Gazza ta futitha omuwapeki gwomagumbo
Omuhikingalo OmuNamibia, Lazarus Shiimi, a tseyika nedhina Gazza, ota futitha pahofa Lesley Fourie, omuwapeki gwomagumbo omolwa iilonga mbyoka ina gwanitha po megumbo lye nonando okwa futwa oshimaliwa oshindji.
Fourie ota futithwa sho a ndopa okugwanitha po etsokumwe lyawo naGazza opo a tule omalapi gopomakende megumbo lye lyomoHochland Park.
Moombaapila dhOmpangu yoPombada, Gazza Music Productions, tayi ka lelwapo kuLazarus Shiimi, oye omufali gwoshipotha kompangu omanga House Hopping Investments CC, tayi kalelwapo kuLesley Gail Fourie, oye omwiipopili moshipotha shoka.
Gazza okwa popi kutya yo naFourie oya ningi etsokumwe lyopakana opo a tule omalapi gopomakende miinyanga ye yokukuutumba pevi nopombanda yegumbo lye , mondunda yaayenda oshowo mondunda yawo yokulala. Okwa li woo e na okuwapeka mondunda yaanona yaaamaati yokulala oshowo okutula omathano golwaala olumbulawu mokandunda kokwiiyogela. Etsokumwe ndyoka olya kwatelamo woo okunawapeka iikwaniiwapeki yomegumbo yimwe po, na olya li lyongushu yooN$273 153, ihe olya ningululwa nokuya pomwaalu gwooN$87 026.25.
Gazza okwa lombwele ompangu kutya okwa futuko oshimaliwa shooN$80 000 onga odeposita e shi ningi miifuta yopaali.
Momasiku 15 Decemba 2017, okwa futuko oN$50 000, omanga momasiku 2 gaMaalitsa 2018 a futu ko oN$30 000.
Okwa popi kutya iilonga inayi pwa. Gazza okwa popi kutya okwa longitha ishewe iimaliwa yemwene opo a tule omalapi gopomakende mondunda yawo, molwaashoka iilonga inayi manithwa kuFourie naambyoka a longo oyongushu yopevi.
Meindilo lye ndyoka a ningi momasiku 16 gaNovemba omvula ya piti, Gazzza okwa holola kutya iilonga miinyanga ye yokukuutumba oshowo mondunda yaanona yaamati oya thikama natango. Okwa pula ompangu opo yi pule Fourie a manithe iilonga nenge a shunithe oshimaliwa shaantu shoo N$80 000 shoka a futwa pamwe niishoshela yoopresenda 20.
Fourie okwa ningi eindilo lyokwiipopila moshinima shoka momasiku 9 gomwedhi nguka, na ota kalelwapo paveta kuHannelie Duvenhage. Matti Mwandingi oye ya kalelepo Gazza moshipotha shoka sha li sha pulakenwa tango kOmupanguli Shafimana Ueitele.
YANNA SMITH
Fourie ota futithwa sho a ndopa okugwanitha po etsokumwe lyawo naGazza opo a tule omalapi gopomakende megumbo lye lyomoHochland Park.
Moombaapila dhOmpangu yoPombada, Gazza Music Productions, tayi ka lelwapo kuLazarus Shiimi, oye omufali gwoshipotha kompangu omanga House Hopping Investments CC, tayi kalelwapo kuLesley Gail Fourie, oye omwiipopili moshipotha shoka.
Gazza okwa popi kutya yo naFourie oya ningi etsokumwe lyopakana opo a tule omalapi gopomakende miinyanga ye yokukuutumba pevi nopombanda yegumbo lye , mondunda yaayenda oshowo mondunda yawo yokulala. Okwa li woo e na okuwapeka mondunda yaanona yaaamaati yokulala oshowo okutula omathano golwaala olumbulawu mokandunda kokwiiyogela. Etsokumwe ndyoka olya kwatelamo woo okunawapeka iikwaniiwapeki yomegumbo yimwe po, na olya li lyongushu yooN$273 153, ihe olya ningululwa nokuya pomwaalu gwooN$87 026.25.
Gazza okwa lombwele ompangu kutya okwa futuko oshimaliwa shooN$80 000 onga odeposita e shi ningi miifuta yopaali.
Momasiku 15 Decemba 2017, okwa futuko oN$50 000, omanga momasiku 2 gaMaalitsa 2018 a futu ko oN$30 000.
Okwa popi kutya iilonga inayi pwa. Gazza okwa popi kutya okwa longitha ishewe iimaliwa yemwene opo a tule omalapi gopomakende mondunda yawo, molwaashoka iilonga inayi manithwa kuFourie naambyoka a longo oyongushu yopevi.
Meindilo lye ndyoka a ningi momasiku 16 gaNovemba omvula ya piti, Gazzza okwa holola kutya iilonga miinyanga ye yokukuutumba oshowo mondunda yaanona yaamati oya thikama natango. Okwa pula ompangu opo yi pule Fourie a manithe iilonga nenge a shunithe oshimaliwa shaantu shoo N$80 000 shoka a futwa pamwe niishoshela yoopresenda 20.
Fourie okwa ningi eindilo lyokwiipopila moshinima shoka momasiku 9 gomwedhi nguka, na ota kalelwapo paveta kuHannelie Duvenhage. Matti Mwandingi oye ya kalelepo Gazza moshipotha shoka sha li sha pulakenwa tango kOmupanguli Shafimana Ueitele.
YANNA SMITH
Comments
Namibian Sun
No comments have been left on this article