Aapangi aazaizai ya taalela omambandameko
Ominista yuundjolowele Bernard Haufiku oya kunkilile AaNamibia ya hulithepo okuninga nayi aapangi aazizai, mboka taya ningilwa omatilitho.
Pahapu dhaminista, aapaangi yamwe po aazaizai oya lopota kutya otaya ningilwa omatilitho okuza koshigwana oshowo kaaniilonga yamwe po muuministeli.
Haufiku okwa popi kutya uuministeli itawu tula miilonga omatilitho ngoka taga ningwa opo ookondalaka dhaaniilonga mboka dhi kuthwe oonkondo, opo ku gandjwe oompito dhiilonga kaapangi AaNamibia mboka ya manitha omailongo gawo ihe inaya mona natango iilonga.
“Otatu ungaunga nonkalo ndjoka momukalo omuwanawa na inatu hala okuhwahwameka iipotha yompangu. Mboka taya ningi omatilitho ngoka otaya taalele iilanduli, ngaashi omitumba dhomautho.” Minista okwa tsikile kutya ngele otaya pitika aapangi mboka aazaizai ya ye nena oondohotola dhaazaizai nadho otadhi ka yi naashoka otashi tula moshiponga oshikondo shuundjolowele moshilongo.
Amushanga muuministeli mboka, Petronella Masabane okwa popi kutya inashi yela ngele aapangi aazaizai oya ningilwa omatilitho geso.
Masabane okwa popi kutya aapangi aazaizai yamwe oya lopota kutya otaya ningilwa omatilitho nomalaka oshowo omaihumbato gamwe ngoka taga ulike omikalo omwiinayi okuza kaaniilonga yakwawo mboka Aanamibia, na otaga etitha onkalo yiilonga inayi opala. Amushanga okwa pula onkalo ndjoka yi hulithwepo.
Omatilitho ngoka oga landula sho aapangi AaNamibia mboka ya manitha omailongo gawo, ye li natango momapandanda, sho epangelo tali popi kutya kape na iimaliwa yoku ya kuta miilonga.
Omasiku ga piti, ongundu yaapangi mboka ya manitha omailongo gawo ihe natango oye li momapandanda kaye na iilonga, oya tsakanene nomuleli gwongundu yoPopular Democratic Movement (PDM), McHenry Venaani.
Omukomeho gwongundu ndjoka, Junias Shilunga, okwa popi kutya ngele epangelo inali katuka oonkatu mokukandula po omukundu ngoka, nena otaya ka thiminikwa konkalo ndjoka ye li muyo, opo ya katuke oonkatu dhontumba. Aapangi AaNamibia mboka kaye na iilonga ye li po 300, na oya manitha omailongo gawo oya gandja sigo omasiku 30 gaJuli kaapangi aazaizai, opo ya ze miilonga, yo ya gandje ompito kAanamibia ya vule okukutwa kuuministeli wuundjolowele.
JEMIMA BEUKES
Pahapu dhaminista, aapaangi yamwe po aazaizai oya lopota kutya otaya ningilwa omatilitho okuza koshigwana oshowo kaaniilonga yamwe po muuministeli.
Haufiku okwa popi kutya uuministeli itawu tula miilonga omatilitho ngoka taga ningwa opo ookondalaka dhaaniilonga mboka dhi kuthwe oonkondo, opo ku gandjwe oompito dhiilonga kaapangi AaNamibia mboka ya manitha omailongo gawo ihe inaya mona natango iilonga.
“Otatu ungaunga nonkalo ndjoka momukalo omuwanawa na inatu hala okuhwahwameka iipotha yompangu. Mboka taya ningi omatilitho ngoka otaya taalele iilanduli, ngaashi omitumba dhomautho.” Minista okwa tsikile kutya ngele otaya pitika aapangi mboka aazaizai ya ye nena oondohotola dhaazaizai nadho otadhi ka yi naashoka otashi tula moshiponga oshikondo shuundjolowele moshilongo.
Amushanga muuministeli mboka, Petronella Masabane okwa popi kutya inashi yela ngele aapangi aazaizai oya ningilwa omatilitho geso.
Masabane okwa popi kutya aapangi aazaizai yamwe oya lopota kutya otaya ningilwa omatilitho nomalaka oshowo omaihumbato gamwe ngoka taga ulike omikalo omwiinayi okuza kaaniilonga yakwawo mboka Aanamibia, na otaga etitha onkalo yiilonga inayi opala. Amushanga okwa pula onkalo ndjoka yi hulithwepo.
Omatilitho ngoka oga landula sho aapangi AaNamibia mboka ya manitha omailongo gawo, ye li natango momapandanda, sho epangelo tali popi kutya kape na iimaliwa yoku ya kuta miilonga.
Omasiku ga piti, ongundu yaapangi mboka ya manitha omailongo gawo ihe natango oye li momapandanda kaye na iilonga, oya tsakanene nomuleli gwongundu yoPopular Democratic Movement (PDM), McHenry Venaani.
Omukomeho gwongundu ndjoka, Junias Shilunga, okwa popi kutya ngele epangelo inali katuka oonkatu mokukandula po omukundu ngoka, nena otaya ka thiminikwa konkalo ndjoka ye li muyo, opo ya katuke oonkatu dhontumba. Aapangi AaNamibia mboka kaye na iilonga ye li po 300, na oya manitha omailongo gawo oya gandja sigo omasiku 30 gaJuli kaapangi aazaizai, opo ya ze miilonga, yo ya gandje ompito kAanamibia ya vule okukutwa kuuministeli wuundjolowele.
JEMIMA BEUKES
Comments
Namibian Sun
No comments have been left on this article