Aalandithi ayehe taya tameke okufuta iishoshela yepangelo
Ofuto yiishoshela yepangelo kaalandithi kashi shi oshinima oshipe pahapu dhakomufala gwoshikondo shomafutilo giishoshola yepangelo, Justus Mwafonge.
Ndyoka eyamukulo a gandja sha landula sho a ningilwa omapulo kombinga yonkundana yetulo miilonga iishoshela yepangelo,okuza kaalandithi. Uuministeli wemona owa holola kutya aalandithi yuupana, noondingosho otaya ka tameka okukala taya futu iishoshela yepangelo.
Mwafonge okwa popi kutya shoka kashi shi oshimina oshipe molwaashoka paveta yawo, omuntu ngoka ha mono iiyemo yi vule poN$50 000 komvula okwa pumbwa okufuta iishoshela.
Okwa popi kutya oongeshefa odha kala nale nokufuta iishoshela na oshiikolelela owala kutya ongeshefa oya shangithwa ngiini.
Mwafonge okwa popi kutya natango oshindji osha pumbwa okuningwa omanga iifuta mbyoka inayi tulwa miilonga.
Mwene gwokandingosho gumwe, ngoka ina hala uukwatya we wu holowe okwa popi kutya ngele okwa tulwa miilonga iifuta mbyoka nena otashi ka mana po iimaliwa yawo mbyoka haya longo okuza moongeshefa dhawo.
Omunangeshefa gumwe, gwosalon ngoka ina nyanyukwa netulo miilonga lyefuto lyiishoshela mbyoka, okwa pula kutya omolwashike epangelo itali tula pombanda ondondo yaamboka taya vulu okufuta iishoshela yepangelo, okuza poN$50 000 okuya poN$100 000.
Epangelo olya li lya kaleke edhilaadhilo ndyoka pethimbo sho lya li lya tulwa poshitaafula lyotango moshikakomvula yo sho2014/15, kominista nale yemona, ngoka ngashiingeyi e li omuprima Saara Kuugongelwa-Amadhila.
Minista Calle Schlettwein okwa dhenge omuthindo kutya pethimbo ndika lyoshilongo sha taalela onkalo yopaliko ya dhigupala, oyena okukonga iiyemo ihe elalakano lye haku gwedhela iishoshela mbyoka hayi futwa kaafuti yiishoshela ihe okukwashilipaleka kutya ayehe mboka ya pumbwa okufuta iishoshela otaya futu tuu.
OGONE TLHAGE
Ndyoka eyamukulo a gandja sha landula sho a ningilwa omapulo kombinga yonkundana yetulo miilonga iishoshela yepangelo,okuza kaalandithi. Uuministeli wemona owa holola kutya aalandithi yuupana, noondingosho otaya ka tameka okukala taya futu iishoshela yepangelo.
Mwafonge okwa popi kutya shoka kashi shi oshimina oshipe molwaashoka paveta yawo, omuntu ngoka ha mono iiyemo yi vule poN$50 000 komvula okwa pumbwa okufuta iishoshela.
Okwa popi kutya oongeshefa odha kala nale nokufuta iishoshela na oshiikolelela owala kutya ongeshefa oya shangithwa ngiini.
Mwafonge okwa popi kutya natango oshindji osha pumbwa okuningwa omanga iifuta mbyoka inayi tulwa miilonga.
Mwene gwokandingosho gumwe, ngoka ina hala uukwatya we wu holowe okwa popi kutya ngele okwa tulwa miilonga iifuta mbyoka nena otashi ka mana po iimaliwa yawo mbyoka haya longo okuza moongeshefa dhawo.
Omunangeshefa gumwe, gwosalon ngoka ina nyanyukwa netulo miilonga lyefuto lyiishoshela mbyoka, okwa pula kutya omolwashike epangelo itali tula pombanda ondondo yaamboka taya vulu okufuta iishoshela yepangelo, okuza poN$50 000 okuya poN$100 000.
Epangelo olya li lya kaleke edhilaadhilo ndyoka pethimbo sho lya li lya tulwa poshitaafula lyotango moshikakomvula yo sho2014/15, kominista nale yemona, ngoka ngashiingeyi e li omuprima Saara Kuugongelwa-Amadhila.
Minista Calle Schlettwein okwa dhenge omuthindo kutya pethimbo ndika lyoshilongo sha taalela onkalo yopaliko ya dhigupala, oyena okukonga iiyemo ihe elalakano lye haku gwedhela iishoshela mbyoka hayi futwa kaafuti yiishoshela ihe okukwashilipaleka kutya ayehe mboka ya pumbwa okufuta iishoshela otaya futu tuu.
OGONE TLHAGE
Comments
Namibian Sun
No comments have been left on this article