Aaniilonga yelelo lyaNdangwa ya shaina omatsokumwe gegwanithe po lyiilonga
Opo elelo lyondoolopa yaNdangwa li vule okukala ponomola yotango meyambulepo lyondoolopa ndjoka okuya momvula yo-2021 nokwaadha omalalakano gawo, aaniilonga yelelo lyondoolopa ndjoka otaya pumbiwa opo ya longe neitulemo.
Aaniilonga yelelo ndyoka ya thika po-72, okuza miikondo ine melelo lyondoolopa ndjoka oya shaina omatsokumwe gegwanithepo lyiilonga, ngoka taga pitika elelo lyondoolopa ndjoka li kwashilipaleke kutya aaniilonga mboka otaya gwanitha po iilonga yawo poohandimwe , opo kwaadhike omalalakano geyambulepo lyondoolopa.
Omunambelelwa Omukuluntu gwondoolopa ndjoka Ismael Namgongo ngoka oye omuniilonga gwotango a shaina etsokumwe ndyoka, okwa popi kutya etsokumwe ndyoka oli li oshitopowa shoompangela dhiilonga dhelelo lyondoolopa dhomvula yo-2016 sigo 2021.
Namgongo okwa popi kutya oompangela ndhoka odha tulwa po kwiikwatelelwa komaiyuvo gaakuthimbinga ya yooloka , mboka ya ningwa nayo ekwatathano kelelo lyondoolopa, pethimbo oompangela ndhoka dha tulwa po. Okwa tsikile kutya opo nduno elelo li mone kutya oli li mondjila mokugwanitha po oompangela ndhoka, nena eshaino lyomatsokumwe giilonga olya pumbiwa mokati kaaniilonga ayehe.
Okwa popi kutya osha simana aaniilonga ya longe nuudhiginini mokugandja omayakulo kaayakulwa yondoolopa ko ku vulwe okunanwa aapunguli ya vule okupungula mondoolopa ndjoka.
Eshaino lyomatsokumwe ndyoka, olya kaliwa woo kookansela yelelo lyondoolopa.
Mayola gwondoolopa yaNdangwa, Paavo Amwele okwa tsu omukumo aaniilonga kaya kale nuumbanda mokushaina omatsokumwe ngoka, teya tsu woo omukumo opo ya longe nuudhiginini.
Amwele okwa tsikile kutya, oha kala aluhe ta tala aaniilonga ngele otaya longo tuu iilonga yawo, ihe okwa dhidhilike kutya aaniilonga yamwe ihaya gwanitha po iilonga. Okwa pula opo aaniilonga ayehe ya kwashilipaleke kutya oya gwanitha po iinakugwanithwa yawo.
Omatsokumwe ngoka ga shainwa otaga tameke okuvongokononwa muJuni gwomvula twa taalela. Omunambelewa Omukuluntu gwondoolopa okwa shaina etsokumwe lye komeho yamayola oshowo omunashipundi gwelelo, omanga oomenindjela dha shaina komeho yomunambelewa omukuluntu, omanga aaniilonga ya shaina komeho yoomenindjela dhawo oshowo aakomeho yawo miilonga.
ILENI NANDJATO
Omunambelelwa Omukuluntu gwondoolopa ndjoka Ismael Namgongo ngoka oye omuniilonga gwotango a shaina etsokumwe ndyoka, okwa popi kutya etsokumwe ndyoka oli li oshitopowa shoompangela dhiilonga dhelelo lyondoolopa dhomvula yo-2016 sigo 2021.
Namgongo okwa popi kutya oompangela ndhoka odha tulwa po kwiikwatelelwa komaiyuvo gaakuthimbinga ya yooloka , mboka ya ningwa nayo ekwatathano kelelo lyondoolopa, pethimbo oompangela ndhoka dha tulwa po. Okwa tsikile kutya opo nduno elelo li mone kutya oli li mondjila mokugwanitha po oompangela ndhoka, nena eshaino lyomatsokumwe giilonga olya pumbiwa mokati kaaniilonga ayehe.
Okwa popi kutya osha simana aaniilonga ya longe nuudhiginini mokugandja omayakulo kaayakulwa yondoolopa ko ku vulwe okunanwa aapunguli ya vule okupungula mondoolopa ndjoka.
Eshaino lyomatsokumwe ndyoka, olya kaliwa woo kookansela yelelo lyondoolopa.
Mayola gwondoolopa yaNdangwa, Paavo Amwele okwa tsu omukumo aaniilonga kaya kale nuumbanda mokushaina omatsokumwe ngoka, teya tsu woo omukumo opo ya longe nuudhiginini.
Amwele okwa tsikile kutya, oha kala aluhe ta tala aaniilonga ngele otaya longo tuu iilonga yawo, ihe okwa dhidhilike kutya aaniilonga yamwe ihaya gwanitha po iilonga. Okwa pula opo aaniilonga ayehe ya kwashilipaleke kutya oya gwanitha po iinakugwanithwa yawo.
Omatsokumwe ngoka ga shainwa otaga tameke okuvongokononwa muJuni gwomvula twa taalela. Omunambelewa Omukuluntu gwondoolopa okwa shaina etsokumwe lye komeho yamayola oshowo omunashipundi gwelelo, omanga oomenindjela dha shaina komeho yomunambelewa omukuluntu, omanga aaniilonga ya shaina komeho yoomenindjela dhawo oshowo aakomeho yawo miilonga.
ILENI NANDJATO
Comments
Namibian Sun
No comments have been left on this article