Aanafaalama ya kanitha oongombe 35 mehuliloshiwike mOhangwena
Oshikondo shuundjolowele wiimuna moshitopolwa shaHangwena otashi konaakona oshipotha moka omuniimuna a kanitha oongombe dhi li 18 poshikando, taku fekelwa kutya omolwa uuzigo.
Martha Kavela gwomomukunda Ohaihana popepi nEenhana okwa kanitha oongombe dhe dhili 18 ongulohi yetitano lya piti, na keshi kutya omolwashike ta popi kutya oongombe kadha li tadhi ulike omadhidhiliko guunkundi washa.
Uuministeli womauyelele nomakwatathano opautekinika moshitopolwa shaHangwena, owa tseyithile oNamibia Sun kutya omunafaalama gumwe momukunda Ohainengena okwa kanitha oongombe dhi li heyali omanga gumwe mOmundaungilo a kanitha oongombe 10 esiku lya faathana owala.
Omunambelewa omukuluntu guundjolowele wiimuna moshitopolwa shoka, Omundohotola Rauna Athingo, okwa koleke oshipotha shomomukunda Ohaihana ta popi kutya tegelela iizemo okuza kolabora kOvenduka, opo yamone kutya oshike sha etitha eso lyoongombe ndhoka.
Kavela okwa lombwele oNamibian Sun kutya, ongulohi yEtitano oya uvu oongonbe tadhi ningi ekudhilo tali limbilike naasho ya yi koshigunda oya adha oongombe tadhi kondjo nomwenyo.
“Otu na oongombe 46 adhihe kumwe na adhihe odha li iihenguti yomahangu mepya. Odha kala tadhi li iihenguti mbyoka okutameka petameko lyomwedhi Juni ihe inatu dhidhilika nando uupyakadhi sigo ongulohi yEtitano. Oongombe odha kala woo tadhi nu mondama yaakwashigwana na katu shi kutya uupyakadhi owashike.”
Athingo okwa popi kutya itaya vulu okupopya oshindji sigo ya mono iizemo mbyoka ya tegelela okuza kolabora, ta popi kutya oya tameke owala okukokaakona sha landula sho ya lopotelwa oshipotha shoka. Athingo okwa kunkilile woo aanafaalama opo kaya paluthe iimuna yawo niikulya kehe mbyoka taya mono.
Okwa tsikile kutya kutya oshikondo shawo itashi gandja omayele kaakwashigwana yalye onyama yiinamwenyo mbyoka yiisila.
Kavela okwa popi kutya inaya pewa ekunkililo lya sha na oya li onyama ndjoka, na kape na ngoka a mono uupyakadhi washa.
Omolwa omuloka gwankundila ngoka gwa dhidhilikwa nuumvo, iimeno yimwe inayi koka nokukola nawa nooyene yiimuna otaya kunkililwa opo kaya paluthe iimuna yawo niimeno mbyoka, ngaashi omahangu unene ngoka inaga tulako omitse molwaashoka ogeli uusigo kiimuna.
Shoka osha landula sho omunafaalama momukunda Omutsegwonime moshitopolwa shaShikoto, a kanitha oongombe 10 konima sho dhali omahangu inaga kola.
Omundohotola gwiimuna mOmuthiya, Dr Frenada Haufiku, okwa kunkilile aanafaalama kaya gandje kiimuna omahangano nenge iilyaalyaka mbyoka inayi kola.
ILENI NANDJATO
Martha Kavela gwomomukunda Ohaihana popepi nEenhana okwa kanitha oongombe dhe dhili 18 ongulohi yetitano lya piti, na keshi kutya omolwashike ta popi kutya oongombe kadha li tadhi ulike omadhidhiliko guunkundi washa.
Uuministeli womauyelele nomakwatathano opautekinika moshitopolwa shaHangwena, owa tseyithile oNamibia Sun kutya omunafaalama gumwe momukunda Ohainengena okwa kanitha oongombe dhi li heyali omanga gumwe mOmundaungilo a kanitha oongombe 10 esiku lya faathana owala.
Omunambelewa omukuluntu guundjolowele wiimuna moshitopolwa shoka, Omundohotola Rauna Athingo, okwa koleke oshipotha shomomukunda Ohaihana ta popi kutya tegelela iizemo okuza kolabora kOvenduka, opo yamone kutya oshike sha etitha eso lyoongombe ndhoka.
Kavela okwa lombwele oNamibian Sun kutya, ongulohi yEtitano oya uvu oongonbe tadhi ningi ekudhilo tali limbilike naasho ya yi koshigunda oya adha oongombe tadhi kondjo nomwenyo.
“Otu na oongombe 46 adhihe kumwe na adhihe odha li iihenguti yomahangu mepya. Odha kala tadhi li iihenguti mbyoka okutameka petameko lyomwedhi Juni ihe inatu dhidhilika nando uupyakadhi sigo ongulohi yEtitano. Oongombe odha kala woo tadhi nu mondama yaakwashigwana na katu shi kutya uupyakadhi owashike.”
Athingo okwa popi kutya itaya vulu okupopya oshindji sigo ya mono iizemo mbyoka ya tegelela okuza kolabora, ta popi kutya oya tameke owala okukokaakona sha landula sho ya lopotelwa oshipotha shoka. Athingo okwa kunkilile woo aanafaalama opo kaya paluthe iimuna yawo niikulya kehe mbyoka taya mono.
Okwa tsikile kutya kutya oshikondo shawo itashi gandja omayele kaakwashigwana yalye onyama yiinamwenyo mbyoka yiisila.
Kavela okwa popi kutya inaya pewa ekunkililo lya sha na oya li onyama ndjoka, na kape na ngoka a mono uupyakadhi washa.
Omolwa omuloka gwankundila ngoka gwa dhidhilikwa nuumvo, iimeno yimwe inayi koka nokukola nawa nooyene yiimuna otaya kunkililwa opo kaya paluthe iimuna yawo niimeno mbyoka, ngaashi omahangu unene ngoka inaga tulako omitse molwaashoka ogeli uusigo kiimuna.
Shoka osha landula sho omunafaalama momukunda Omutsegwonime moshitopolwa shaShikoto, a kanitha oongombe 10 konima sho dhali omahangu inaga kola.
Omundohotola gwiimuna mOmuthiya, Dr Frenada Haufiku, okwa kunkilile aanafaalama kaya gandje kiimuna omahangano nenge iilyaalyaka mbyoka inayi kola.
ILENI NANDJATO
Comments
Namibian Sun
No comments have been left on this article