Epangelo inali mbangolota - Schlettwein
Ominista yEmona Calle Schlettwein, okwa tindi nomuthindo kutya epangelo lyaNamibia olya mbangolota. Minista okwa tindi ngaaka ta yamukula komaiyuvo goshigwana kutya etetulo lyelongitho lyiimaliwa ndyoka tali ningwa kepangelo otali ulike kutya epangelo kali na we iimaliwa.
“Efuto lyoondjambi oshi li oshinima shotango,” minista ta ti, sho a yamukula kombinga yolopota yaaniilonga yoNational Youth Service, Namibia Tourism Board oshowo aakalelipo yopaveta mboka haya gandja omayakulo kepangelo, inaya futwa.
“Shoka otashi piyaganeke molwaashoka epangelo otali tsikile nokugwanithwa po iinakugwanithwa yalyo yopashimaliwa. Omapopyo ngoka oga puka na kape na omukundu gwiimaliwa.”
Okwa lopotwa omasiku ga piti kutya aaniilonga yoNational Youth Service noNamibia Tourism Board inaya futwa omolwa uupyakadhi moshikondo shemona, ihe shoka osha tindwa kuSchlettwein.
Okwa popi kutya uupyakadhi wokwaa ha futa oondjambi mboka wa dhidhilikwa kiikondo mbyoka iyali, kawu na sha nUuministeli wEmona.
Sho a pulwa ngele epangelo olya mbangolota okwa yamukula kutya, epangelo lyaNamibia oli li kokule nokumbangolota.
Schlettwein, okwa popi kutya epangelo oli na iimaliwa ya gwana okugwanithwa po oopoloyeka dhopashigwana ngaashi oondjila noondjambi dhaaniilonga yepangelo oshowo iiputudhilo ya yama kepangelo.
Pahapu dhe epangelo otali tsikile nokugwanithwa po iinakugwanithwa yalyo yoongunga, sigo omutengenekwathaneko omupe gwa thikana, ngoka tagu tulwa miilonga moshiwike oshitiyali shaMaalitsa.
Schlettwein okwa tsu omuthindo kutya etetulo lyelongitho lyiimaliwa oshinima shili mondjila shoka epangelo lya pumbwa okuninga opo ku yandwe oshilongo shi tulwe pondondo ombwiinayi yopatengeneko lyoongunga, omolwa oshilanduli oshiwinayi shoka tashi vulu okwaadha oshilongo.
Okwa ekelehi woo omapopyo kutya epangelo olya yi oonyala moshiketha shoGovernment Institutions Pension Fund, na okwa yelitha kutya ndhoka oompangela dhawo okupitila moBank of Namibia, opo epangelo noshiputudhilo shoka ya pingakanithe omaliko.
Okwa popi kutya oshimaliwa shoobiliyona 3.6 osha gongelwa okuza momalanditho goongunga na kayi shi owala oGIPF ndjoka ya landa po oongunda dhepangelo ihe aadhani nkandangalaa yalwe woo moshikondo shopashimaliwa.
OGONE TLHAGE
“Efuto lyoondjambi oshi li oshinima shotango,” minista ta ti, sho a yamukula kombinga yolopota yaaniilonga yoNational Youth Service, Namibia Tourism Board oshowo aakalelipo yopaveta mboka haya gandja omayakulo kepangelo, inaya futwa.
“Shoka otashi piyaganeke molwaashoka epangelo otali tsikile nokugwanithwa po iinakugwanithwa yalyo yopashimaliwa. Omapopyo ngoka oga puka na kape na omukundu gwiimaliwa.”
Okwa lopotwa omasiku ga piti kutya aaniilonga yoNational Youth Service noNamibia Tourism Board inaya futwa omolwa uupyakadhi moshikondo shemona, ihe shoka osha tindwa kuSchlettwein.
Okwa popi kutya uupyakadhi wokwaa ha futa oondjambi mboka wa dhidhilikwa kiikondo mbyoka iyali, kawu na sha nUuministeli wEmona.
Sho a pulwa ngele epangelo olya mbangolota okwa yamukula kutya, epangelo lyaNamibia oli li kokule nokumbangolota.
Schlettwein, okwa popi kutya epangelo oli na iimaliwa ya gwana okugwanithwa po oopoloyeka dhopashigwana ngaashi oondjila noondjambi dhaaniilonga yepangelo oshowo iiputudhilo ya yama kepangelo.
Pahapu dhe epangelo otali tsikile nokugwanithwa po iinakugwanithwa yalyo yoongunga, sigo omutengenekwathaneko omupe gwa thikana, ngoka tagu tulwa miilonga moshiwike oshitiyali shaMaalitsa.
Schlettwein okwa tsu omuthindo kutya etetulo lyelongitho lyiimaliwa oshinima shili mondjila shoka epangelo lya pumbwa okuninga opo ku yandwe oshilongo shi tulwe pondondo ombwiinayi yopatengeneko lyoongunga, omolwa oshilanduli oshiwinayi shoka tashi vulu okwaadha oshilongo.
Okwa ekelehi woo omapopyo kutya epangelo olya yi oonyala moshiketha shoGovernment Institutions Pension Fund, na okwa yelitha kutya ndhoka oompangela dhawo okupitila moBank of Namibia, opo epangelo noshiputudhilo shoka ya pingakanithe omaliko.
Okwa popi kutya oshimaliwa shoobiliyona 3.6 osha gongelwa okuza momalanditho goongunga na kayi shi owala oGIPF ndjoka ya landa po oongunda dhepangelo ihe aadhani nkandangalaa yalwe woo moshikondo shopashimaliwa.
OGONE TLHAGE
Comments
Namibian Sun
No comments have been left on this article