Fortune a ningilwa etando
Okanona kokamati hoka kali ka monithwa oshiponga koshitenda shoshipundi omvula ya piti koskola, oka ningilwa etando momasiku 22 gaMaalitsa ndyoka lya ende nawa.
Ofamili yaFortune Akawa (15) otayi pandula molwaashoka etando ndyoka oya etitha opo a shune moskola.
Pahapu dhayina, Sara Johannes, Akawa iha longitha we uushako wekweekelahi onyata.
Akawa, omunaskola mondondo onti 8 mOngwediva Control Combined School, okwa kala ta lesha owala okuza megumbo, sha landula oshiponga shoka sha ningilwa poskola yedhina Oshakati West Primary School muKotomba gwomvula ya piti.
“Akawa okwa tandwa muMaalitsa netando olya ende nawa. Ngashiingeyi ota vulu okuya kondje yemwene. Otandi pandula Kalunga oshowo ayehe mboka ya yambidhidha ndje oshowo aanambelewa yuunamiti mboka ye mu yambidhidha.”
Okwa popi kutya etando ndyoka olya ningilwa moshipangelo shepangelo, na inali mu pula sha mondjato.
Akawa, ngoka a li omukomeho mongundu yawo okwa ehamekwa koshitenda shoshipundi sha teka, pethimbo a li ta kambadhala okuya moshipala omananathano ngoka ga li mongundu yawo.
Akawa aniwa okwa li iithanwa opo a ninge omupokati gwoontamanana pokati kaalongwa yakwawo mongundu yawo na okwa li uundulwa kuyamwe yomaamati nokugwila koshitenda shoka.
Oshitenda shoka aniwa osha tsu okanona hoka kuzilila konima na osha piti mepunda nokweehameka omandjandja ge.
Okanona okali ka ka falwa kokaklinika na okwa li a falwa meendelelo koshipangelo shaShakati.
Oka li ka ningilwa etando meendelelo esiku ndyoka, nokonima yepando ina vula we okukala tayi kondje yemwene na okwa tulwa okapaipi kokupitila onyata.
Akawa okwa li a yi koskola muNovemba opo a ka shange omakonaaakono na okwa undulilwa kondondo onti 8.
Molwaashoka ondondo onti 7 oyo ya hugunina poskola yawo, okwa li a tambulwa mOngwediva Control Combined School muJanuari ihe konima yomasiku omashona, omukuluntuskola okwa li a ningi omutumba naJohannes, noku mu tseyithila kutya oshihwepo a tsikile nelongo lye okuzilila kegumbo.
Yina okwa kala ha ka tala iilongadhalwa ye koskola kehe esiku noku yi shuna koskola yi ka talwe kaalongi.
Omanga ina ningilwa etando, Esser Shilimela gwehangano lyoESBA Pendukeni Foundation okwa talele po Akawa opamwe nofamili ye nokugandja omagano giikulya oshowo oshimaliwa koomuma shooN$3000.00, sha nuninwa omayakulo ge gopuunamiti.
ILENI NANDJATO
Ofamili yaFortune Akawa (15) otayi pandula molwaashoka etando ndyoka oya etitha opo a shune moskola.
Pahapu dhayina, Sara Johannes, Akawa iha longitha we uushako wekweekelahi onyata.
Akawa, omunaskola mondondo onti 8 mOngwediva Control Combined School, okwa kala ta lesha owala okuza megumbo, sha landula oshiponga shoka sha ningilwa poskola yedhina Oshakati West Primary School muKotomba gwomvula ya piti.
“Akawa okwa tandwa muMaalitsa netando olya ende nawa. Ngashiingeyi ota vulu okuya kondje yemwene. Otandi pandula Kalunga oshowo ayehe mboka ya yambidhidha ndje oshowo aanambelewa yuunamiti mboka ye mu yambidhidha.”
Okwa popi kutya etando ndyoka olya ningilwa moshipangelo shepangelo, na inali mu pula sha mondjato.
Akawa, ngoka a li omukomeho mongundu yawo okwa ehamekwa koshitenda shoshipundi sha teka, pethimbo a li ta kambadhala okuya moshipala omananathano ngoka ga li mongundu yawo.
Akawa aniwa okwa li iithanwa opo a ninge omupokati gwoontamanana pokati kaalongwa yakwawo mongundu yawo na okwa li uundulwa kuyamwe yomaamati nokugwila koshitenda shoka.
Oshitenda shoka aniwa osha tsu okanona hoka kuzilila konima na osha piti mepunda nokweehameka omandjandja ge.
Okanona okali ka ka falwa kokaklinika na okwa li a falwa meendelelo koshipangelo shaShakati.
Oka li ka ningilwa etando meendelelo esiku ndyoka, nokonima yepando ina vula we okukala tayi kondje yemwene na okwa tulwa okapaipi kokupitila onyata.
Akawa okwa li a yi koskola muNovemba opo a ka shange omakonaaakono na okwa undulilwa kondondo onti 8.
Molwaashoka ondondo onti 7 oyo ya hugunina poskola yawo, okwa li a tambulwa mOngwediva Control Combined School muJanuari ihe konima yomasiku omashona, omukuluntuskola okwa li a ningi omutumba naJohannes, noku mu tseyithila kutya oshihwepo a tsikile nelongo lye okuzilila kegumbo.
Yina okwa kala ha ka tala iilongadhalwa ye koskola kehe esiku noku yi shuna koskola yi ka talwe kaalongi.
Omanga ina ningilwa etando, Esser Shilimela gwehangano lyoESBA Pendukeni Foundation okwa talele po Akawa opamwe nofamili ye nokugandja omagano giikulya oshowo oshimaliwa koomuma shooN$3000.00, sha nuninwa omayakulo ge gopuunamiti.
ILENI NANDJATO
Comments
Namibian Sun
No comments have been left on this article