Elenga enene lyiiyadha momeya omapyu
Elelo lyOukwanyama Traditional Authority olya pula elenga enene lyoshikandjo sha Onamutayi opo li shune miilonga mwene gwomukunda gwa Oneleiwa ngoka a kuthwa miilonga.
ILENI NANDJATO
Amon Shipanga, okwa pewa elombwelo opo a shune miilonga, Silas Ndakolonghoshi, molwaashoka naye oku na mo sha moshinima shoka sha etitha Ndakolonghoshi a kuthwe miilonga.
Omvula ya piti, Shipanga okwa kutha miilonga Ndakolonghoshi sha landula etsokumwe li na sha nomunangeshefa Tobias Kuutumbeni, ndyoka li na nelanditho po lyondama yomeya yaakwashigwana tayi adhika momukunda Ohakweenyanga.
Kuutumbeni ngashingeyi okwa ninga opoloyeka yoshikunino pehala ndyoka.
Ndakolonghoshi okwa pataneke ekutho lye miilonga ta popi kutya ke shi kutya omolwashike a kuthwa miilonga kuShipanga ngoka naye a mona mo uuwanawa metsokumwe ndyoka.
Omunashipundi gwelelo lyUukwanyama, George Nelulu okwa lombwele oNamibian Sun kutya konima sho ya konaakona epataneo lyaNdakolonghoshi oya mono kutya ekutho lye miilonga kali li pauyuuki.
“Otwa yakula epataneko lyaNdakolonghoshi na otwa ningile Shipanga omapulo kutya omolwashike a kutha Ndakolonghoshi miilonga. Okwe tu yamukua kutya omolwaashoka okwa landitha po ondama yoshigwana ndjoka kayi li momukunda gwe. Otwa pe Shipanga omayele opo a shune Ndakolonghoshi miilonga molwashoka Shipanga naye okwa mono uuwanawa okuza metsokumwe ndyoka.”
“Ndakolonghoshi haye owala a mono uuwanawa okuza metsokumwe ndyoka. Omunangeshefa ngoka okwa gandja oshimaliwa shooN$5 000 kuShipanga na okwe mu fulile ondama yomeya megumbo lye mOnamutayi. Okwa futa woo oshimaliwa shooN$11 000 kumwene gwomukunda Ohakweenyanga, Daniel Kayili. Ne mu shune owala miilonga omanga tatu konaakona.”
Nelulu okwa gwedha ko kutya oye shi shi kutya Shipanda ina hala okushuna Ndakolonghoshi miilonga na oya ulika okomitiye yowina ndjoka tayi mu pe omayele.
Shipanga okwa tindi okutya sha.
Ombaapila ndjoka ya monika koNamibian Sun ya tuminwa elelo lyUukwanyama kuNdakolonghoshi, oya holola kutya okwa mono oshimaliwa shooN$22 000 okuza kuKuutumbeni, na okwa gandja oshimaliwa shooN$2 000 kuShipanga ngoka a zimine opo Kuutumbeni a totepo opoloyeka ye.
Kuutumbeni, ondama ndjoka okwe yi ningi po eliko lyopaumwene nokutindila iimuna yaakwashigwana yi nwe okuza mondama ndjoka.
“Onda kuthwa miilonga sigo aniwa tandi gandja oshimaliwa shooN$11 000 kuKayili shoka nda pewa kuKuutumbeni, ngame tandi mu kondjitha woo a kuthe ko ondhalate ye kondama ndjoka. Ngele Kayili okwa mona oshimaliwa shooN$11 000 okuza kuKuutumbeni nangame onda pewa ooN$11 000 na onda gandja kuShipanga oshimaliwa shooN$2 000 shomiimaliwa yandje omolwashike ongame tandi kuthwa miilonga?” Ndakolonghoshi a holola mombaapila ndjoka a shanga.
Kayili okwa popile iifuta mbyoka a pewa kutya oyi li egeelo lyapewa Kuutumbeni sho iikuthile evi shaaheli pamulandu.
Okwa popi kutya Kuutumbeni okwa pulwa woo a fute Shipanga oshimaliwa shooN$5 000 onga egeelo sho a landa evi okuza kuNdinelago Mockachwa, ngaashi owala aantu ayehe mboka haya landa omavi shaaheli paveta haya futithwa komalelo gopamuthigululwakalo opo ya vule okupewa omikanda dhuumwene wevi, pahapu dhaKayili.
