Margaret Mensah-Williams okwa longitha ohauto ye yiilonga okuya koCape Town. Pethimbo ndyoka Okomisi yoAnti-Corruption Commission (ACC) oya popile, Mensah-Williams sho a longitha ohauto ye okuya molweendo pondje yoshilongo.
natango omupeha minista muundjolowele, Juliet Kavetuna okwa li a popi kutya kape na shoka sha puka okulongitha ohauto ye yiilonga yomashete mokuumbata oosamende dhe.
Geingob okwa popi woo kombinga yoominista ndhoka ihadhi vulu okumonika kiikundaneki nokugandja omauyelele ngoka taga pumbiwa.
“Olundji ohandi uvu taku popiwa kutya minista ina vula okumonika a gandje uuyelele. Moshinima shili ngaaka otwa pumbwa okulunduluka onklao yomudhigululwakalo gwetu ngoka e tatu kala aluhe nokugandja uuyelele.”
JEMIMA BEUKES
Classifieds