Aaniilonga yoshikondo shoohi ya pulwa ya mange omapaya
Uuministeli wOohi nOonzo dhOmomeya owa tseyithile aaniilonga moshikondo shoka opo ya kutheko oshinakugwanithwa shokukwata nawa oonzo dhoshikondo.
Shoka osha landula sho omuprima gwoshilongo, Saara Kuugongelwa-Amadhila mesiku lyotango lyaFebruali a gandja ekunkililo nelombwelo opo aaniilonga yepangelo ya hulithepo okukwata nayi omaliko gepangelo. Pethimbo a popitha aaniilonga ye, lyotango omvula ndjika, Minista Bernard Esau okwa pula aaniilonga ya kwate nawa oonzo dhuuministeli. Okwa popi kutya ehepo lyoonzo nali hulithwepo pakushunitha pevi omalweendo, elongitho nayi lyolusheno nomeya naaniilonga naya hulithepo okulongitha iimalia miinima mbyoka inayi simana miilonga.
Esau okwa popi kutya iifuta yolutayima nayo nayi kondololwe na naku futwe owala aaniilonga oowili dholutayima uuna ku wetike kutya ope na iiyemo ya nuninwa iifuta mbyoka. Minista okwa popi kutya iifuta yolutayima nayi hulithwepo nopehala iimaliwa mbyoka nayi longithwe mokutotapo oompito dhiilonga dhaamboka kaye na iilonga.
Aakomeho miilonga oya pewa oshinakugwanithwa shokukondolola elongo lyolutayi, namushanga Moses Maurihungirire, okwa pewa elombwelo kutya kape na iifuta yolutayima tayi ka gandjwa omanga inaku gandjwa epitiko komukomeho. Uuministeli mboka okwa tegelelwa wu ka tule miilonga omulandu gwawo gwokugandja omayakulo kaayakulwa yawo. Ngaashi ya pewa omayele kOkakomisi kOkulwitha Uulingilingi, uuministeli otawu ka totapo omusholondondo gwoompiti dhoka tadhi vulu okupitila uulingilingi na otawu ka totapo okomitiye yokukondjitha onkalo ndjoka.
Uuministeli otawu ka pula aadhaninkandangala moshikondo shoohi nkene wu na okutotapo okomitiye ndjoka.
CATHERINE SASMAN
Shoka osha landula sho omuprima gwoshilongo, Saara Kuugongelwa-Amadhila mesiku lyotango lyaFebruali a gandja ekunkililo nelombwelo opo aaniilonga yepangelo ya hulithepo okukwata nayi omaliko gepangelo. Pethimbo a popitha aaniilonga ye, lyotango omvula ndjika, Minista Bernard Esau okwa pula aaniilonga ya kwate nawa oonzo dhuuministeli. Okwa popi kutya ehepo lyoonzo nali hulithwepo pakushunitha pevi omalweendo, elongitho nayi lyolusheno nomeya naaniilonga naya hulithepo okulongitha iimalia miinima mbyoka inayi simana miilonga.
Esau okwa popi kutya iifuta yolutayima nayo nayi kondololwe na naku futwe owala aaniilonga oowili dholutayima uuna ku wetike kutya ope na iiyemo ya nuninwa iifuta mbyoka. Minista okwa popi kutya iifuta yolutayima nayi hulithwepo nopehala iimaliwa mbyoka nayi longithwe mokutotapo oompito dhiilonga dhaamboka kaye na iilonga.
Aakomeho miilonga oya pewa oshinakugwanithwa shokukondolola elongo lyolutayi, namushanga Moses Maurihungirire, okwa pewa elombwelo kutya kape na iifuta yolutayima tayi ka gandjwa omanga inaku gandjwa epitiko komukomeho. Uuministeli mboka okwa tegelelwa wu ka tule miilonga omulandu gwawo gwokugandja omayakulo kaayakulwa yawo. Ngaashi ya pewa omayele kOkakomisi kOkulwitha Uulingilingi, uuministeli otawu ka totapo omusholondondo gwoompiti dhoka tadhi vulu okupitila uulingilingi na otawu ka totapo okomitiye yokukondjitha onkalo ndjoka.
Uuministeli otawu ka pula aadhaninkandangala moshikondo shoohi nkene wu na okutotapo okomitiye ndjoka.
CATHERINE SASMAN
Comments
Namibian Sun
No comments have been left on this article