Aanafaalama yomonooli ye li momilema
Okwa holoka omalimbililo omanene omolwa ekateko lyepatululo lyuutomeno moKatima Mulilo oshowo mOshakati, sho omwaalu gwoongombe tagu londo pombanda nokweetitha ompumbwe yuunapelo.
Aanafaalama yomoshitopolwa shonooli yoshilongo natango oyeIi momilema, sha landula sho uuministeli wuunamapya wa ndopa okupatulula uutomeno uyali miitopolwa mbyoka, konima nkene wa patele mo 2016.
Okutameka nkene aaniimuna mboka ya kala owala taya longitha uutomeno wopakathimbo wehangano lyaMeatco, nomonena oye li mompumbwe onene. Onkalo ndjoka oya kolekwa komupresidende gwoNamibia National Farmers' Union (NNFU), Jason Emvula ngoka a lombwele oNamibian Sun kutya uutomeno hoka kaShakati oshowo kaKatima Mulilo itawu ka tameka iilonga mbala molwaashoka epangelo tango oli na okulongulula uutomeno mboka wu vule woo okuwapalekwa, omanga inawu gandjwa momake gahiili aape.
Onkalo ndjoka oya holoka, nonando ominista yuunamapya, John Mutorwa okwa li a tseyitha muAgutse gwomvula ya piti kutya uutomeno mboka otawu tameke iilonga muNovemba gwomvula ya piti.
Emvula okwa popi kutya sho Mutorwa a ningi etseyitho ndyoka aaniimuna oya li ya nyanyukwa noonkondo, na oyali yaa pyakudhukwa okulanditha po iimuna yawo ihe ngashiingeyi oye li mompumbwe yongeshefa yiimuna yawo.
“Otatu pula opo uutomeno mboka wu patululwe mbala. Aanafaalama oya pyakudhukwa okulanditha iimuna yawo ihe kape na omalandithilo. Ngashiingeyi otaya kambadhala okuninga kehe shimwe opo yamone aalandi yiimuna yawo,” Emvula a popi.
Pahapu dhehangano ndyoka lyaanafaalama, omwaalu gwiimuna ogwa londo pombanda noonkondo, okuya poongombe dha thika pomiliyona 1.6, na kape na omahala guulithilo ga gwana miitopolwa mbyoka. Onkalo oya dhigupalela woo aanafaalama molwaashoka itaya mono iiyemo yasha okua miimuna yawo.
“Otwa tseyithilwa kutya uuministeli wiilonga owa konaakona uutomeno mboka wuli monkalo yanayipala, na itawu vulu owala okutameka okulongelwa molwaashoka iikwaniipangitho muutomeno mboka oya tekauka na oya pumbwa okulongwa manga.”
Emvula okwa tsikie kutya omakonaakono ngoka ga ningwa oga ulike kutya epangelo olya pumbwa okutula melongo lyuutomeno mboka omwaalu gwoomiliyona dhontumba.
Momvula yo 2016, Meatco okwa tseyitha kutya itaka longela we muutomeno mboka omolwa ekanitho enene ndyoka a ningi muule woomvula dha piti. Ehangano ndyoka olya tokola kutya pehala otali ka kala nokuninga uutomeno wokapathimbo miitopolwa yomonooli yoshilongo.
Epato lyuutomeno mboka olya gumu noonkondo aanafaalama yomonooli mboka itaya vulu we kulanditha iimuna yawo.
MuAguste gwomvula ya piti, Minista Mutorwa okwali a tseyitha kutya uutomeno mboka otawu ka kwatelwa komeho kiiputudhilo yopaumwene sho hoka komOshakati ka pewa ehangano lyoKIAT Investment Holdings, omanga hoka kaKatima Mulilo ka pewa ehangano lyoZambezi Meat Corporation (ZAMCO).
Oshikondo shuuyelele woshigwana muuministeli mboka osha koleke kutya uutomeno mboka inawu patuluka natango.
“Oshindji natango osha pumbwa okuningwa. Tango oombaapila nomatsokumwe nomahangano ngoka taga ka hiila uutomeno mboka, nandho inadhi manithwa, oshitiyali uuministeli owa pumbwa okulongulula uutomeno mboka omanga inawu tameka okulongithwa. Iinima ayihe mbyoka otayi ka kutha ethimbo,” Jona Musheko ngoka e li omupopiliko guuministeli a popi.
