Elongo tali pumbwa eyambidhidho lyopashimaliwa
Taku shunithwa pevi elongitho lyiimaliwa moshikondo shelongo
Uuministeli wElongo owa ningi eindilo kaavali oshowo omahangano gopaumwene ga yambidhidhe elongo pakugandja iiyemo omolwa etetulo lyelongitho lyiimaliwa koshikondo shoka okuza kepangelo.
Onga omukalo gweshunitho pevi lyelongitho lyiimaliwa moshikondo shoka, okwa shunithwa pevi omwaalu gwoshimaliwa hagu pewa uuministeli mboka kehe mokanona konima sho kwa tlwa miilonga elongo lyoshali.
Omwaalu ngoka ngashiingei ogu li poshimaliwa shooN$250 momulongwa kehe.
Uuministeli owa popi kutya owa hala okuhupitha oshimaliwa sha thika poomiliyona 160 mokushunitha pevi omwaalu gwiimaliwa tagu longithwa mooskola dhopevi noopresenda 45.5 oshowo oopresenda 50 moosekundoskola.
Amushanga muuminiteli mbuka, Sanet Steenkamp okwa popi kutya nonando otaya shunitha pevi omwaalu gwiimaliwa ngoka taya longitha mooskola oya hala okukumika kutya iimaliwa mbyoka tayi zi moshigwana onga iifuta yooskola nayi longithwe miinima mbyoka yi na oshilonga.
Omukalo gumwe gwa tulwa miilonga meshunitho pevi lyelongitho lyiimaliwa, okukutha po aalongi yopakathimbo uuna aalongi ya yi momafudho gokwiilonga.
“Aakuluntu yelongo miitopolwa oya pewa oshinakugwanithwa shokukwashilipaleka kutya okwa ningwa omalongekidho gontumba mepingenepo lyomulongi ngoka tayi yi mefudho lyoku kiilonga, pwaahena egandjo lyoshimaliwa sha gwedhwapo okuza kepangelo.”
Okwa popi kutya omaindilo gomafudho gokwiilonga ngoka ga tulwa mo omvula ya piti otaga kala geli ngaashi geli, na okwa gwedha po kutya uministeli owa tula miilonga ompito yeilongo lyodiploma kaalongi yoondondo dhopevi mboka ya hala okwiilonga, neilongo ndyoka otali futilwa kuuministeli.
Okwa popi kutya momukalo ngoka aalongi otaya vulu okutsikila nomailongo gaawo.
Uuministeli natango owa shunitha pevi elongitho lyiimaliwa miifuta yomalweendo nokulonga olutayima na owa pula ooskola dhi shunithe pevi elongitho lyomeya nolusheno.
Aakuluntu yelongo natango oya pewa oshinakugwanithwa shokutalulula ookondalaka adhihe nokutala kutya openi tapu vulu okushunithwa pevi elongitho lyiiyemo nokuyanda elongitho lyiiyemo inali tegelelwa.
Steenkamp okwa popi kutya uuministeli owa gandja elombwelo opo ku kwashilipalekwe kutya kehe oshimaliwa moskola oshi shiwike kutya osha longithwa moshike.
Okwa tsikileko kutya nonando oofuto dhoskola odha kuthwapo, aavali nomahangano gopaumwene okwa tegelelwa ya gandje omayambidhidho kooskola pashimaliwa.
Steenkamp ina yamukula uukilila ngele okwa gandjwa elombwelo opo aanaskola ya tameke okutopola elongitho lyomambo goskola, ihe okwa koleke kutya muule woomvula dha piti, onkalo ndjoka oya lundululwa okuza kaanaskola yatatu membo limwe okuya momunaskola gumwe membo limwe.
Okwa popi kutya elando lyomambo olya ningwa kwiikwatelelwa kompumbwe yomambo mooskola, na okwa ndhindhilikwa kutya onkalo yomunaskola kehe a mone embo lye inayi pondolwa mooskola dhimwe po molwaashoka ohadhi pula omambo ga yooloka kehe omvula.
Natango eyonagulo lyomambo kaalongwa oshi li omukundu omunene.
Mo-2015 uuministeli owa landele omambo gongushu yivule pomiliyona yimwe mwakwatelwa omambo omape omolwa omusindalandu gwelongo omupe ngoka gwa tulwa miilonga.
