Ekuthomo lyomapunda lya londa moshilongo
Ominista yUundjolowele nOnkalonawa, Bernhard Haufiku okwa popi kutya ethimbo olya thikana opo Namibia a shunepo oonkundathana kombinga yekuthomo lyomategelelo moshilongo, konima sho aakiintu ya thika po- 7 100 oya pangwa miipangelo yepangelo omvula ya piti, omolwa omaupyakadhi taku fekelwa kutya oga etithwa kekuthomo lyomapunda.
Minista okwa popi kutya iipotha yekuthomo lyomategelelo ya thika po-7 335 oya lopotwa miipangelo, niipotha 138 oya ningwa pamulandu.
Haufiku okwa popi kutya omwaalu omunene gwomaakuthemo gomategelelo oga ningwa konima yomiyelo, naashika otashi ulike kutya Namibia okwa pumbwa okukundathana onkalo ndjika.
Minista okwa popi kutya oku wete sha simana opo ku ningwe oonkundatha molwaashoka omakuthemo gomategelelelo ngoka inaga gamenwa oga nika oshiponga noonkondo kuundjolowele waakiintu, nonando oshimbuluma shoka otashi ningwa moshilongo shoka shi na iingambekidho yoluvalo hayi gandjwa oshali.
Oondohotola odha koleke kutya aakiintu yatatu oya hulitha konima sho ya kutha mo omategelelo muule woomvula dha piti, omanga omwaalu omunene ya mono uunamiti molwa omaupyakadhi geetithwa kekuthemo lyomategelelo gaali pampango.
Oondokotola odha popi kutya iipotha ya thika po-7 100 yomategelelo ga pitipo, osha etitha komaupyakadhi gopaushitwe, naHaufiku okwa tsu omuthindo kutya omwaalu ngoka otagu ulike kutya okwa pumbwa okuningwa sha.
Oyendji yomaakiintu mboka taya kutha mo omategelelo, oyeli kohi yoomvula 25, noondohotola odha popi kutya onkalo otayi vulu okweetitha eso, uupyakadhi wuundjolowele wa yooloka oshowo okuha mona uunona.
MoNamibia iipotha yuunona tawu ekelwahi oya lundalala , naatseyinawa oye wete kutya otashi etithwa sho aakiintu yaNamibia kaye na ehogololo lyokuhumbata omapunda nenge okuga kuthamo.
Haufiku okwa kunkilile kutya omwaalu gwaamboka yakutha mo omapunda oguli pombanda noonkondo okutala naangoka gwa lopotwa kaanambelewa, nomwaalu ngoka gwa lopotwa otagu yakeleko owala oshigwana kutya oshinima shoka otashi ningwa mokati koshigwana.
Minista okwa popi kutya olundji oonakukutha mo omategelelo ohaya yi owala koshipangelo uuna ya tameke taya ehama, na oha yuulwa moshigwana kutya ihaya uvuko, ihe Haufiku okwa popi kutya ope na iinima oyindji mbyoka hayi etitha aakiintu yakuthemo omategelelo, naashoka osho sha pumbwa okukundathanwa.
Oondohotola odha popi kutya aakiintu yeli pokati kayahamano nomulongo taya taambelwa moshipangelo shaWindhoek Central naKatutura kehe esiku oye na uupyakadhi womategelelo ga zamo.
Omundohotola David Uriab, omukomeho gwuunamiti moWindhoek Central Hospital, okwa popi kutya: “Oto ka gandja uumbangi ngiini kutya omuntu okwa kutha mo etegelelo? Itashi kala mondjila okulopota kopolisi kehe gumwe ngoka teya moshipangelo e na epunda lya zamo. Oyendji otaya ka tya omapunda oga za mo paushitwe nenge oshiponga.”
Dr Shonag McKenzie, moWindhoek Central Hospital, okwa popi kutya aanambelewa yuunamiti oya dheulwa okupanga aantu mboka ya kanitha omategelelo opo kaya kwatwe komaunkundi.
JANA-MARI SMITH
Minista okwa popi kutya iipotha yekuthomo lyomategelelo ya thika po-7 335 oya lopotwa miipangelo, niipotha 138 oya ningwa pamulandu.
Haufiku okwa popi kutya omwaalu omunene gwomaakuthemo gomategelelo oga ningwa konima yomiyelo, naashika otashi ulike kutya Namibia okwa pumbwa okukundathana onkalo ndjika.
Minista okwa popi kutya oku wete sha simana opo ku ningwe oonkundatha molwaashoka omakuthemo gomategelelelo ngoka inaga gamenwa oga nika oshiponga noonkondo kuundjolowele waakiintu, nonando oshimbuluma shoka otashi ningwa moshilongo shoka shi na iingambekidho yoluvalo hayi gandjwa oshali.
Oondohotola odha koleke kutya aakiintu yatatu oya hulitha konima sho ya kutha mo omategelelo muule woomvula dha piti, omanga omwaalu omunene ya mono uunamiti molwa omaupyakadhi geetithwa kekuthemo lyomategelelo gaali pampango.
Oondokotola odha popi kutya iipotha ya thika po-7 100 yomategelelo ga pitipo, osha etitha komaupyakadhi gopaushitwe, naHaufiku okwa tsu omuthindo kutya omwaalu ngoka otagu ulike kutya okwa pumbwa okuningwa sha.
Oyendji yomaakiintu mboka taya kutha mo omategelelo, oyeli kohi yoomvula 25, noondohotola odha popi kutya onkalo otayi vulu okweetitha eso, uupyakadhi wuundjolowele wa yooloka oshowo okuha mona uunona.
MoNamibia iipotha yuunona tawu ekelwahi oya lundalala , naatseyinawa oye wete kutya otashi etithwa sho aakiintu yaNamibia kaye na ehogololo lyokuhumbata omapunda nenge okuga kuthamo.
Haufiku okwa kunkilile kutya omwaalu gwaamboka yakutha mo omapunda oguli pombanda noonkondo okutala naangoka gwa lopotwa kaanambelewa, nomwaalu ngoka gwa lopotwa otagu yakeleko owala oshigwana kutya oshinima shoka otashi ningwa mokati koshigwana.
Minista okwa popi kutya olundji oonakukutha mo omategelelo ohaya yi owala koshipangelo uuna ya tameke taya ehama, na oha yuulwa moshigwana kutya ihaya uvuko, ihe Haufiku okwa popi kutya ope na iinima oyindji mbyoka hayi etitha aakiintu yakuthemo omategelelo, naashoka osho sha pumbwa okukundathanwa.
Oondohotola odha popi kutya aakiintu yeli pokati kayahamano nomulongo taya taambelwa moshipangelo shaWindhoek Central naKatutura kehe esiku oye na uupyakadhi womategelelo ga zamo.
Omundohotola David Uriab, omukomeho gwuunamiti moWindhoek Central Hospital, okwa popi kutya: “Oto ka gandja uumbangi ngiini kutya omuntu okwa kutha mo etegelelo? Itashi kala mondjila okulopota kopolisi kehe gumwe ngoka teya moshipangelo e na epunda lya zamo. Oyendji otaya ka tya omapunda oga za mo paushitwe nenge oshiponga.”
Dr Shonag McKenzie, moWindhoek Central Hospital, okwa popi kutya aanambelewa yuunamiti oya dheulwa okupanga aantu mboka ya kanitha omategelelo opo kaya kwatwe komaunkundi.
JANA-MARI SMITH
Comments
Namibian Sun
No comments have been left on this article