Aalongi ya hala efudho lyopokufu
Ehangano lyoTeachers Union of Namibia (TUN) olya tindi okuzimina etokolo ndyoka lya ningwa kuuministeli welongo opo ku ningwe omalunduluko gootundi dhokuhita ooskola pethimbo lyokufu.
Momukanda ngoka a pititha, amushanga gwo
TUN, Mahongora Kavihuha okwa popi kutya ombelewa ye oyuudha omanyenyeto okuza kaavali, sha landula etseyitho ndyoka lya ningwa kuuministeli opo ooskola pethimbo lyokufu dhi kale tadhi tameke pokati kotundi onti 07:30 sigo otundi onti 08:30.
“Shoka osha hala okutya aavali otaya kala nokufala aanona yawo koskola mbala naanona otaya ka kala taya si uutalala nokukala monkalo yaahe na aatonateli sigo ootundi dha tameke.”
TUN okwa gandja omagwedhelepo opo uuministeli wu shune miilonga iikako ine mbyoka yali po nale omanga oshilongo inashi manguluka. Oya popi kutya ngele iikako mbyoka oya shuna miilonga, nena ethimbo lyokufu otali kala efudho lyoskola, naanona itaya ka kala muupyakadhi wokuya kooskola momautalala nomausiku, nokutula moshiponga oomwenyo dhawo.
Omukanda ngoka gwa gandjwa mEtitano, Amushanga gwuuministeli mboka, Sanet Steenkamp, okwa holola woo kutya ooskola ndhoka dhi na ootundi lwaali nadhi kale dha mana ootundi dha hugunina potundi onti 16:30.
Uuministeli owa holola kutya owa nongele omikundu dhimwe po ndhoka tadhi dhidhilikwa kooskola dhimwe po uuna dha lundulula omadhimbo gadho, ngaashi unene ooskola ndhoka hadhi kala nootundi lwaali mesiku.
JEMIMA BEUKES
Momukanda ngoka a pititha, amushanga gwo
TUN, Mahongora Kavihuha okwa popi kutya ombelewa ye oyuudha omanyenyeto okuza kaavali, sha landula etseyitho ndyoka lya ningwa kuuministeli opo ooskola pethimbo lyokufu dhi kale tadhi tameke pokati kotundi onti 07:30 sigo otundi onti 08:30.
“Shoka osha hala okutya aavali otaya kala nokufala aanona yawo koskola mbala naanona otaya ka kala taya si uutalala nokukala monkalo yaahe na aatonateli sigo ootundi dha tameke.”
TUN okwa gandja omagwedhelepo opo uuministeli wu shune miilonga iikako ine mbyoka yali po nale omanga oshilongo inashi manguluka. Oya popi kutya ngele iikako mbyoka oya shuna miilonga, nena ethimbo lyokufu otali kala efudho lyoskola, naanona itaya ka kala muupyakadhi wokuya kooskola momautalala nomausiku, nokutula moshiponga oomwenyo dhawo.
Omukanda ngoka gwa gandjwa mEtitano, Amushanga gwuuministeli mboka, Sanet Steenkamp, okwa holola woo kutya ooskola ndhoka dhi na ootundi lwaali nadhi kale dha mana ootundi dha hugunina potundi onti 16:30.
Uuministeli owa holola kutya owa nongele omikundu dhimwe po ndhoka tadhi dhidhilikwa kooskola dhimwe po uuna dha lundulula omadhimbo gadho, ngaashi unene ooskola ndhoka hadhi kala nootundi lwaali mesiku.
JEMIMA BEUKES
Comments
Namibian Sun
No comments have been left on this article