Aanaskola ya tumwa komagumbo sho inaaya kululwa
Aanaskola opamwe naavali yawo oya li ya monika ongula yOmaandaha taya lyatakana momukunda Ompunda molukongo lwomahala gokukululila oya popi kutya Omukuluntuskola gwoskola yedhina Otala Combined School, Kanisius Sheyanale, okwa li a shunitha aanaskola ayehe mboka inaya kululwa komagumbo.
Oskola ndjika otayi adhika moshikandjo shAnamutai mOshitopolwa shaShana.
Oskola oyo tuu ndjika oya li ya tulapo omusindalandu omupe ngoka tagu utha aanaskola ayehe aamati naakadhona opo ya kale ya kululwa. Kakele aavali tamwe oya popi kutya etokolo ndika inaye li tseyithilwa naashika osho sheetitha aanona yawo ya shunithwe komagumbo.
Aavali yamwe oya popi kutya aanona oye ya lombwele mEtitano kombinga yomulandu nguka omupe ihe inaye shi kutha ko onga shasimana sho osho shaningitha aanona yamwe ya ye koskola inaa yakululwa.
“Omafufu ogendji otaga ga imbi ngaa omulongwa iilonge mbela? Ishewe okwa li e na oku tu tseyithila nombaapila. Aanona oye tu lombwele kutya omafufu ogendji itaga pitikwa we koskola okutameka Omaandaha, ihe ethimbo olya li efupi noonkondo, inatu vula okwiilongekidha naashika osho sheetitha ya shunithwe komagumbo,” gumwe gwomaavali a popi.
Oshifokundaneki shoNamibia Sun oshali shamono nkene aanaskola yamwe mboka ya popi kutya oya za komikunda dhokokule tayii kulula pokati kondjila yoNdangwa noShikango mOmaandaha pethimbo lyootundi.
Oya popi kutya inaya kululwa mehuliloshiwike molwaashoka oya li ye wete omafufu gawo andola omafupi.
“Ongula yonena omukuluntuskola okwa li eende noongulu dhoskola adhihe okuza kondondo yotango sigo ondondo onti-10 no ku kuthamo aanaskola ayehe mboka inaya kululwa.”
Aakuluntu oya nyenyeta woo kutya omukuluntuskola okuli wo ta pula aavali ya fute oshimaliwa shooN$25 okufuta sekuriti ngoka a kutwa poskola oshowo ooN$20 dhiikulya poskola.
“Otwa li tu shi egandjo lyiikulya poskola olyoshali. Aanaskola otaya pulwa ya fute iifuta yasekuriti niikulya kehe oshikako. Ngele otwa ndopa okugandja iimaliwa nena aanona ohaya tidhwa ko koskola sigo twe ya pe iimaliwa mbyoka. Tse yamwe otu na aanona yevulithe pugumwe poskola ndjoka, na otayi ningi ondilo kutse noonkondo.”
Sho a pulwa atyekosha, Sheyanale okwa popi kutya aavali naanaskola mboka yamonika ka ye shi yoposkola ye.
“Aanaskola yetu ayehe oye li moongulu dhoskola naavali oya tseyithilwa kombinga yomulandu omupe iiwike itatu ya piti. Ngiika omwa tsakaneke naanaskola yapuka oshowo aavali. Inandi hala okupopya sha kombinga yuuyelele wa puka wa za kaantu ya puka,” Sheyanale ta ti.
ILENI NANDJATO
Oskola ndjika otayi adhika moshikandjo shAnamutai mOshitopolwa shaShana.
Oskola oyo tuu ndjika oya li ya tulapo omusindalandu omupe ngoka tagu utha aanaskola ayehe aamati naakadhona opo ya kale ya kululwa. Kakele aavali tamwe oya popi kutya etokolo ndika inaye li tseyithilwa naashika osho sheetitha aanona yawo ya shunithwe komagumbo.
Aavali yamwe oya popi kutya aanona oye ya lombwele mEtitano kombinga yomulandu nguka omupe ihe inaye shi kutha ko onga shasimana sho osho shaningitha aanona yamwe ya ye koskola inaa yakululwa.
“Omafufu ogendji otaga ga imbi ngaa omulongwa iilonge mbela? Ishewe okwa li e na oku tu tseyithila nombaapila. Aanona oye tu lombwele kutya omafufu ogendji itaga pitikwa we koskola okutameka Omaandaha, ihe ethimbo olya li efupi noonkondo, inatu vula okwiilongekidha naashika osho sheetitha ya shunithwe komagumbo,” gumwe gwomaavali a popi.
Oshifokundaneki shoNamibia Sun oshali shamono nkene aanaskola yamwe mboka ya popi kutya oya za komikunda dhokokule tayii kulula pokati kondjila yoNdangwa noShikango mOmaandaha pethimbo lyootundi.
Oya popi kutya inaya kululwa mehuliloshiwike molwaashoka oya li ye wete omafufu gawo andola omafupi.
“Ongula yonena omukuluntuskola okwa li eende noongulu dhoskola adhihe okuza kondondo yotango sigo ondondo onti-10 no ku kuthamo aanaskola ayehe mboka inaya kululwa.”
Aakuluntu oya nyenyeta woo kutya omukuluntuskola okuli wo ta pula aavali ya fute oshimaliwa shooN$25 okufuta sekuriti ngoka a kutwa poskola oshowo ooN$20 dhiikulya poskola.
“Otwa li tu shi egandjo lyiikulya poskola olyoshali. Aanaskola otaya pulwa ya fute iifuta yasekuriti niikulya kehe oshikako. Ngele otwa ndopa okugandja iimaliwa nena aanona ohaya tidhwa ko koskola sigo twe ya pe iimaliwa mbyoka. Tse yamwe otu na aanona yevulithe pugumwe poskola ndjoka, na otayi ningi ondilo kutse noonkondo.”
Sho a pulwa atyekosha, Sheyanale okwa popi kutya aavali naanaskola mboka yamonika ka ye shi yoposkola ye.
“Aanaskola yetu ayehe oye li moongulu dhoskola naavali oya tseyithilwa kombinga yomulandu omupe iiwike itatu ya piti. Ngiika omwa tsakaneke naanaskola yapuka oshowo aavali. Inandi hala okupopya sha kombinga yuuyelele wa puka wa za kaantu ya puka,” Sheyanale ta ti.
ILENI NANDJATO
Comments
Namibian Sun
No comments have been left on this article