Aavali ya geya omolwa ondilo yomizalo omipe dhoskola
Aavali oya popi kutya etulo miilonga lyomizalo omipe dhoskola pooskola dhimwe itali etitha iizemo iiwanawa nenge omikalo omiwanawa maanaskola.
Oshiwike sha piti oshifokundaneki shoNamibian Sun osha yi moonkundathana nomuvali gwedhina, Paulus Kaalushu, omanga ta landa iinima yokoskola yaanona ye yatatu.
“Omimvo dha piti aanaskola oya kala haya zala omizalo dhoskola omikulu dhoka dha kalako nale, hatu dhi kutha moostola kondando yopevi, ihe ngashiingeyi ooskola otadhi tula po omulandu gwoomizalo omipe na odhi na ondilo. Omizalo dhoka inadhi kwatelwa mo miimaliwa mbyoka ooskola hadhi mono okuza kepangelo. Omizalo dhoka mbela otadhi kwashilipaleke kutya aanona yetu otaya mono iizemo iiwanawa mooskola?” Kaalushu a popi.
“Otaya popi kutya aavali mboka itaya vulu okulanda omizalo omipe aanano otaya vulu okuzala omizalo dhoka omikulu. Oye shi shi kutya osha hala okutya ngiini ngele okanona keli momizalo inadhi fa dha yakwawo? Ngaaka kashi shi okatongo? Oya hala okutya aanaskola naavali yawo otaya kala yuuvite nawa?”
Uuministeli welongo omimvo dha piti owa popi kutya ooskola dhepangelo nadhi kuthe miilonga omizalo omukulu nokutulapo omizalo dhopashinanena, onga omukalo gwokugandja oompito dhiilonga kaahondji yomoshilongo.
Aavali otaya nyenyeta kutya omizalo dhoka odhi na odhilo noonkondo.
Aahondji yomoshilongo oya li ya pewa omadheulo kAaIndia mboka haya hondjo omizalo dhooskola, noostola dhomizalo dhooskola odha patululwa konyala miitopolwa ya yooloka moshilongo.
Ooskola odhindji unene moondoolopa odha tula miilonga omizalo omipe ihe ndhoka dhokomikunda otadhi nana nondatu.
Omunambelewa omupopiliko guuministeli welongo, Absalom Absalom okwa popi kutya omizalo dhooskola otadhi lundululwa nomatompelo gontumba, nomalunduluko ngoka otaga ningwa pankundathana nomalelo gooskola.
Gumwe gwomaahondji yomizalo dhooskola monooli, Anneli Luaanda gwoAnneli Fashion Design, okwa popi kutya omizalo dhoskola omipe otadhi hondja miiyata ya kola okuyeleka nomizalo omikulu. Okwa popi kutya palongitho lyiiyata mboka aavali otaya vulu okukala uule woomvula ndatu inaya landa omizalo dhoskola.
ILENI NANDJATO
Oshiwike sha piti oshifokundaneki shoNamibian Sun osha yi moonkundathana nomuvali gwedhina, Paulus Kaalushu, omanga ta landa iinima yokoskola yaanona ye yatatu.
“Omimvo dha piti aanaskola oya kala haya zala omizalo dhoskola omikulu dhoka dha kalako nale, hatu dhi kutha moostola kondando yopevi, ihe ngashiingeyi ooskola otadhi tula po omulandu gwoomizalo omipe na odhi na ondilo. Omizalo dhoka inadhi kwatelwa mo miimaliwa mbyoka ooskola hadhi mono okuza kepangelo. Omizalo dhoka mbela otadhi kwashilipaleke kutya aanona yetu otaya mono iizemo iiwanawa mooskola?” Kaalushu a popi.
“Otaya popi kutya aavali mboka itaya vulu okulanda omizalo omipe aanano otaya vulu okuzala omizalo dhoka omikulu. Oye shi shi kutya osha hala okutya ngiini ngele okanona keli momizalo inadhi fa dha yakwawo? Ngaaka kashi shi okatongo? Oya hala okutya aanaskola naavali yawo otaya kala yuuvite nawa?”
Uuministeli welongo omimvo dha piti owa popi kutya ooskola dhepangelo nadhi kuthe miilonga omizalo omukulu nokutulapo omizalo dhopashinanena, onga omukalo gwokugandja oompito dhiilonga kaahondji yomoshilongo.
Aavali otaya nyenyeta kutya omizalo dhoka odhi na odhilo noonkondo.
Aahondji yomoshilongo oya li ya pewa omadheulo kAaIndia mboka haya hondjo omizalo dhooskola, noostola dhomizalo dhooskola odha patululwa konyala miitopolwa ya yooloka moshilongo.
Ooskola odhindji unene moondoolopa odha tula miilonga omizalo omipe ihe ndhoka dhokomikunda otadhi nana nondatu.
Omunambelewa omupopiliko guuministeli welongo, Absalom Absalom okwa popi kutya omizalo dhooskola otadhi lundululwa nomatompelo gontumba, nomalunduluko ngoka otaga ningwa pankundathana nomalelo gooskola.
Gumwe gwomaahondji yomizalo dhooskola monooli, Anneli Luaanda gwoAnneli Fashion Design, okwa popi kutya omizalo dhoskola omipe otadhi hondja miiyata ya kola okuyeleka nomizalo omikulu. Okwa popi kutya palongitho lyiiyata mboka aavali otaya vulu okukala uule woomvula ndatu inaya landa omizalo dhoskola.
ILENI NANDJATO
Comments
Namibian Sun
No comments have been left on this article