Evi lyaVenduka lya ninga ondilo noonkondo
Ondando yevi mOvenduka oya ninga ondilo noonkondo na otayi yelekwa iikando ihamano nondando yevi moKaiti.
Oondoolopa yaVenduka oshowo moSwakopo, taya vulu okulanditha oshitopolwa shevi lyuunene woosquare-metre 375- kondando yooN$95 000, omanga mondolopa dhilwe, oshitopolwa shoka tashi vulu okulandithwa kondando yooN$23 000.
Natango otashi pula oshimaliwa shooN$74 000 sha gwedhwapo okutunga egumbo lyoondunda ndatu dhokulala lyuunene woosquare-metre 76- mOvenduka noSwakopo, okuyeleka noondoolopa dhimwe moshilongo.
Olopota ya ningwa kehangano lyoFirst Capital, ndyoka hali nongonona ondjele yoondando dhomagumbo moNamibia, oya gongele iifuta yetungo lyomagumbo moondoolopa ngaashi Ovenduka, Swakopo, Keetmanshoop, Swakopmund, Ondangwa, Rundu oshowo Katima Mulilo.
Konyala iitungithi yokutunga egumbo lyoondunda ndatu moshilando shaVenduka oshowo mondoolopa yaSwakopo, otayi pula oshimaliwa shooN$240 300, omanga iitungithi yegumbo lyopamuthigwa gwa faathana moondoolopa dhilwe moshilongo tayi pula oshimaliwa shooN$242 570, naashoka otashi ulike kutya iitungithi oyi na ombiliha mOvenduka noSwakopo.
Kwa longithwa oondando dhomuMaalitsa gwonuumvo, na osha monika mo kutya okutunga egumbo lyopamuthika lyoondunda ndatu, lyuunene woosquare metre 76 otali pula oshimaliwa sha thika pooN$376 298 moondoolopa ngaashi Keetmanshoop, Ondangwa, Rundu oshowo Katima Mulilo, omanga egumbo lya faathana tali pula oshimaliwa shooN$449 926 mOvenduka oshowo oSwakopo.
Olopota oya holola kutya iitungithi oyi na ondilo moKatima Mulilo (N$242 200) oshowo moRundu (N$242 100), ngiika sha ningithwa ondilo kondando yokufala iitungitho komahala ngoka, omolwa oshinano.
Nonando ondando yiitungithi oyi na ombiliha mOvenduka oshowo moSwakopo, ondando yi li pombanda yevi oshowo iilonga, otayi ningitha ondando yomagumbo yi kale yi na ondilo noonkondo moondoolopa ndhoka.
Olopota oya tsikile kutya omolwa ondando yevi ndjoka yi li pombanda oshowo iilonga mOvenduka noSwakopo, evi lyuunene woosquare metres 375 otali pula oshimaliwa shooN$110 000 mOvenduka omanga moSwakopo, tali pula oshimaliwa shooN$75 000.
Evi oli na ombiliha moKaiti, taku landula oKatima Mulilo.
Oshitopolwa shevi shuunene woo square meters 375 otashi pula oshimaliwa shooN$18 200 moKaiti. MoRundu noKatima Mulilo, evi lyoshitopolwa shuunene mboka otali landithwa koshimaliwa shooN$24 100, nonando ndjoka oyi li pevi lyiikando 4.5 okuyeleka nondando mOvenduka.
“Evi oli na ondilo noonkondo mOvenduka omolwa iifuta yi li pombanda yewapaleko lyevi ndyoka niilonga.”
Olopota natango oya tsikile kutya ngiika shoka tashi ningitha evi li kale li na ondilo mOvenduka, okuyeleka noondoolopa dhimwe, iilonga sho ondoolopa ndjoka yi li pehala lyomamanya na otashi kutha oonkondo odhindji niilongitho iinene mokuwapaleka evi ndyoka.
Olopota ota tsikile natango kutya osha li sha pula ondilo noonkondo noopresenda dha thika po 4.3 okutunga egumbo muMaalitsa gwonuumvo okuyeleka noomwedhi Maalitsa gwomvula ya piti.
Ondando yevi muMaalitsa gwonuumo oya yi pombanda noopresenda 4.8 okuyeleka naMaalitsa gwomvula yo2017 natango ondando yiitungithi oya yi pombanda noopresenda 4 muMaalitsa gwonuumvo okuyeleka naMaalitsa gwomvula ya piti.
Olopota ndjoka oya longithwa mokuyelekanitha oondando dhetungo lyegumbo lyopamuthika lyuunene woondunda ndatu dhokulala, poshitopolwa shevi shoosquare metre o76.
Oondando dhiitungithi odha gongelwa molopota ndjoka ya ningwa po, kwa longitha oondando adhihe okuza kiitungithi ayihe mbyoka tayi pumbiwa mokutunga egumbo lyopamuthika.
