Ekanitho lyiilonga momina yaSkorpion Zinc
Elelepeko lyiilonga momina yaSkorpion Zinc Mine, poshilambo shonomola 112 moRosh Pinah olya pumbwa okutamekwa meendelelo opo iilonga yi lelepekwe noomvula ndatu dhili komeho nongele hasho nena ehangano ndyoka otali pata mokati komvula ndjika, noompito dhiilonga 1 500 otadhi ka kana.
Uuyelel mboka owa hololwa momuknda ngoka gwa pitithwa komupopiliko gwomina ndjoka, Nora Ndopu.
“Ekateko lyetamekitho lyiilonga otali yi moshipala opoloyeka ndjoka na otashi ka thiminika omina yipate omiyelo. Aaniilonga ya thika po-1500 otaya ka kanitha iilonga,” Ndopu a kunkilile.
Skorpion Zinc okwa gandja po iilonga momina yonomola 112, kehangano lyedhina Basil Read Mining Namibia, ndyoka li li oshitopolwa shehangano lyaSouth Afrika lyedhina, Basil Read Holdings.
Pauyelele mboka wa gandjwa kehangano, kali na omashina omenene ngoka gwa pumbiwa mokumina pehala ndyoka.
Ndopu okwa popi kutya egandje po lyilonga kehangano ndyoka, olya etitha ekanitho lyiilonga kaaniilonga ya thika po-278.
Amushanga-ndjai gwoMineworkers Union of Namibia (MUN), Eben Zarondo, okwa lombwele oNamibian Sun kutya, yo ya ndjika oonyala mevi na otaya pula kutya ehangano nali konge owala omashina ngoka taga pumbiwa, pehala lyokugandja po iilonga mbyoka shoka tashi etitha ekutho miilonga lyaaniilonga.
“Omolwashike ya hala Basil Read? Omolwashike itaya hila omashina ngoka, sha po ongele ye na shoka taya holeke?”
Okwa popi kutya egandjepo lyiilonga mbyoka kashi li mondjila naamboka naya pate owala omina yawo e ta ya shuna.
Ndopu okwa popi kutya aaniilonga mboka taya kuthwa miilonga otaya ka moka uupakete wawo okuza kehangano wuli pombanda okuyeleka naashoka sha tulwa po kompango yaaniilonga na otaya ka pewa ompito yotango yokumona iilonga mehangano lyoBasil Read Namibia.
“Basil Read Namibia otaka kuta aaniilonga ya thika po-450 momina yaSkorpion ule woomvula ndatu dhi li komeho onkene ope na ompito yokumona iilonga,” Ndopu a tsikile.
Iilonga mbyoka otayi ka pewa owala AaNamibia naamboka taya ka talika tango aaniilonga nale yaSkorpion
“Niitya yimwe otatu ti, otaku ka kala oompito dhiilonga dha gwedhwa podha thika po-172 uule woomvula 3.”
“ Elelo lyaSkorpion Zinc otali tsikile nokuya moonkundathana naaniilonga mboka ya gumwa oshowo oMUN, nokukwatelamo moonkundathana ehangano lyoBasil Read Namibia,” Menindjela gwoSkorpion Zinc, Irvinne Simataa ta ti.
“Otatu indile aaniilonga ayehe, MUN oshowo aakwashigwana yaRosh Pinah ya longele kumwe natse pethimbo ndika opo ku vule okulelepekwa iilonga yoshilambo shomina 112. Otatu indile aakuthimbinga ayehe ya tale kombinga yonakuyiwa pehala lyoku e ta pehulilo iilonga yaSkorpion Zinc. Oshilambo shoka otashi ka lelepeka iilonga yetu noomvula ndatu.”
Ehangano olya popi kutya olya kala nokutseyithila aaniilonga kombinga yoompito onene dhi li po opo omina ndjoka yi pate muule woomvula oonshona. Okwa ningwa omitumba dha yooloka nehangano lyaaniilonga lyoMUN oshowo epangelo.
Ngaashi etsokumwe ndyoka lya adhika nehangano lyaaniilonga oshowo epangelo, ekutho miilonga lyaaniilonga mboka olya undulilwa komeho okuza momasiku 28 gaFebruali okuya momasiku 15 gaMaalitsa ihe natango olya undulilwa ishewe komeho sigo okomasiku 30 gaMaalitsa, opo ku vule okugandjwa ethimbo lya gwana kehangano oshowo kehangano lyaaniilonga.
