Ekonaakono lyondondo onti-10 tali kuthwa po
Omalunduluko oga nuninwa okuyambulapo ongushu yelongo
Omalunduliko ngoka ogamwe gomomalunduluko ngoka ga nuninwa okushunitha pevi ondjele ye thige po lyooskola nokuyambulapo onkalo yelongo moshilongo.
Omalunduluko ngoka oga nuninwa okukaleka aanaskola mooskola nokuya pa omayambidhidho nokuyambulapo woo uunongo nuulongelwe waalongi.
Mo-2018, aanaskola yondondo onti-9 otaya shanga ekonaakono lyawo lyopashigwana na otaya ka ya kondondo onti-10 uuna ya piti.
Etokolo ndyoka otali etitha woo elelepeko lyelongo lyondondo yopetameko yopombanda ano Namibia Senior Secondary Certificate Ordinary Level (NSSCO) sho tali ka kutha oomvula mbali.
Mondondo onti-12 aanaskola otaya ka pitikwa ya manithe eilongo lyuule womvula yimwe lyoNamibia Senior Secondary Certificate Higher Level (NSSCH).
“Otwa hala okukaleka aanona mooskola uule wethimbo opo ku yandwe ethige po lyooskola unene ngele aanona ya ndopa ondondo onti-10. Otaku ka gwandjwa omadheulo ga gwedhwa po kaalongiskola,”
Hertha Pomuti, ngoka e li omukomeho gwoNational Institute for Educational Development (Nied) ta ti.
Pomuti okwa yelitha kutya ekonaakono ndyoka tali ka shangwa mondondo onti-9 olyopamuthika gwopombanda na otali ka pitika aanaskola ya endulule ngele ya ndopa. Okwa popi kutya okulelepeka ethimbo nuule woomvula ndatu otashi kwathele okukaleka aanona mooskola na osha longithwa miilongo oyindji muuyuni, na osha etitha iizemo iiwanawa.
Okwa gwedha po kutya kutya elelepeko lyomvula okuza pumbali okuya pundatu otali ka gandja ompito kaanaskola ya ilonge nawa.
Pomuti okwa popi kutya pamiyalu okwa hololwa kutya konyala aanona ya thika po-60 000 ohaya tameke oskola mondondo yotango, ihe okuya mondondo onti-5 ohaya kala lyopo-54 000. Omiyalu odha holola kutya o-30 000 owala haya manitha eilongo lyawo.
“Monena otatu ipula kutya aanona mboka oyeli peni? Omo owala yeli moka. Otwa kanitha aalongiskola noondohotola dhetu, oshowo ooindjinia.”
NIED okwa kala noshikugwanithwa shokuyambulapo elongo moshilongo nokuninga omalunduluko okutameka mo-2010, nomalunduluko gotango oga ningwa omvula ya piti.
Pomuti okwa yelitha kutya omalunduluko agehe ngoka taga ningwa oga nuninwa okuyambulapo ongushu yelongo moshilongo.
Okwa gwedha po kutya oya hala okugandja oompito kaanaskola opo ya kale ye na omahogololo giilongwa mbyoka aya hala okwiilonga nokutula woo miilonga iilongwa yopaungomba okutameka mondondo onti-5 oshowo iilongwa yopautekinika mondondo onti-8.
Iilongwa yopautekinika mbyoka tayi ka tulwa miilonga ongaashi, omatungo, omalusheno, okulonga nominino oshowo iilongwa yilwe ya gwedhwa po.
JANA-MARI SMITH
Omalunduluko ngoka oga nuninwa okukaleka aanaskola mooskola nokuya pa omayambidhidho nokuyambulapo woo uunongo nuulongelwe waalongi.
Mo-2018, aanaskola yondondo onti-9 otaya shanga ekonaakono lyawo lyopashigwana na otaya ka ya kondondo onti-10 uuna ya piti.
Etokolo ndyoka otali etitha woo elelepeko lyelongo lyondondo yopetameko yopombanda ano Namibia Senior Secondary Certificate Ordinary Level (NSSCO) sho tali ka kutha oomvula mbali.
Mondondo onti-12 aanaskola otaya ka pitikwa ya manithe eilongo lyuule womvula yimwe lyoNamibia Senior Secondary Certificate Higher Level (NSSCH).
“Otwa hala okukaleka aanona mooskola uule wethimbo opo ku yandwe ethige po lyooskola unene ngele aanona ya ndopa ondondo onti-10. Otaku ka gwandjwa omadheulo ga gwedhwa po kaalongiskola,”
Hertha Pomuti, ngoka e li omukomeho gwoNational Institute for Educational Development (Nied) ta ti.
Pomuti okwa yelitha kutya ekonaakono ndyoka tali ka shangwa mondondo onti-9 olyopamuthika gwopombanda na otali ka pitika aanaskola ya endulule ngele ya ndopa. Okwa popi kutya okulelepeka ethimbo nuule woomvula ndatu otashi kwathele okukaleka aanona mooskola na osha longithwa miilongo oyindji muuyuni, na osha etitha iizemo iiwanawa.
Okwa gwedha po kutya kutya elelepeko lyomvula okuza pumbali okuya pundatu otali ka gandja ompito kaanaskola ya ilonge nawa.
Pomuti okwa popi kutya pamiyalu okwa hololwa kutya konyala aanona ya thika po-60 000 ohaya tameke oskola mondondo yotango, ihe okuya mondondo onti-5 ohaya kala lyopo-54 000. Omiyalu odha holola kutya o-30 000 owala haya manitha eilongo lyawo.
“Monena otatu ipula kutya aanona mboka oyeli peni? Omo owala yeli moka. Otwa kanitha aalongiskola noondohotola dhetu, oshowo ooindjinia.”
NIED okwa kala noshikugwanithwa shokuyambulapo elongo moshilongo nokuninga omalunduluko okutameka mo-2010, nomalunduluko gotango oga ningwa omvula ya piti.
Pomuti okwa yelitha kutya omalunduluko agehe ngoka taga ningwa oga nuninwa okuyambulapo ongushu yelongo moshilongo.
Okwa gwedha po kutya oya hala okugandja oompito kaanaskola opo ya kale ye na omahogololo giilongwa mbyoka aya hala okwiilonga nokutula woo miilonga iilongwa yopaungomba okutameka mondondo onti-5 oshowo iilongwa yopautekinika mondondo onti-8.
Iilongwa yopautekinika mbyoka tayi ka tulwa miilonga ongaashi, omatungo, omalusheno, okulonga nominino oshowo iilongwa yilwe ya gwedhwa po.
JANA-MARI SMITH
Comments
Namibian Sun
No comments have been left on this article