Emvula okwa popi kutya konima nkene uutomeno mboka wa pata, aanafaalama oya taalele onkalo odhigu melanditho lyiimuna yawo, sha etitha opo ya kale taya landithile iimuna yawo kehe pamwe, naashoka otashi tula moshiponga uundjowele waantu nowiimuna. Emvula okwa popi woo kutya epangelo itali mono sha okuzilila momalanditho ngoka.
ILENI NANDJATO
Okutameka nkene aaniimuna mboka ya kala owala taya longitha uutomeno wopakathimbo wehangano lyaMeatco, nomonena oye li mompumbwe onene. Onkalo ndjoka oya kolekwa komupresidende gwoNamibia National Farmers' Union (NNFU), Jason Emvula ngoka a lombwele oNamibian Sun kutya uutomeno hoka kaShakati oshowo kaKatima Mulilo itawu ka tameka iilonga mbala molwaashoka epangelo tango oli na okulongulula uutomeno mboka wu vule woo okuwapalekwa, omanga inawu gandjwa momake gahiili aape.
Onkalo ndjoka oya holoka, nonando ominista yuunamapya, John Mutorwa okwa li a tseyitha muAgutse gwomvula ya piti kutya uutomeno mboka otawu tameke iilonga muNovemba gwomvula ya piti.
Emvula okwa popi kutya sho Mutorwa a ningi etseyitho ndyoka aaniimuna oya li ya nyanyukwa noonkondo, na oyali yaa pyakudhukwa okulanditha po iimuna yawo ihe ngashiingeyi oye li mompumbwe yongeshefa yiimuna yawo.
“Otatu pula opo uutomeno mboka wu patululwe mbala. Aanafaalama oya pyakudhukwa okulanditha iimuna yawo ihe kape na omalandithilo. Ngashiingeyi otaya kambadhala okuninga kehe shimwe opo yamone aalandi yiimuna yawo,” Emvula a popi.
Pahapu dhehangano ndyoka lyaanafaalama, omwaalu gwiimuna ogwa londo pombanda noonkondo, okuya poongombe dha thika pomiliyona 1.6, na kape na omahala guulithilo ga gwana miitopolwa mbyoka. Onkalo oya dhigupalela woo aanafaalama molwaashoka itaya mono iiyemo yasha okua miimuna yawo.
“Otwa tseyithilwa kutya uuministeli wiilonga owa konaakona uutomeno mboka wuli monkalo yanayipala, na itawu vulu owala okutameka okulongelwa molwaashoka iikwaniipangitho muutomeno mboka oya tekauka na oya pumbwa okulongwa manga.”
Emvula okwa tsikie kutya omakonaakono ngoka ga ningwa oga ulike kutya epangelo olya pumbwa okutula melongo lyuutomeno mboka omwaalu gwoomiliyona dhontumba.
Momvula yo 2016, Meatco okwa tseyitha kutya itaka longela we muutomeno mboka omolwa ekanitho enene ndyoka a ningi muule woomvula dha piti. Ehangano ndyoka olya tokola kutya pehala otali ka kala nokuninga uutomeno wokapathimbo miitopolwa yomonooli yoshilongo.
Epato lyuutomeno mboka olya gumu noonkondo aanafaalama yomonooli mboka itaya vulu we kulanditha iimuna yawo.
MuAguste gwomvula ya piti, Minista Mutorwa okwali a tseyitha kutya uutomeno mboka otawu ka kwatelwa komeho kiiputudhilo yopaumwene sho hoka komOshakati ka pewa ehangano lyoKIAT Investment Holdings, omanga hoka kaKatima Mulilo ka pewa ehangano lyoZambezi Meat Corporation (ZAMCO).
Oshikondo shuuyelele woshigwana muuministeli mboka osha koleke kutya uutomeno mboka inawu patuluka natango.
“Oshindji natango osha pumbwa okuningwa. Tango oombaapila nomatsokumwe nomahangano ngoka taga ka hiila uutomeno mboka, nandho inadhi manithwa, oshitiyali uuministeli owa pumbwa okulongulula uutomeno mboka omanga inawu tameka okulongithwa. Iinima ayihe mbyoka otayi ka kutha ethimbo,” Jona Musheko ngoka e li omupopiliko guuministeli a popi.
Emvula okwa popi kutya konima nkene uutomeno mboka wa pata, aanafaalama oya taalele onkalo odhigu melanditho lyiimuna yawo, sha etitha opo ya kale taya landithile iimuna yawo kehe pamwe, naashoka otashi tula moshiponga uundjowele waantu nowiimuna. Emvula okwa popi woo kutya epangelo itali mono sha okuzilila momalanditho ngoka.
ILENI NANDJATO
Comments
Namibian Sun
No comments have been left on this article