Elando lyiilongomwa yomoshilongo olya simana
Omulandu gwokulanda iilongomwa yomoshilongo monakuyiwa otagu ka kwathela aanangeshefa aashona moshilongo opo ya landithe iilongomwa nomayakulo gawo kepangelo.
Ngoka omaiyuvo gOminista yIipindi, Tjekero Tweya sho a popi mOmutumba gwoPashigwana oshiwike sha piti ta popi kutya onkalo ndjoka otayi ka etitha woo pevi iifuta yeeto lyiilongomwa meni lyoshilongo.
Pauyelele wa tulwa kepandja lyuungomba lyoTrading Economics, omulandi omunene moSouth Africa oNamibia ngoka ondjele yiinima mbyoka ha landa moshilongo shoka ya thikama poopresenda 66, ta landulwa kuNetherlands, United Kingdom oshow China.
Tweya okwa holola kutya Namibia oha longo iinima oyindji nokugandja omayakulo ogendi ihe nonando ongaaka elando lyiinima pondje yoshilongo otali londo pombanda noonkondo.
Namibia Statistic Agency (NSA) oya holola kutya momvula yo 2017 Namibia okwa landa pondje yoshilongo iinima yongushu yoomiliyona 88, omanga a tumu pondje yoshilongo iinima yongushu yoomiliyona 63.5.
Tweya okwa popi kutya opo oshilongo shi hulithepo woo elando lyiikwankondo okuza pondje yoshilongo nena okwa pumbwa okutulwa miilonga uutekinika uupe.
Okwa popi kutya oshikondo shawo otashi yambidhidha oSADC Industrialisation Strategy and Roadmap, oshowo melongelokumwe nUuministeli wIikwamina niikwankondo oya kwashilipaleke etotepo lyoSACREEE, (Southern African Centre for Renewable Energy and Energy Efficiency), oshiputudhilo shaSADC.
Minista okwa tsikile kutya oya ningi oNational Ozone Unit (NOU) ndjoka tayi hwahwameke ehulithepo lyelongitho lyiinima ya nika oshiponga.
Okwa popi kutya ehulithepo lyiinima mbyoka ongaashi omiku dha nika oshiponga kewangandjo ndhoka hadhi tulwa mookila dhokutalaleka oshowo momipepo dhombepo.
JEMIMA BEUKES
Ngoka omaiyuvo gOminista yIipindi, Tjekero Tweya sho a popi mOmutumba gwoPashigwana oshiwike sha piti ta popi kutya onkalo ndjoka otayi ka etitha woo pevi iifuta yeeto lyiilongomwa meni lyoshilongo.
Pauyelele wa tulwa kepandja lyuungomba lyoTrading Economics, omulandi omunene moSouth Africa oNamibia ngoka ondjele yiinima mbyoka ha landa moshilongo shoka ya thikama poopresenda 66, ta landulwa kuNetherlands, United Kingdom oshow China.
Tweya okwa holola kutya Namibia oha longo iinima oyindji nokugandja omayakulo ogendi ihe nonando ongaaka elando lyiinima pondje yoshilongo otali londo pombanda noonkondo.
Namibia Statistic Agency (NSA) oya holola kutya momvula yo 2017 Namibia okwa landa pondje yoshilongo iinima yongushu yoomiliyona 88, omanga a tumu pondje yoshilongo iinima yongushu yoomiliyona 63.5.
Tweya okwa popi kutya opo oshilongo shi hulithepo woo elando lyiikwankondo okuza pondje yoshilongo nena okwa pumbwa okutulwa miilonga uutekinika uupe.
Okwa popi kutya oshikondo shawo otashi yambidhidha oSADC Industrialisation Strategy and Roadmap, oshowo melongelokumwe nUuministeli wIikwamina niikwankondo oya kwashilipaleke etotepo lyoSACREEE, (Southern African Centre for Renewable Energy and Energy Efficiency), oshiputudhilo shaSADC.
Minista okwa tsikile kutya oya ningi oNational Ozone Unit (NOU) ndjoka tayi hwahwameke ehulithepo lyelongitho lyiinima ya nika oshiponga.
Okwa popi kutya ehulithepo lyiinima mbyoka ongaashi omiku dha nika oshiponga kewangandjo ndhoka hadhi tulwa mookila dhokutalaleka oshowo momipepo dhombepo.
JEMIMA BEUKES
Comments
Namibian Sun
No comments have been left on this article