ELLANIE SMIT
Oondoolopa yaVenduka oshowo moSwakopo, taya vulu okulanditha oshitopolwa shevi lyuunene woosquare-metre 375- kondando yooN$95 000, omanga mondolopa dhilwe, oshitopolwa shoka tashi vulu okulandithwa kondando yooN$23 000.
Natango otashi pula oshimaliwa shooN$74 000 sha gwedhwapo okutunga egumbo lyoondunda ndatu dhokulala lyuunene woosquare-metre 76- mOvenduka noSwakopo, okuyeleka noondoolopa dhimwe moshilongo.
Olopota ya ningwa kehangano lyoFirst Capital, ndyoka hali nongonona ondjele yoondando dhomagumbo moNamibia, oya gongele iifuta yetungo lyomagumbo moondoolopa ngaashi Ovenduka, Swakopo, Keetmanshoop, Swakopmund, Ondangwa, Rundu oshowo Katima Mulilo.
Konyala iitungithi yokutunga egumbo lyoondunda ndatu moshilando shaVenduka oshowo mondoolopa yaSwakopo, otayi pula oshimaliwa shooN$240 300, omanga iitungithi yegumbo lyopamuthigwa gwa faathana moondoolopa dhilwe moshilongo tayi pula oshimaliwa shooN$242 570, naashoka otashi ulike kutya iitungithi oyi na ombiliha mOvenduka noSwakopo.
Kwa longithwa oondando dhomuMaalitsa gwonuumvo, na osha monika mo kutya okutunga egumbo lyopamuthika lyoondunda ndatu, lyuunene woosquare metre 76 otali pula oshimaliwa sha thika pooN$376 298 moondoolopa ngaashi Keetmanshoop, Ondangwa, Rundu oshowo Katima Mulilo, omanga egumbo lya faathana tali pula oshimaliwa shooN$449 926 mOvenduka oshowo oSwakopo.
Olopota oya holola kutya iitungithi oyi na ondilo moKatima Mulilo (N$242 200) oshowo moRundu (N$242 100), ngiika sha ningithwa ondilo kondando yokufala iitungitho komahala ngoka, omolwa oshinano.
Nonando ondando yiitungithi oyi na ombiliha mOvenduka oshowo moSwakopo, ondando yi li pombanda yevi oshowo iilonga, otayi ningitha ondando yomagumbo yi kale yi na ondilo noonkondo moondoolopa ndhoka.
Olopota oya tsikile kutya omolwa ondando yevi ndjoka yi li pombanda oshowo iilonga mOvenduka noSwakopo, evi lyuunene woosquare metres 375 otali pula oshimaliwa shooN$110 000 mOvenduka omanga moSwakopo, tali pula oshimaliwa shooN$75 000.
Evi oli na ombiliha moKaiti, taku landula oKatima Mulilo.
Oshitopolwa shevi shuunene woo square meters 375 otashi pula oshimaliwa shooN$18 200 moKaiti. MoRundu noKatima Mulilo, evi lyoshitopolwa shuunene mboka otali landithwa koshimaliwa shooN$24 100, nonando ndjoka oyi li pevi lyiikando 4.5 okuyeleka nondando mOvenduka.
“Evi oli na ondilo noonkondo mOvenduka omolwa iifuta yi li pombanda yewapaleko lyevi ndyoka niilonga.”
Olopota natango oya tsikile kutya ngiika shoka tashi ningitha evi li kale li na ondilo mOvenduka, okuyeleka noondoolopa dhimwe, iilonga sho ondoolopa ndjoka yi li pehala lyomamanya na otashi kutha oonkondo odhindji niilongitho iinene mokuwapaleka evi ndyoka.
Olopota ota tsikile natango kutya osha li sha pula ondilo noonkondo noopresenda dha thika po 4.3 okutunga egumbo muMaalitsa gwonuumvo okuyeleka noomwedhi Maalitsa gwomvula ya piti.
Ondando yevi muMaalitsa gwonuumo oya yi pombanda noopresenda 4.8 okuyeleka naMaalitsa gwomvula yo2017 natango ondando yiitungithi oya yi pombanda noopresenda 4 muMaalitsa gwonuumvo okuyeleka naMaalitsa gwomvula ya piti.
Olopota ndjoka oya longithwa mokuyelekanitha oondando dhetungo lyegumbo lyopamuthika lyuunene woondunda ndatu dhokulala, poshitopolwa shevi shoosquare metre o76.
Oondando dhiitungithi odha gongelwa molopota ndjoka ya ningwa po, kwa longitha oondando adhihe okuza kiitungithi ayihe mbyoka tayi pumbiwa mokutunga egumbo lyopamuthika.
ELLANIE SMIT
Comments
Namibian Sun
No comments have been left on this article