Ekunkililo omolwa ompumbwe yoondya
Olopota ompe yoCrop Prospects, Food Security and Drought Situation Report oya holola kombinga yompumbwe yoondya sha landula omuloka gwa nkundipala neteyo itali ka kala ewanawa nuumvo.
Olopota oya holola kutya eteyo lyepungu, iilya niilyaalyaka otali ka kala pevi noonkondo noopresenda dha thika po 53 nuumvo okuyeleka noomvula dha piti.
Olopota oya tsikile kutya nonando egamenenepo lyoondya momagumbo oli li hwepo ngashiingeyi, onkalo okwa tegelelwa yuuke kuuwinayi okuza momwedhi twa taalela.
Omolwa onkalo yoshikukuta ndjoka tayi tsikile, aalimi yomapya okwa tegelelwa yaka mone eteyo lyankundipala nonkalo yuulithilo moshilongo otayi nayipala noonkondo sho iitopolwa oyindji inayi mona omuloka gu li nawa noshilongo.
Iitopolwa unene mbyoka kwa tegelelwa yi ka kale nonkalo yuulithilo ya nayipala nonando oya kala hayi kala hwepo ongaashi Zambezi, Kavango West oshowo Kavango East.
Oolopota oya tsikile kutya eteyo lyepungu miitopolwa ngaashi Zambezi, Kavango East oshowo Kavango West otali ulike eshuno pevi noopresenda dha thika po 79.
Eshuno pevi ndyoka olya etithwa komuloka gwa nkundipala ngoka gwa loko omvula ya piti oshowo moshikako shomuloka shonuumvo oshowo omapuka ngoka ga yonopo iikunwa yomomapya miitopolwa yimwe po.
Eteyo liilya nalyo okwa lopotwa kutya otali kala pevi noopresenda dha thika po 78 omanga iilyaalyaka tayi kala pevi nopresenda dhi li po 75.
Eidhopomo lyepangelo
Olopota oya holola kutya Ombelewa yOmuprima oya gongele ootona dhiilya dha thika po3 799 moompungulilo dhehangano lyoAgro-Marketing and Trade Agency (AMTA).
Epangelo olya tseyitha woo ooprograma dhekondjitho lyoshikukuta dha nuninwa okugandja omakwatho kaakwashigwana mboka taya gumwa noonkondo koshikukuta. Oprograma ndhoka otadhi kala miilonga pokati kaApilili gwonuumvo sigo oMaalitsa gwo 2020, na omwa kwatelwa egandjo lyomakwatho goondya, omeya, omayambidhidho getulo momalanditho iimuna oshowo omayambidhidho giikulya yiimuna.
Olopota oya holola kutya oprograma ndjoka otayi landula omayambidhidho goondya ngoka ga tulwa miilonga kepangelo miitopolwa ngaashi Omaheke, Erongo, Kunene, Otjozondjupa, Hardap oshowo
//Karas pokati komwedhi Novemba 2018 oshowo Maalitsa 2019.
JEMIMA BEUKES
Olopota oya holola kutya eteyo lyepungu, iilya niilyaalyaka otali ka kala pevi noonkondo noopresenda dha thika po 53 nuumvo okuyeleka noomvula dha piti.
Olopota oya tsikile kutya nonando egamenenepo lyoondya momagumbo oli li hwepo ngashiingeyi, onkalo okwa tegelelwa yuuke kuuwinayi okuza momwedhi twa taalela.
Omolwa onkalo yoshikukuta ndjoka tayi tsikile, aalimi yomapya okwa tegelelwa yaka mone eteyo lyankundipala nonkalo yuulithilo moshilongo otayi nayipala noonkondo sho iitopolwa oyindji inayi mona omuloka gu li nawa noshilongo.
Iitopolwa unene mbyoka kwa tegelelwa yi ka kale nonkalo yuulithilo ya nayipala nonando oya kala hayi kala hwepo ongaashi Zambezi, Kavango West oshowo Kavango East.
Oolopota oya tsikile kutya eteyo lyepungu miitopolwa ngaashi Zambezi, Kavango East oshowo Kavango West otali ulike eshuno pevi noopresenda dha thika po 79.
Eshuno pevi ndyoka olya etithwa komuloka gwa nkundipala ngoka gwa loko omvula ya piti oshowo moshikako shomuloka shonuumvo oshowo omapuka ngoka ga yonopo iikunwa yomomapya miitopolwa yimwe po.
Eteyo liilya nalyo okwa lopotwa kutya otali kala pevi noopresenda dha thika po 78 omanga iilyaalyaka tayi kala pevi nopresenda dhi li po 75.
Eidhopomo lyepangelo
Olopota oya holola kutya Ombelewa yOmuprima oya gongele ootona dhiilya dha thika po3 799 moompungulilo dhehangano lyoAgro-Marketing and Trade Agency (AMTA).
Epangelo olya tseyitha woo ooprograma dhekondjitho lyoshikukuta dha nuninwa okugandja omakwatho kaakwashigwana mboka taya gumwa noonkondo koshikukuta. Oprograma ndhoka otadhi kala miilonga pokati kaApilili gwonuumvo sigo oMaalitsa gwo 2020, na omwa kwatelwa egandjo lyomakwatho goondya, omeya, omayambidhidho getulo momalanditho iimuna oshowo omayambidhidho giikulya yiimuna.
Olopota oya holola kutya oprograma ndjoka otayi landula omayambidhidho goondya ngoka ga tulwa miilonga kepangelo miitopolwa ngaashi Omaheke, Erongo, Kunene, Otjozondjupa, Hardap oshowo
//Karas pokati komwedhi Novemba 2018 oshowo Maalitsa 2019.
JEMIMA BEUKES
Comments
Namibian Sun
No comments have been left on this article