Mo-2016 uuministeli owa landa omambo ga thika po-627 282.
JANA-MARI SMITH
Onga omukalo gweshunitho pevi lyelongitho lyiimaliwa moshikondo shoka, okwa shunithwa pevi omwaalu gwoshimaliwa hagu pewa uuministeli mboka kehe mokanona konima sho kwa tlwa miilonga elongo lyoshali.
Omwaalu ngoka ngashiingei ogu li poshimaliwa shooN$250 momulongwa kehe.
Uuministeli owa popi kutya owa hala okuhupitha oshimaliwa sha thika poomiliyona 160 mokushunitha pevi omwaalu gwiimaliwa tagu longithwa mooskola dhopevi noopresenda 45.5 oshowo oopresenda 50 moosekundoskola.
Amushanga muuminiteli mbuka, Sanet Steenkamp okwa popi kutya nonando otaya shunitha pevi omwaalu gwiimaliwa ngoka taya longitha mooskola oya hala okukumika kutya iimaliwa mbyoka tayi zi moshigwana onga iifuta yooskola nayi longithwe miinima mbyoka yi na oshilonga.
Omukalo gumwe gwa tulwa miilonga meshunitho pevi lyelongitho lyiimaliwa, okukutha po aalongi yopakathimbo uuna aalongi ya yi momafudho gokwiilonga.
“Aakuluntu yelongo miitopolwa oya pewa oshinakugwanithwa shokukwashilipaleka kutya okwa ningwa omalongekidho gontumba mepingenepo lyomulongi ngoka tayi yi mefudho lyoku kiilonga, pwaahena egandjo lyoshimaliwa sha gwedhwapo okuza kepangelo.”
Okwa popi kutya omaindilo gomafudho gokwiilonga ngoka ga tulwa mo omvula ya piti otaga kala geli ngaashi geli, na okwa gwedha po kutya uministeli owa tula miilonga ompito yeilongo lyodiploma kaalongi yoondondo dhopevi mboka ya hala okwiilonga, neilongo ndyoka otali futilwa kuuministeli.
Okwa popi kutya momukalo ngoka aalongi otaya vulu okutsikila nomailongo gaawo.
Uuministeli natango owa shunitha pevi elongitho lyiimaliwa miifuta yomalweendo nokulonga olutayima na owa pula ooskola dhi shunithe pevi elongitho lyomeya nolusheno.
Aakuluntu yelongo natango oya pewa oshinakugwanithwa shokutalulula ookondalaka adhihe nokutala kutya openi tapu vulu okushunithwa pevi elongitho lyiiyemo nokuyanda elongitho lyiiyemo inali tegelelwa.
Steenkamp okwa popi kutya uuministeli owa gandja elombwelo opo ku kwashilipalekwe kutya kehe oshimaliwa moskola oshi shiwike kutya osha longithwa moshike.
Okwa tsikileko kutya nonando oofuto dhoskola odha kuthwapo, aavali nomahangano gopaumwene okwa tegelelwa ya gandje omayambidhidho kooskola pashimaliwa.
Steenkamp ina yamukula uukilila ngele okwa gandjwa elombwelo opo aanaskola ya tameke okutopola elongitho lyomambo goskola, ihe okwa koleke kutya muule woomvula dha piti, onkalo ndjoka oya lundululwa okuza kaanaskola yatatu membo limwe okuya momunaskola gumwe membo limwe.
Okwa popi kutya elando lyomambo olya ningwa kwiikwatelelwa kompumbwe yomambo mooskola, na okwa ndhindhilikwa kutya onkalo yomunaskola kehe a mone embo lye inayi pondolwa mooskola dhimwe po molwaashoka ohadhi pula omambo ga yooloka kehe omvula.
Natango eyonagulo lyomambo kaalongwa oshi li omukundu omunene.
Mo-2015 uuministeli owa landele omambo gongushu yivule pomiliyona yimwe mwakwatelwa omambo omape omolwa omusindalandu gwelongo omupe ngoka gwa tulwa miilonga.
Mo-2016 uuministeli owa landa omambo ga thika po-627 282.
JANA-MARI SMITH
Comments
Namibian Sun
No comments have been left on this article