Aayelele yomOmundaungilo ya tungilwa omagumbo
Epangelo okupitila mOmbelewa yOmupeha Presidende olya katuka oonkatu nokuninga ehala lyokuza aakwashigwana yomuhoko gwAayelele yomomudhingoloko Omundaungilo, mOshitopolwa shaHangwena.
Sha landula sho oshifokundaneki shoNamibian Sun, sha kala nokulopota kombinga yonkalo moka mu na aakwashigwana mboka uule woomwedhi 20 dha piti ngashiingeyi, oshinyolwa shomathimbo ga piti osha etitha oshiwike sha piti opo epangelo li dhengele oombashu dhaakwashigwana mboka, nokupingenapo omalukalwa gawo nootenda ndhoka ya kala ya ninga yoyene.
Aakokele yamwe ye na oomvula dhi li pe 103 mboka ye na woo omaunkundi ga yoolola ngaashi uuposi oshowo omikithi dhilwe oya kala pehala mpoka uule woomvula odhindji.
Ombelewa yOmupeha Presidende oyiitulile oshimaliwa sha thika poN$800 000 shoka tashi ka tungila aakwashigwana mboka omahala gokuza oshowo okugandja omeya ga yogoka.
Sho oshifokundneki shika sha talele po ehala ndyoka mOlyomakaya otali monika epe, naakwashigwana mboka aanyasha otaya kwathele aatungi.
Omunambelewa gwiilonga mOmbelelwa yOmupeha Presidende, Aaron Clase, okwa lombwele oNamibian Sun kutya oondunda dhomwiidhi kadhi shi omalukalwa omawanawa lela ihe odhi li omukalo gwomeendelelo gwokugandja omahala gokuza kaakwashigwana, nokweeta onkalo yopauntu mokati kaathigona.
Okwa popi kutya okwe ya moshitopolwa shaHangwena omwedhi gwa piti na okwa kuutumba naanambelewa ya za kiikondo yepangelo ya yooloka mboka ye na mo olunyala mekalekepo lyuuntu waakwashigwana.
Omunambelelwa ngoka okwa popi kutya epangelo kali na oshinakugwanithwa sho kugandja omagumbo giipeleki kaakwashigwana ihe otaya longo owala ngaaka onga omukalo gwokukutha aakwashigwana mboka mompumbwe. Inaku gandjwa otendela yiilonga mbyoka na otayi longwa owala kepangelo lyolyene mekwathelo lyaakwashigwana.
Ekwatho ndyoka oli li eyambidhidho enene lya pewa aakwashigwana mboka ya kala uule noomvula ya teka omukumo, sho oyendji yomaakwashigwana mboka ihaya mono woo nomayambidhidho goshimaliwa gokomwedhi.
Euvaneko ekulu
Momwedhi Februali gwomvula yo 2017, sho oshifokundneki shoNamibian Sun sha talele po tango omudhingoloko ngoka, osheendo sha kwatelwa komeho komunambelewa omupeha omukomeho gwoshikondo shomarginalised community division mOmbelewa yOmupeha Presidende, Gerson Kamatuka, pamwe naNgoloneya gwoshitopolwa shaHangwena, Usko Nghaamwa, okansela moshitopolwa oshowo aanambelewa yiikondo yilwe yepangelo oya li ya talele po ehala ndyoka, na oya li ya ningi euvaneko opo onkalo yaakwashigwana mboka yi hwepopalekwe.
Omuleli gwaakwashigwana mboka, Sadrah Amupolo, okwa popi kutya okwa nyanyukwa ketokolo ndyoka lya ningwa kepangelo unene sho ethimbo lyomuloka tali tameke.
Clase okwa gwedha po kutya okwa dhidhilike kutya aantu oyendji otaya ehama omikithi dha yooloka momudhingoloko ngoka, na okwa popi kutya epangelo olya pumbwa okudheula aanambelewa yuundjolowele yomomudhingoloko opo ya vule okukala taya ungaunga naantu mboka.
Aanona oyendji yopomudhingoloko ngoka ihaya yi woo kooskola.
ILENI NANDJATO
Aakokele yamwe ye na oomvula dhi li pe 103 mboka ye na woo omaunkundi ga yoolola ngaashi uuposi oshowo omikithi dhilwe oya kala pehala mpoka uule woomvula odhindji.
Ombelewa yOmupeha Presidende oyiitulile oshimaliwa sha thika poN$800 000 shoka tashi ka tungila aakwashigwana mboka omahala gokuza oshowo okugandja omeya ga yogoka.
Sho oshifokundneki shika sha talele po ehala ndyoka mOlyomakaya otali monika epe, naakwashigwana mboka aanyasha otaya kwathele aatungi.
Omunambelewa gwiilonga mOmbelelwa yOmupeha Presidende, Aaron Clase, okwa lombwele oNamibian Sun kutya oondunda dhomwiidhi kadhi shi omalukalwa omawanawa lela ihe odhi li omukalo gwomeendelelo gwokugandja omahala gokuza kaakwashigwana, nokweeta onkalo yopauntu mokati kaathigona.
Okwa popi kutya okwe ya moshitopolwa shaHangwena omwedhi gwa piti na okwa kuutumba naanambelewa ya za kiikondo yepangelo ya yooloka mboka ye na mo olunyala mekalekepo lyuuntu waakwashigwana.
Omunambelelwa ngoka okwa popi kutya epangelo kali na oshinakugwanithwa sho kugandja omagumbo giipeleki kaakwashigwana ihe otaya longo owala ngaaka onga omukalo gwokukutha aakwashigwana mboka mompumbwe. Inaku gandjwa otendela yiilonga mbyoka na otayi longwa owala kepangelo lyolyene mekwathelo lyaakwashigwana.
Ekwatho ndyoka oli li eyambidhidho enene lya pewa aakwashigwana mboka ya kala uule noomvula ya teka omukumo, sho oyendji yomaakwashigwana mboka ihaya mono woo nomayambidhidho goshimaliwa gokomwedhi.
Euvaneko ekulu
Momwedhi Februali gwomvula yo 2017, sho oshifokundneki shoNamibian Sun sha talele po tango omudhingoloko ngoka, osheendo sha kwatelwa komeho komunambelewa omupeha omukomeho gwoshikondo shomarginalised community division mOmbelewa yOmupeha Presidende, Gerson Kamatuka, pamwe naNgoloneya gwoshitopolwa shaHangwena, Usko Nghaamwa, okansela moshitopolwa oshowo aanambelewa yiikondo yilwe yepangelo oya li ya talele po ehala ndyoka, na oya li ya ningi euvaneko opo onkalo yaakwashigwana mboka yi hwepopalekwe.
Omuleli gwaakwashigwana mboka, Sadrah Amupolo, okwa popi kutya okwa nyanyukwa ketokolo ndyoka lya ningwa kepangelo unene sho ethimbo lyomuloka tali tameke.
Clase okwa gwedha po kutya okwa dhidhilike kutya aantu oyendji otaya ehama omikithi dha yooloka momudhingoloko ngoka, na okwa popi kutya epangelo olya pumbwa okudheula aanambelewa yuundjolowele yomomudhingoloko opo ya vule okukala taya ungaunga naantu mboka.
Aanona oyendji yopomudhingoloko ngoka ihaya yi woo kooskola.
ILENI NANDJATO
Comments
Namibian Sun
No comments have been left on this article