Engombe a mono omeya
Aanafaalama yomomudhingoloko gUuvudhiya mboka ya kala yataalela enota enene, oya mono ekwatho sho omeya ngoka ga pombwa okuza mOndama yaLushandja moshitopolwa shaMusati, ga thiki komudhingoloko gwawo opo ga vule okuhupitha iimuna yawo mbyoka ya kala tayi si kenota.
Ehangano lyokuyandjakaneka omeya lyaNamWater olya tseyitha omasiku ga piti kutya otali longitha oshimaliwa shoomiliyona 2 mokupombela omeya momulonga gwaPonona moshikandjohogololo Uuvudhiya moshitopolwa shaShana okuza kOlushandja.
Omeya ngoka okwa lopotwa ga thika nale momudhingoloko gwa Engombe naamboka ye li popepi nomulonga gwaPonona otaya ka tegelela uule wethimbo kashona omanga omeya inaga thika momudhingolokoo gwawo. Kansela gwoshikandjohogololo shUuvudhiya, Amutenya Ndahafa okwa lombwele oshifokundaneki shoNamibian Sun kutya omeya othika puEngombe, mpoka iilonga yokuwapaleka okanala kaNamWater ya hulila. Pahapu dhaNdahafa oshimaliwa shoomiliyona 2 shoka sha longithwa mokupomba omeya okuza mOlushandja osha gwana owala sigo Engombe ihe inashi gwana okuthikitha omeya kOponona nOmadhiya.
“Onda nyanyukwa mokuuva kutya aanafaalama oya tameke nale okufala iimuna yawo kokanala komeya. NamWater okwa longa oshilonga oshinene sho a yamukula konkugo yaanafaalama opo a pombele omeya okuza mOlushandja moshitopolwa shaMusati okuya mUuvudhiya, opo iimuna yi vule okuhupa,” kansela a popi.
“Oondama odhindji dhomevi popepi odha uva omeya na otu na omukumo kutya otatu kala nomeya ethimbo ele, naashoka otashi ti omwiidhi popepi nokanala otagu ka koka, shoka tashi kala oshinima oshiwanawa kiimuna. Engombe okokule natango hoka ku na uulithilo uuwanawa niimuna omayovi oko yili. Ehalo lyetu omeya gathike sigo omomulonga gwaPonona nOmadhiya, ihe otuuvite kutya iimaliwa mbyoka oyali ya gwana owala sigo Engombe. Otwa lombwelwa kutya okwa ningululwa omayalulo gamwe ngoka ga nuninwa okukonga iiyemo yokupombitha omeya okuza mEngombe sigo Oponona ndjoka yi li oshinano shookilometa 30.”
Omunambelewa omupopiliko gwaNamWater, Johannes Shigwedha ina vula okumonika a tye sha mehuliloshiwike.
ILENI NANDJATO
Ehangano lyokuyandjakaneka omeya lyaNamWater olya tseyitha omasiku ga piti kutya otali longitha oshimaliwa shoomiliyona 2 mokupombela omeya momulonga gwaPonona moshikandjohogololo Uuvudhiya moshitopolwa shaShana okuza kOlushandja.
Omeya ngoka okwa lopotwa ga thika nale momudhingoloko gwa Engombe naamboka ye li popepi nomulonga gwaPonona otaya ka tegelela uule wethimbo kashona omanga omeya inaga thika momudhingolokoo gwawo. Kansela gwoshikandjohogololo shUuvudhiya, Amutenya Ndahafa okwa lombwele oshifokundaneki shoNamibian Sun kutya omeya othika puEngombe, mpoka iilonga yokuwapaleka okanala kaNamWater ya hulila. Pahapu dhaNdahafa oshimaliwa shoomiliyona 2 shoka sha longithwa mokupomba omeya okuza mOlushandja osha gwana owala sigo Engombe ihe inashi gwana okuthikitha omeya kOponona nOmadhiya.
“Onda nyanyukwa mokuuva kutya aanafaalama oya tameke nale okufala iimuna yawo kokanala komeya. NamWater okwa longa oshilonga oshinene sho a yamukula konkugo yaanafaalama opo a pombele omeya okuza mOlushandja moshitopolwa shaMusati okuya mUuvudhiya, opo iimuna yi vule okuhupa,” kansela a popi.
“Oondama odhindji dhomevi popepi odha uva omeya na otu na omukumo kutya otatu kala nomeya ethimbo ele, naashoka otashi ti omwiidhi popepi nokanala otagu ka koka, shoka tashi kala oshinima oshiwanawa kiimuna. Engombe okokule natango hoka ku na uulithilo uuwanawa niimuna omayovi oko yili. Ehalo lyetu omeya gathike sigo omomulonga gwaPonona nOmadhiya, ihe otuuvite kutya iimaliwa mbyoka oyali ya gwana owala sigo Engombe. Otwa lombwelwa kutya okwa ningululwa omayalulo gamwe ngoka ga nuninwa okukonga iiyemo yokupombitha omeya okuza mEngombe sigo Oponona ndjoka yi li oshinano shookilometa 30.”
Omunambelewa omupopiliko gwaNamWater, Johannes Shigwedha ina vula okumonika a tye sha mehuliloshiwike.
ILENI NANDJATO
Comments
Namibian Sun
No comments have been left on this article