Amon Shipanga, okwa pewa elombwelo opo a shune miilonga, Silas Ndakolonghoshi, molwaashoka naye oku na mo sha moshinima shoka sha etitha Ndakolonghoshi a kuthwe miilonga.
Omvula ya piti, Shipanga okwa kutha miilonga Ndakolonghoshi sha landula etsokumwe li na sha nomunangeshefa Tobias Kuutumbeni, ndyoka li na nelanditho po lyondama yomeya yaakwashigwana tayi adhika momukunda Ohakweenyanga.
Kuutumbeni ngashingeyi okwa ninga opoloyeka yoshikunino pehala ndyoka.
Ndakolonghoshi okwa pataneke ekutho lye miilonga ta popi kutya ke shi kutya omolwashike a kuthwa miilonga kuShipanga ngoka naye a mona mo uuwanawa metsokumwe ndyoka.
Omunashipundi gwelelo lyUukwanyama, George Nelulu okwa lombwele oNamibian Sun kutya konima sho ya konaakona epataneo lyaNdakolonghoshi oya mono kutya ekutho lye miilonga kali li pauyuuki.
“Otwa yakula epataneko lyaNdakolonghoshi na otwa ningile Shipanga omapulo kutya omolwashike a kutha Ndakolonghoshi miilonga. Okwe tu yamukua kutya omolwaashoka okwa landitha po ondama yoshigwana ndjoka kayi li momukunda gwe. Otwa pe Shipanga omayele opo a shune Ndakolonghoshi miilonga molwashoka Shipanga naye okwa mono uuwanawa okuza metsokumwe ndyoka.”
“Ndakolonghoshi haye owala a mono uuwanawa okuza metsokumwe ndyoka. Omunangeshefa ngoka okwa gandja oshimaliwa shooN$5 000 kuShipanga na okwe mu fulile ondama yomeya megumbo lye mOnamutayi. Okwa futa woo oshimaliwa shooN$11 000 kumwene gwomukunda Ohakweenyanga, Daniel Kayili. Ne mu shune owala miilonga omanga tatu konaakona.”
Nelulu okwa gwedha ko kutya oye shi shi kutya Shipanda ina hala okushuna Ndakolonghoshi miilonga na oya ulika okomitiye yowina ndjoka tayi mu pe omayele.
Shipanga okwa tindi okutya sha.
Ombaapila ndjoka ya monika koNamibian Sun ya tuminwa elelo lyUukwanyama kuNdakolonghoshi, oya holola kutya okwa mono oshimaliwa shooN$22 000 okuza kuKuutumbeni, na okwa gandja oshimaliwa shooN$2 000 kuShipanga ngoka a zimine opo Kuutumbeni a totepo opoloyeka ye.
Kuutumbeni, ondama ndjoka okwe yi ningi po eliko lyopaumwene nokutindila iimuna yaakwashigwana yi nwe okuza mondama ndjoka.
“Onda kuthwa miilonga sigo aniwa tandi gandja oshimaliwa shooN$11 000 kuKayili shoka nda pewa kuKuutumbeni, ngame tandi mu kondjitha woo a kuthe ko ondhalate ye kondama ndjoka. Ngele Kayili okwa mona oshimaliwa shooN$11 000 okuza kuKuutumbeni nangame onda pewa ooN$11 000 na onda gandja kuShipanga oshimaliwa shooN$2 000 shomiimaliwa yandje omolwashike ongame tandi kuthwa miilonga?” Ndakolonghoshi a holola mombaapila ndjoka a shanga.
Kayili okwa popile iifuta mbyoka a pewa kutya oyi li egeelo lyapewa Kuutumbeni sho iikuthile evi shaaheli pamulandu.
Okwa popi kutya Kuutumbeni okwa pulwa woo a fute Shipanga oshimaliwa shooN$5 000 onga egeelo sho a landa evi okuza kuNdinelago Mockachwa, ngaashi owala aantu ayehe mboka haya landa omavi shaaheli paveta haya futithwa komalelo gopamuthigululwakalo opo ya vule okupewa omikanda dhuumwene wevi, pahapu dhaKayili.
Comments
Namibian Sun
No comments have been left on this article