Etungo lyomuhandjo gwoskola yaMungwelume otali pu momwedhi twataalela
Omukuluntuskola mosekundoskola yaMungwelume, George Nanghanda okwa koleke koshifokundaneki shoNamibian Sun, kutya etungo lyomuhandjo gwoskola ngoka tagu tungwa poskola ndjoka otagu manithwa pehulilo lyomwedhi twa taalela.
Pauyelele wolopota ndjoka a mono okuza komutungi, oopresenda70 dhiilonga odha pwa nale. Epangelo olya gandja oshimaliwa shoomiliyona 6.4 mokutungitha omuhandjo ngoka, na otaku pewa omapandulo ngoloneya gwoshitopolwa shaHangwena, Usko Nghaamwa ngoka a kala nokukondjitha opoloyeka yetungo ndyoka.
Nanghanda okwa popi kutya aanona yamwe ohaya zi natango momatungo ga landwa kElelo lyOshitopolwa shaHangwena omanga yamwe haya zi molukanda lwaMungwelume nopomidhingoloko dhopopepi omanga kwa tegelelwa iilonga yetungo yi manithwe.
Nghaamwa okwa li uuvithwa nayi kaanona taya zi moombashu pwaahena etonatelo lyaakuluntu na okwa tameke okukonga iiyemo yetungitho lyomuhandjo gwaanaskola.
Opoloyeka ndjoka yongushu yoomiloyona 7, oya yambidhidhwa kepangelo onga opoloyeka yoshigwana.
Etungo otali ka kala noondunda dhokulala dha gwana aanaskola yaakadhona ye li 123 oshowo aamati 123, okombitha, ehala lyokuwapalekela iizalomwa.
Momwedhi Juni gwomvula yapiti melongelo kumwe nombelewa yaNghaamwa, oskola ya longekidha uulalelo wowina wa nuninwa okugongela iimaliwa yokutunga omuhandjo ngoka. Uulalelo mboka owa gongele oshimaliwa sha thika pooN$509 100 ooshako dhoosamende 263 oshowo oondhopi dha thika po 58 000.
Omvula ya zi ko oskola ndjoka oya li yi na aanaskola ya thika po 581 moondondo onti 10, 11 showo 12, na aanaskola owala 118 ya vulu okukala momatungo ngoka ga landwa kelelo lyoshitopolwa.
Aavali oya nyenyeta kutya ooskola odhindji mOhangwena kadhi na omihandjo nooskola ndhoka kadhi na omihandjo otadhi tambula aanaskola ya za komahala ga yooloka gokokule moshitopolwa naashoka otashi thiminike aanona ya kuthe owala omahala gokukala kehe ngoka taya vulu okumona.
Aanaskola yondondo onti 10 ya za komahala ngaashi Okongo, Epembe oshowo Ekoka otaya hiila mOmungwelume.
ILENI NANDJATO
Pauyelele wolopota ndjoka a mono okuza komutungi, oopresenda70 dhiilonga odha pwa nale. Epangelo olya gandja oshimaliwa shoomiliyona 6.4 mokutungitha omuhandjo ngoka, na otaku pewa omapandulo ngoloneya gwoshitopolwa shaHangwena, Usko Nghaamwa ngoka a kala nokukondjitha opoloyeka yetungo ndyoka.
Nanghanda okwa popi kutya aanona yamwe ohaya zi natango momatungo ga landwa kElelo lyOshitopolwa shaHangwena omanga yamwe haya zi molukanda lwaMungwelume nopomidhingoloko dhopopepi omanga kwa tegelelwa iilonga yetungo yi manithwe.
Nghaamwa okwa li uuvithwa nayi kaanona taya zi moombashu pwaahena etonatelo lyaakuluntu na okwa tameke okukonga iiyemo yetungitho lyomuhandjo gwaanaskola.
Opoloyeka ndjoka yongushu yoomiloyona 7, oya yambidhidhwa kepangelo onga opoloyeka yoshigwana.
Etungo otali ka kala noondunda dhokulala dha gwana aanaskola yaakadhona ye li 123 oshowo aamati 123, okombitha, ehala lyokuwapalekela iizalomwa.
Momwedhi Juni gwomvula yapiti melongelo kumwe nombelewa yaNghaamwa, oskola ya longekidha uulalelo wowina wa nuninwa okugongela iimaliwa yokutunga omuhandjo ngoka. Uulalelo mboka owa gongele oshimaliwa sha thika pooN$509 100 ooshako dhoosamende 263 oshowo oondhopi dha thika po 58 000.
Omvula ya zi ko oskola ndjoka oya li yi na aanaskola ya thika po 581 moondondo onti 10, 11 showo 12, na aanaskola owala 118 ya vulu okukala momatungo ngoka ga landwa kelelo lyoshitopolwa.
Aavali oya nyenyeta kutya ooskola odhindji mOhangwena kadhi na omihandjo nooskola ndhoka kadhi na omihandjo otadhi tambula aanaskola ya za komahala ga yooloka gokokule moshitopolwa naashoka otashi thiminike aanona ya kuthe owala omahala gokukala kehe ngoka taya vulu okumona.
Aanaskola yondondo onti 10 ya za komahala ngaashi Okongo, Epembe oshowo Ekoka otaya hiila mOmungwelume.
ILENI NANDJATO
Comments
Namibian Sun
No comments have been left on this article