Epangelo otali manitha etungo lyuutomeno monooli
Ominista yUunamapya, John Mutorwa oya popi kutya epangelo olyiitulamo mokutota po ongeshefa yoongombe dhaaniimuna monooli yoshilongo, pakumanitha etungo lyuutomeno mOutapi oshowo Eenhana.
Mutorwa okwa popi ngaaka pethimbo a talelepo okatomeno komEenhana moshitopolwa shaHangwena mEtine lyoshiwike sha piti, opo a tale onkalo moka mu na okatomeno hoka.
Okwa li woo a talelepo okatomeno komOutapi mEtitatu lya piti.
Minista okwa popi kutya okwa gandja elonmbwelo lya hugunina kuamushanga muuministeli mboka oshowo aanambelewa mboka ye na oshinakugwanithwa shoka opo ya kwashilipaleke emanitho lyetungo lyuutomeno mboka .
“Amushanga oshowo aanambelewa naya kwashilipaleke kutya okatomeno komOutapi oka tameka okulonga okuya pehulilo lyo2017 nongele hasho naka kale kapwa okuya oehulilo lyomwedhi Maalitsa mo2018,” Mutorwa a popi.
Etungo lyokatomeno komOutapi olya tameke muFebruali gwomvula 2012, na olyali li na okumanithwa momwedhi gwotango gwomvula yo 2013 ihe oopresenda owala 70 dhiilonga dha manithwa.
Omunambelewa Anton Fourie gwoBurmeister and Partners Consulting Engineers okwa lombwele Mutorwa kutya etungo lyokatomeno komEenhana olya manithwa noopresenda 98, niilonga mbyoka ya hupako otayi manithwa muule woomwedhi mbali, nopoloyeka ndjoka ya tameke mo-2013 otayi kala ya manithwa.
Okwa popi kutya etungo lyuutomeno mboka uwali olya kala ethimbo ele omolwa aatungi mboka taya nyengwa okumanitha iilonga.
“Itandi vulu okutumbula omadhina gaatungi mboka molwaashoka oya pumbwa okugamenwa,” Fourie yamukula sho a pulwa kutya oolye aatungi.
Mo-2011, Oshikondo shOmayakulo gUundjolowele wIimuna osha tengeneke kutya monooli yoshilongo omuna oongombe dha thika poomiliyona 1.6, ihe oya kala kaye na omahala mpoka taya tomene nokuningila ongeshefa yawo, sha landula epato lyokatomeno komOshakati noKatima Mulilo petameko lyomvula ya piti, mboka wa li tawu longelwa kuMeatco.
Epangelo olya li lya uvaneke momwedhi Aguste nuumvo kutya, otali ka patulula uutomeno mboka muNovemba gonuumvo.
NAMPA
Mutorwa okwa popi ngaaka pethimbo a talelepo okatomeno komEenhana moshitopolwa shaHangwena mEtine lyoshiwike sha piti, opo a tale onkalo moka mu na okatomeno hoka.
Okwa li woo a talelepo okatomeno komOutapi mEtitatu lya piti.
Minista okwa popi kutya okwa gandja elonmbwelo lya hugunina kuamushanga muuministeli mboka oshowo aanambelewa mboka ye na oshinakugwanithwa shoka opo ya kwashilipaleke emanitho lyetungo lyuutomeno mboka .
“Amushanga oshowo aanambelewa naya kwashilipaleke kutya okatomeno komOutapi oka tameka okulonga okuya pehulilo lyo2017 nongele hasho naka kale kapwa okuya oehulilo lyomwedhi Maalitsa mo2018,” Mutorwa a popi.
Etungo lyokatomeno komOutapi olya tameke muFebruali gwomvula 2012, na olyali li na okumanithwa momwedhi gwotango gwomvula yo 2013 ihe oopresenda owala 70 dhiilonga dha manithwa.
Omunambelewa Anton Fourie gwoBurmeister and Partners Consulting Engineers okwa lombwele Mutorwa kutya etungo lyokatomeno komEenhana olya manithwa noopresenda 98, niilonga mbyoka ya hupako otayi manithwa muule woomwedhi mbali, nopoloyeka ndjoka ya tameke mo-2013 otayi kala ya manithwa.
Okwa popi kutya etungo lyuutomeno mboka uwali olya kala ethimbo ele omolwa aatungi mboka taya nyengwa okumanitha iilonga.
“Itandi vulu okutumbula omadhina gaatungi mboka molwaashoka oya pumbwa okugamenwa,” Fourie yamukula sho a pulwa kutya oolye aatungi.
Mo-2011, Oshikondo shOmayakulo gUundjolowele wIimuna osha tengeneke kutya monooli yoshilongo omuna oongombe dha thika poomiliyona 1.6, ihe oya kala kaye na omahala mpoka taya tomene nokuningila ongeshefa yawo, sha landula epato lyokatomeno komOshakati noKatima Mulilo petameko lyomvula ya piti, mboka wa li tawu longelwa kuMeatco.
Epangelo olya li lya uvaneke momwedhi Aguste nuumvo kutya, otali ka patulula uutomeno mboka muNovemba gonuumvo.
NAMPA
Comments
Namibian Sun
No comments have been left on this article