“Aaniilonga mboka ya gumwa ya thika po-13 oya tokola okuningilwa nale omakonaakono gopuunamiti, na oye li moonkundathana dhokutopoka nehangano okuya momasiku ngoka ga tulwa po,” ehangano lya yelitha.
ELLANIE SMIT
“Ekateko lyetamekitho lyiilonga otali yi moshipala opoloyeka ndjoka na otashi ka thiminika omina yipate omiyelo. Aaniilonga ya thika po-1500 otaya ka kanitha iilonga,” Ndopu a kunkilile.
Skorpion Zinc okwa gandja po iilonga momina yonomola 112, kehangano lyedhina Basil Read Mining Namibia, ndyoka li li oshitopolwa shehangano lyaSouth Afrika lyedhina, Basil Read Holdings.
Pauyelele mboka wa gandjwa kehangano, kali na omashina omenene ngoka gwa pumbiwa mokumina pehala ndyoka.
Ndopu okwa popi kutya egandje po lyilonga kehangano ndyoka, olya etitha ekanitho lyiilonga kaaniilonga ya thika po-278.
Amushanga-ndjai gwoMineworkers Union of Namibia (MUN), Eben Zarondo, okwa lombwele oNamibian Sun kutya, yo ya ndjika oonyala mevi na otaya pula kutya ehangano nali konge owala omashina ngoka taga pumbiwa, pehala lyokugandja po iilonga mbyoka shoka tashi etitha ekutho miilonga lyaaniilonga.
“Omolwashike ya hala Basil Read? Omolwashike itaya hila omashina ngoka, sha po ongele ye na shoka taya holeke?”
Okwa popi kutya egandjepo lyiilonga mbyoka kashi li mondjila naamboka naya pate owala omina yawo e ta ya shuna.
Ndopu okwa popi kutya aaniilonga mboka taya kuthwa miilonga otaya ka moka uupakete wawo okuza kehangano wuli pombanda okuyeleka naashoka sha tulwa po kompango yaaniilonga na otaya ka pewa ompito yotango yokumona iilonga mehangano lyoBasil Read Namibia.
“Basil Read Namibia otaka kuta aaniilonga ya thika po-450 momina yaSkorpion ule woomvula ndatu dhi li komeho onkene ope na ompito yokumona iilonga,” Ndopu a tsikile.
Iilonga mbyoka otayi ka pewa owala AaNamibia naamboka taya ka talika tango aaniilonga nale yaSkorpion
“Niitya yimwe otatu ti, otaku ka kala oompito dhiilonga dha gwedhwa podha thika po-172 uule woomvula 3.”
“ Elelo lyaSkorpion Zinc otali tsikile nokuya moonkundathana naaniilonga mboka ya gumwa oshowo oMUN, nokukwatelamo moonkundathana ehangano lyoBasil Read Namibia,” Menindjela gwoSkorpion Zinc, Irvinne Simataa ta ti.
“Otatu indile aaniilonga ayehe, MUN oshowo aakwashigwana yaRosh Pinah ya longele kumwe natse pethimbo ndika opo ku vule okulelepekwa iilonga yoshilambo shomina 112. Otatu indile aakuthimbinga ayehe ya tale kombinga yonakuyiwa pehala lyoku e ta pehulilo iilonga yaSkorpion Zinc. Oshilambo shoka otashi ka lelepeka iilonga yetu noomvula ndatu.”
Ehangano olya popi kutya olya kala nokutseyithila aaniilonga kombinga yoompito onene dhi li po opo omina ndjoka yi pate muule woomvula oonshona. Okwa ningwa omitumba dha yooloka nehangano lyaaniilonga lyoMUN oshowo epangelo.
Ngaashi etsokumwe ndyoka lya adhika nehangano lyaaniilonga oshowo epangelo, ekutho miilonga lyaaniilonga mboka olya undulilwa komeho okuza momasiku 28 gaFebruali okuya momasiku 15 gaMaalitsa ihe natango olya undulilwa ishewe komeho sigo okomasiku 30 gaMaalitsa, opo ku vule okugandjwa ethimbo lya gwana kehangano oshowo kehangano lyaaniilonga.
“Aaniilonga mboka ya gumwa ya thika po-13 oya tokola okuningilwa nale omakonaakono gopuunamiti, na oye li moonkundathana dhokutopoka nehangano okuya momasiku ngoka ga tulwa po,” ehangano lya yelitha.
ELLANIE SMIT
Comments
Namibian Sun
No comments have been left on this article