Ehangano lyaKorea itali uthan koompango dhamuni

Oshifo kundaneki shoNamibian Sun osha ithanwa ongula yEtine lyoshiwike sha piti opo shi ye kehala ndyoka tali adhika pOkamba yAakwaita moSuiderhof military mOvenduka nokuninga ombangi yomanyenyeto ngoka ga ningwa kaakwashigwana . Gumwe gwomaakwashigwana ngoka alulilwa konkalo ndjoka okwa tseyithile oshikundaneki kutya iipa yiinamwenyo niinima yilwe ya za kiinamwenyo, onyata dhaantu, ominino dhomeya tadhi ziya otayi adhika pehala lyaaniilonga yehangano ndyoka. Sho oshikundaneki shika sha thiki pehala ndyoka longithwa woo kaakalimo yomoSuiderhof osha mono nkene ehala ndyoka tali adhika monkalo yanaipala . Handiyaka yondhalate ndjoka ya topolako ehala lyomatungo komudhingoloko gwaheye otaku adhika omakaha goombwa, omitse dhoohi, iiyekelwahi yaza kuulimba, ooniga dhookudu, oshowo shoka taku tengelekwa kutya ngiika okambishi nenge okalimba ka sa. Oonyata dhaantu niiyekelwahi yilwe otayi adhika pomudhingoloko ngoka oshowo omunino gwomeya gwa topa. Omanga oNamibian Sun ya tameke okuthaneka omathano gehala ndyoka aaniilonga yamwe oya monika taya wapaleke ehala ndyoka ihe okwa dhidhilikwa kutya oyali owala taya toola iiti ihe ka shi shi iiyagaya mbyoka ya e ta onkalo yomalimbililo. Omukalimo gumwe gwomomudhingoloko ngoka okwa lombwele oNamibian Sun kutya oya kala nokulopota onkalo ndjoka kOpolisi yOshilando oshowo kEhangano lyIinamwenyo lyo SPCA ihe kape na shoka sha ningwa po. Pauyelele mboka wa gandjwa kaaniilonga ehangano ndyoka lyomatungo tali longele pOkamba yAakwaita yaSuiderhof olya North Korea lyedhina Mansudae Overseas Projects na otali tungu oombelewa oompe dhUministeli wEgameno. Oshikundaneki osha kambaladhala okumona uuyelele oundji kombinga yopoloyeka ihe osha lombwelwa kutya uuyelele mboka owa holekwa na otawu vulu owala okumonika okuza kuuminsiteli kokwene. Sho a ningwa nayo ekwatathano Brigitte Meissner gwoWindhoek SPCA okwa popi kutya okwa haluthwa noonkondo konkalo ndjoka na otayi mekwatathano nOpolisi yOshilando meendelelo opo ya ninge omakonaakono. Pauyelele mboka wa gandjwa koSPCA, oyali nale ya yi kehala hoka nokukutha ko oombwa dhoka dhali kehala ndyoka ha landula omanyenyeto ngoka ga ningwa kaakwashigwana. Oya popi kutya uufudhi woombwa nuumbushi owa londa pombanda noshilando nooyene oye na uutile kutya ngiika iitekulwaa namwenyo yawo ohayi yakwapo opo yi ningepo oondya. Okwa gwedha po kutya aantu ninaya pitikilwa okudhipagela iinamwenyo mehala lyamuni. Iinamwenyo oya pumbwa okudhipagelwa koofalama muutomeno wa muni. “Kandi wete ngele uutomeno otawu pitika edhipago lyoombwa nuumbishi.” Ehangano ndyoka olya holola onkumwe kombinga yonkundana ndjika na olya popi kutya nonando pehala lyetungo lyawo oha pu monika oombwa nuumbishi tawu ende itali zimine kutya aaniilonga yawo ohaya li iinamwenyo mbyoka na olya popi kutya ngele shoka tashi popi oshili nena otaku kala iilanduli. Ompango yoshilando shaVenduka oye shi yeleka kutya ha iiyagaya tayi ekelwahi momahala gaayehe nenge mehala lyamuni Nooyene yiinamwenyo mbyoka ya sile mohala ngoka otaya uthwa opo ya fumbike iinamwenyo yawo muule yoowili 24. Natango oshi li pondje yoveta okumonitha iihuna iinamwenyo momukalo kehe. Omapulo ngoka ga tuminwa Uuministeli wEgameno kombinga yonkalo ndjoka inaga yamukulwa sigo onkundathna ndjika ya nyanyangidhwa omanga Oshilando shVenduka inashi yamukula pethimbo. Okwa li kwa lopota nale kutya Uuministeli wEgameno owala kaleke manga etungo lyoombelewa dhawo lyongushu yooN$ 600 omolwa omaupyakadhi gontumba. Shimwe po shomomaupyakadhi ngoka iilonga yongushu yopevi mbyoka tayi longwa kehangano lyoMansudae Overseas Projects, mopoloyeka ndjoka yuule woomvula hamano. Ehangano ndyoka olya taalele woo omanyenyeto omolwa iilonga yaali pamuthika moNamibia mwa kwatelwa etungo lyOmawendo gOmapendafule. OVENDUKA ELLANIE SMIT